رواية حب في وسط الطب (مكتملة)

الجزء 14

طارق بهمس : أيار افتح الورقة .

أيار كان حاس بشعور غريب باتجاه هالورقة و فيه تسائلات كثيرة .. من منو ؟ .. ليش هالشخص ما جاء وسلمه بنفسه ؟ .. ليش قلبه يحس خايف من حروف هالورقة ؟ .. حاس انه في هالورقة شيء بيغير حياته بس ما يدري للاسوء او الافضل .

أيار تنهد وغمض عيونه وفتح الرسالة بعيون ترمش .

******************************************************************************

( فلاش باك )

قاعده ذيك الدكتورة على مكتبها قدام الاوراق واهي ضايعه وسط هالحروف .. لكن مضطره تجمع هالحروف الضايعه عشان تكون جمل ترتب كلامها وتوصف احساسها .. توصف االي ما تقدر تقوله وجه لوجه .

كتبت رسالتها و خطت اسم الشخص المعني بكلماتها وحروفها واحساسها وابتسمت واهي تقفلها ..تنهدت براحه بعد ما حست بجبل منها وانزاح قامت وطلعت و تركتها بجيبها و بدت جولة تفقد المرضى حقتها .

( نهاية الفلاش باك )

******************************************************************************

و انتهى أيار من قرأت الرسالة و بس حطها على المكتب هربت منه دمعه ما يدري اهي دمعه فرح او دمعه حزن او خوف .. كل اللي يعرفه انه داخله كمية مشاعر ماهي موصوفه .. كمية مشاعر تلعب فيه مثل موج البحار .. صحاه من دوامه افكاره صوت فواز واهو ينادي عليه بس الصوت مو واضح صاير مشوش .

فواز : أيار .. أيار تسمعني .. أيار شفيك ؟! .

أيار رجع لافكاره اللي ما طلع منها الا ثواني و يكلم نفسه (معقوله اللي قريته .. انزين ليش بورقة ... ليش مو وجه لوجه .. ليش الحين ؟ .. ليش بعز ... ) .

قطع كلامه صرخت يوسف : أيااااار .

أيار انتبه لهم : هااا .. شنو شفيكم ؟ .

طارق : انت اللي شفيك .. شنو بالورقة ؟ .

أيار مسح دمعته واخذ الورقة قفلها وحطها بجيبه وهمس : ما فيها .

فواز جاء بيتكلم مسكه يوسف وهمس له : خله براحته لو يبي يتكلم تكلم لا تضغط عليه .

فواز تنهد .

وأيار رجع سرح بأفكاره .

******************************************************************************

( بعد مرور 6 ساعات )

حياة تفكر بطريقة تخليها تنحاش من هني وتمنت لو انه أيار يمها .

أيار يفكر بالرسالة اللي جاته و في محتواها .. و يفكر في حياة هل اهي بخير او لا ؟ .

فواز منشغل باله في فوز لكن يحاول انه يتناساها بحكم الظروف اللي جالسه تصير .

******************************************************************************

يوم امس حدثت حادثه غريبة جدا في احد اهم المستشفيات في بلادنا وهو اكبر المستشفيات
كما ترون انه خلفي نعم انه مستشفى احتواء اكبر مستشفى وافضل مستشفى في بلادنا فقد حدث يوم امس حادثتين في آن واحد واهو جريمه قتل احد المرضى داخل المستشفى و اختطاف احد الاطباء المهارين من قبل اشخاص مجهولين وقد اكدت السلطات المعنيه ان التقيقات قائمه الى الان و لا يوجد ادلة ثابته بان الطبيبة التي تم اختطافها هل هي من فعل تلك الجريمه وقتلت تلك الروح ام لا .