تركهم و طلع من الغرفة و توجه لغرفة حياة .
دخل وشاف حياة تحاول تقوم من السرير و فشلت و كانت بتطيح على الارض و قبل لا توصل للارض مسكها أيار من خصرها .
أيار بهمس : انتبهي .
حياة طالعته و بهدوء : انت اللي مساعه .
أيار رجعها على السرير وجلس قدامها و بابتسامه : اي .
حياة بخجل : اسفة على اسلوبي مساعه .
أيار هز راسه بلا : ما صار شيء .
حياة تطالع بعيونه و همست : ليش احس اني اعرفك .. في شعور غريب بداخلي لمن تقرب مني .. منو انت ؟ .
أيار بلع غصته و يحاول يضيع جواب هالسؤال : انا أيار اكون دكتور هني و انتي بالمستشفى .. و اللي شفتيهم مساعه كلهم دكاترة هني .
حياة : انا ليش بالمستشفى ؟ .
أيار : تعرضتي لحادث وسوينا لك عمليه و كانت سلبيه لجسمك و دخلتي بغيبوبه و توك تصحين .
حياة : من متى و انا بغيبوبة ؟ .
أيار بغصة يبلع ريقه و يحاول يخفي حزنه : من 10 سنين .
أيار وقف و بابتسامه : انا بتركك ترتاحين الحين و بعدين نتكلم .
قبل لا يمشي حياة مسكت يده و بهدوء و عيونها بعيونه : ابي اذكرك .. ممكن تذكرني فيك ؟ .
أيار طالعها و يده بيدها و نطقوا كلام كثيير بالعيون بدون صوت .
أيار رجع جلس و عيونه ما فارقت عيونها و همس : ليش ؟ .
حياة نزلت راسها وبتردد نطقت : احسك قريب مني .
أيار بهيام : اشلون ؟! .
حياة : احسك شخص مهم بحياتي .. الى درجة تخلي قلبي يدق بسرعه مو طبيعيه بس عقلي يقولي لا ذاكرتي مو متذكرتك ولا متذكره اي شيء .
أيار تنهد وبلع ريقه : اممم .. ومنو بتسمعين ؟ .
حياة : مادري .
أيار : و لو قلت لك سمعي قلبك ؟ .
حياة بهدوء : بسمعه .
أيار وقف : انا بخليك ترتاحين .
حياة : بس انت ما جاوبت علي .
أيار ابتسم و همس : بتعرفين لكن بالوقت المناسب .. كل شيء بوقته حلو .
تركها وطلع و حياة ظلت تطالع مكان ما واقف .
******************************************************************************
( تسريع للاحداث )
مرت 3 شهور .. أيار و حياة صاروا أصحاب .. أيار صار يتابع حالة حياة الصحيه و النفسيه .. يطلعها و يغير لها جو .. و يحاول يذكرها بكل شيء .
أنت تقرأ
رواية حب في وسط الطب (مكتملة)
Romanceالحب موجود في كل مكان وزمان ولكن ماذا ان نشأ في مهنة خطيره جداً ابتدت : 8/12/2019 انتهت : 18/1/2021
