قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
مشا لوطو ووقف حداها و عاد دار عندها عندها و لاح ليها الكونطاك دطموبييلتهااا تاشقماتو بين يديها و بقات تتشوف في الكونطاك و هزت فيه عينيها ...و باينة من وجهوو مكيتقشرش : هاقزديرتك منشوفش كمارتك مرة اخرى رجعي لقنتكم و لا شوفي شنو ديري دبري مخك ....و خلاها مطرطقة عينيها و بدا يتمشى ....تجاوزها و خلاها واقفة تما مصدومة كتشمش ...شنو غديير دابااا دورت عينيها في الارجااء ...كين غير الخلااا و الخوف و تاحد تاحد مكتعرفوووو في هاد دنيا من بعد ماهربت من غير اشرف ..و هي تدوور كتجريي... و مشات تابعاه و بدات كتتطلب فيه شوية بدات تنزل الدموووع و لصقت عند دراعوو و كتهدر و تشكي و تبكي عليه ...و و تعاود ليه على معاناتها ...بلي كانت محبوسة مكانتش عايشة حياتها ...هادي اول مرة كتمشى بحرية ... اشرف حط اعصابو في ثلاجة هو كيسمع لهاد المسلساال الهندي ... وكتبان بين عينو غا المؤباااد ولا عشرين عام تاع الحبس مافيهاش ....بسباب هاد ختنا ... دابا الاهم حاجة تفك من ديك القزديرة لي تقدر دير ليه ااشوهة و يعرفوه فين هو بضبط ... باقا ليه غير هاد ختنا لي معرف ميدير ليها صراحة .... غيشوف شي بلان يصدرها بيه ... تهيا شافتو مردش على هدرتها مسحت دموعها ...فحالا عرفاتو خلاها معاه ...بقات لاصقة فيه خطوة بخطوة مكتفرقش عليه ...ماعلينا تمشاو مسافة بعييدة بزاف على رجلهم و كين غا الخلا ...و طموبيلات كيدوزو يجريو ...و الشمش طالعة حاااارة .... لينا بدات كتسخف و ولات كلها حمراا و شحفت و هي توقف و جلست ليه تمااا فوق وحد الحجرة
لينا : مبقيتش قادة اشرف موالف بسوفل و شمش بالنسبة ليه غا اشاعة مكتاثرش فيه غادي مكماال في المشي : فاش تسالي رجعي منين جيتي ...حيت ماشي من نوع لي غيتحمل فشوشها ...لينا خنزرت فيه و كتنهج ياه على شخص ... حشومة عليه مكيرحمش مكيشوفش انسان عيان ...مقدرتش توقف قالت اكيد غيتسناها ...بقات حادياااه و هو غادي والله ماعبرها و لا دار يشوف مالها ....و عاد مازيد كيبعد ....نفرت بيأس معندها مدير ..و هي تنوض ...معاه تاني تجري باش تلحق واخا عيات و عطشت بزاف تا وصلت عليع ...اشرف تكيبان ليه وحد الكاميو ديال الحوالة جاي في طريق ...دار ليه اوطوسطوب تامول الكاميو وقف .. وهدر معاه باش يطلعهم و يوصلهم ... هو ومرتو زعمة تقطع بيهم الحبل في طريق ...تا مول لكاميو طالقها ...دغيا قبل باش يطلعهم لور ....كانو شي جوج خدامة تما دراري ...هما لي حاديين الحوالة ... و جرها من يديها من ورا الكاميو حلو ليهم دوك الخدامة الباب....اشرف جاب لينا قدامو و هزها من خصرها تاغوتت و طلعها هي لولة ....عاد طلع من وراها ...غير شافت لحوالة كحلت بالعما ما كحلت بيهم ...رجعت تخبات من ورا اشرف مبغاتش تقرب ليهم ...ها الفشوش الخاوي بدا تاني... دوك الخدامة غتيشوفو فيها حيت كتبان زوينة بزاف و فحالا ممحطوطاش في بلاصتها ...لي خاصها تكون فيها ... اشرف حيد الفيسط الخضرة قدام عينيها ... بين ليها لوشام و العضلات ...وقفت تما مبلوكية كتشوف فيه شنو غيدير طبعا مع داكشي دالاثارة كتشوف غير في الوشام و العضلات عجبوها ...هو يزيد الكاميو مع مشاداش راسها كانت غطيح كون ما شد من يدها ....و فرش ليها ديك الفيست و زيدها تجلس فوقها ...شكراتو و جمعت رجليها و جلست بطريقة انيقة ...و سدت نيفها بحكم الريحة خايبة...وهو جلس حداها متكي على الحيط و رجل مسرحها و رجل طاويها ...و رجع راسو لور مغمض عينوو يستارح شوية راه مناعسش ...لينا بقات جالسة غير تتشوف مرة في الحوالة مرة في الخدامة ...دارت عند اشرف
لينا : سميتك اشرف ياك (معطاها تا جواب خلاها تما بلاكة ) احم احم واش نعستي اشرف اشرف(و حطت يدها فوق من دراعو يلاه غتململو ) اشرف اشرف اشرف نهض فيها : مااالناا لينا شدت من قلبها : خلعتنيي كنت بغيت غير نقوليك سمحليا حيت بسبابي وقع ليك هادشي كولو اشرف باقي مغمض عينو : هاد السماح خليه لدماغك فاش نتشدو وشوفي واش غينفعنا لينا خنزرت : شنو هاد تصرف هادا مخاصكش تجاوب انسان طلب منك السماحة بهاد الشكل اشرف فتح غير عينو و حولهم فيها : مفهمتش بلانك نتي واش كان اية واحد غيجي يدافع عليك قدام داك خينة كنتي غتجي معاه ولا شنو (لينا دارت و حنات راسها و حركاتو بالنفي اشرف رجع لوضعيتو و غمض عينو و ربع يدو) غنوصلك لتما غتجلسي شي يمات و مبغيتكش تباني قدامي مفاهمين ؟ ...هزت فيه غا عينيها كيف غتقنعو باش تبقى معاه هو من زحد ناحية عندو الحق ...ميمكنش لوحد مكيعرفكش يخليك معاه ...شنو غدير دابا حصلت حصلة ديال الصح ....بقات هاكاك جالسة و تدور عينها بين الحوالة كتحس بالعيا و النعاس بزاف ...بدات عينها تميل بشوية بشوية و لكن ملقاتش كيف تدير تنعس دارت اشرف بان ليها ناعس ...بان ليها لحل الوحيد باش تنعس هو اشرف نيت ...تنهدت و تشجعت و ميلت راسها وحطاتو على كتف اشرف و غمضت عينها و تما عاد رتاحت و داتها نومتها و اخيرا ...خاصها تعيش الحرية ديالها دابا خاصها تختار حياتها بنفسها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
