( تسريع للاحداث )
مرت 8 سنوات
فوز وفواز تزوجوا وجابوا بنت وولد الولد عمره 5 سنوات و البنت عمرها 3 .
دانه جابت بنتين وعايشه مع زوجها بحياة سعيده لكن فرحتها ناقصه تنتظر حياة .
طارق تزوج وزوجته حامل .
يوسف فتح مستشفى خاص فيه و خلال هالفترة بينقل فيه نهائي .
******************************************************************************
( بمكتب أيار )
انفتح الباب ودخل هالطفلين واهو يصرخون بفرح : عمو أيار .
أيار ابتسم ولف عشان يستقبلهم بحضنه : هلا .. هلا وغلا .. ( حمل واحد وحطه على المكتب بعد ما باس خده و اخذ الثاني بحضه وباس خده ) اووبا .. اشلون الحلوين ؟ .. شنو سويتوا اليوم ؟ .
الولد : انا ماما الصباح عطتني كأس الحليب وشربته كامل .
أيار يقلده : اوووه كفو شاطر البطل و القوي .. ( لف على البنت بحضنه واهو يلعب بشعرها) و الاميرة الحلوة اللي بحضني ؟ .
البنت : انا ماما عطتني عثيره برتعاله وسربته كله .
(انا ماما عطتني عصيره برتقاله وشربته كله) .
أيار ضحك وباس خدها : واااه فديت الحلو انا شطورة .
دخل فواز وتخصر : انتوا هني وانا ادوركم .
الولد والبنت بصراخ : بابا .
فواز : اووش لا تصرخون عيب احنا مو بالبيت .. وبعدين يلا قدامي روحوا الالعاب اللي تحت .
الولد بزعل : بابا خلنا شوي مع عمو أيار .
فواز باصرار : سما .. سالم .. قلت يلا نزلوا تحت شوفوا سيتا تنتظركم بره .. يلا .
سما و سالم : ان شاء الله بابا .
سما باست خد أيار وقالت : مع الثلامه عمو (مع السلامه عمو ) .
أيار باسها ونزلها .
قرب سالم وباسه وحط يده على خده : عمو لا تزعل .. كل شيء بيصير حلو اوك ؟ .
أيار ابتسم وباس خده : تمام يا بطل .
نزل سالم بروحه ومسك يد سما اخته ولوحوا لأيار باي وطلعوا .
فواز لف يطالع أيار .
أيار تنهد وانسمحت الابتسامه و رجع يكمل اللي كان يسويه .
تنهد فواز وقرب جلس فوق المكتب قريب منه .
أيار ما عطاه اهتمام .
فواز ما تحمل وتكلم : الى متى ؟ .
أيار : الى متى شنو ؟ .
فواز : الى متى بتظل على هذي الحال .. كافي ارحم نفسك .. عيش حياتك .. بس كافي .. حرام عليك .
أنت تقرأ
رواية حب في وسط الطب (مكتملة)
Romanceالحب موجود في كل مكان وزمان ولكن ماذا ان نشأ في مهنة خطيره جداً ابتدت : 8/12/2019 انتهت : 18/1/2021
