قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
🔧جعلت منه مجرما 🔧 👑oumaima mega 👑 💋 3💋 خلا اشرف رئيس العمال محيح و دار يدو في جيابو و مشا ....و خلا داك رئيس العماا ا يقاد ديك الحالة لا بقا فيها م ميتقاد ... و اشرف عارفو ميقدر يدير ليه والو حيت رئيس العمال من لخر كيجييه ريحة الشحمة في الشاقور ... المهيم مشا لوحد دويرة تما تاع الخدم تابعة القصر من لور ....دخل مشا لوحد البيت عادي فيه جوج ناموسيات ...حط ديك البدلة حيدها ...و تما بانو شيي وشامات في دراعوو تاع وللد الشعب المكشطين و عندو ضربة ديال الموس جيهت كرشو ...حيد الكاسكيط ....شعرو تطلق غا شروخان في يماتووو ...و مبوووكص ...مزيان ...مشا القرعة المااا هزها و تكااا عليها بالشىريب
لينا مشات رجعت لجناحها ...كتمسح دموعها يمكن بالغت بزاف في رد فعلها و لكن حسات بالحكرة حست بدوك الوردات ضعاف فحالها شنو دنبهم الى بغاو يكبرو و يزيانو علاش يجي واحد يقطعهم بديك الوحشية ...غسلت وجهها ..و بدلت حويجها كتلبس داكشي كلاسيكي انيق و محترم ...فستان تحت ركبة مزير من الفوق و مطلوق من لتحت ...و سباط طالون ..و شعرها دائما كدير ليه ديل حصان ...و كتربطو بكاشكول كتبان فحال شي اميرة ...نزلت لتحت باش تعشا مع العائلة لي كانت كبييرة و مجموعة في طبلة وحدة ...مشات جلست بادب تما ...سمير كان طلعها و نزلها : وجدي راسك عرسنا مبقا ليه والو ....قالها فحال قطر السم على قلبها ...و مامات سمير تبسمت و تمنات ليهم حظ زوين ...هي و باه عدنان ...تا جا سي عبد الحفيظ الجد ...و كلشي قطع النفس و بداو ياكلو ...و لينا كدوزو ديك لقمة فحال السم على فمها ...و ممنوع تنوض تينوضو الكبار ....صافي سلاو ...و كلشي ناض ...و ناضت حتى لينا مشات ...سمير تبعها بعينو ...كان باين محاملش يتزوج بيها ...ماشي من نوعو كتجيه كتحني الراس و تحشم و غا مطوية و مغطية بداك للباس ...و عاد هو باغي يعيش لحياة عاد يرتابط بهادي و يمشي مع هادي ....خاصو يلقا ليها شي منتيف يركبو فيها .... دخلت لينا لجناحها ...و سداتو ... و مشات حلات لباب ديال الزاج تابع للبالكون ...و خرجت تما كتنفس بجهدها فحالا تخنقت كتحس بللهوا مكتستنشقوش ... فحال مخنوقة ...شنو غدير مبغاتش تزوج بسمير كيضربها و يعنفها ...و خاص يلقا غا سبا باش يضربها ...كتفكر تهرب و لكن فين غتمشي ولا عند من غتمشي غمضت عينيها شنو غدير ياربي تعونها .... و هي تسمع فحال شي حاجة كتحرك تحت البالكون ... و تخرشيش ديال الشجر ... حلت عينيها ...طلت في البالكو كيبان ليها واحد لابس تيشرت ...و طالع كيتسلق من الجنب لحيط طالع عندها حتى تلاح عندها لبالكون يلاااه غتغوت هو يشد ليها فمها بيدو الكبيرة و جابها لعندووو خلاها مخرجة فيه عينها و كيزير على فمها ...و عينو لكحلة في عينيها ...غطا عليها ببنيتو
اشرف شعرو كامل على جبهتو : ششش غتشوهينااا تنتييي شوفي غنطلقك و متغوتيش ...لينا كلها كترعد دارت ليه اه براسها ...يلاه طلقها و هي تغوت عاود سد ليها فمها و حمر فيها الغوباشة و نهض فيها: راه دوييت معاااك ...طلق شوية منها و هي ترجع بلور شادة صدرها خايفة : ش ش شكون نتا ؟ و و و اش باغي مني واش شفار اشرف : غااا بشوية عليك غا تموتي غا بوحدك واش كنبان ليك سيفتة شفار (لينا طلعاتو و نزلاتو مع تيشرت كحلة و سبرديلا باينة شفار حركت ليها راسها بلا بشوية غا باش دير ليه خاطرو هو فهمها زعفاتو ) وااا غا الفقر و المجاااعة تومااا غا لي بان ليكم مهيبها تقولو شفاار المهيم انا راه هو اشرف موول الورد ديال الصباح لينا دورت عينيها عاد عقلت عليه : ننتاااااا شنووو كديير هناااااا ؟ كيفاش ...مجات فين تكمل تجبد من وراه خمسة الوردات (وحدة حلالة صفرا ، و وردت الدفلة بالغوز ، وثلاتة حمرين كيكونو في شجر ممجموع عليهم النمل متخفوش تنقاهم عاد جابهم ) سمحليا على قبيلة كنتي غتموتي على الورد حاولت نوع لييك هاكا باش ميبقاش فيك الحال (لينا وسعت عينها كتشوف في الورد اول مرة كيهديها رجل في حياتها الورد ...هزت فيه عينها مقدرت تقول والو شي حاجة بدات كتحرم فيها و طولت فيه الشوفة عاد بان كيف واقف برجولة و شعرو كيداعبو ريح ...من لخر جاها تيتيز ...اشرف بانت ليه سيدة فحالا تصدمات و لا منعرف مال جدها ديجا بانت ليه في شكل شوية ... و مالت وحد من الوردات للجنب ...تفو دابا غيدبلوو اشرف هز ليها يدها : هاكي شدي قولي بسم الله هاد راه حسن من داك الورد (شداتو في يدها و هو رجع يدو في جيبو ) راه من قبيلة سولت عليك الخدامة هنايا باش نجيب ليك هادو دابا ندويو في المهم غنبقا شاد بلاصتي ؟ لينا حشمت : شكرا ...و نزلت تشوف في لورد و خدودها بداو كيحمارو شوية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
