أيار بدأ يفتح عيونه لكن الرؤية مو واضحه عنده .. مد يده وحطها على عيونه انتبه ان يده فيها مغذي(كانيول / محلول) .. بلع ريقه ومدها يحجب الضوء عنه والرؤية وضحت عنده .
لف على يمينه لمن سمع صوت يوسف داخل : اوه صحيت ؟ .
أيار رفع نفسه واهو يحس دايخ همس بتعب : شصار ؟ .
يوسف قرب منه وجلس : ضغطك ارتفع من العصبيه اللي كنت فيها و هالشيء منع الاكسجين يوصل الدماغ وكان بيسبب لك جلطه لكن الحمد الله تداركنا الوضع بشكل اسرع .
أيار حطه ايده على راسه : انا مو متذكر شيء .
يوسف : طبيعي فترة وتتذكر كل شيء لا تحاتي .
أيار غمض عيونه وتنهد فجأة طلع بباله موقف صوت المطر والرعد القوي و سقوط جسم حياة قدامه الغارق بدمها .
موقف ثاني واهو خايف لمن دخل العمليات وبدأ يشيل الرصاصات .
موقف ثالث لمن طلعوه من العمليات وصار يصرخ يبي يدخل .
و اخر موقف لمن دخل شافه سبب له هالطيحه .
صحى أيار من هالذكريات اللي جاته بصوت يوسف : أيار .. أيار تسمعني ..أيار .
أيار التفت له : همم .
يوسف : شفيك ؟.
أيار : وين حياة ؟! .
يوسف بلع ريقه : أيار اهدأ .
أيار وموعه تسابقه : ماتت ؟ .
دخل فواز و طارق .
يوسف يمسكه من كتوفه : أيار اهدأ وبقولك كل شيء مو زين لك تنفعل الحين اهدأ .
أيار يحاول يقوم : لا اتركني قلي ماتت صح ؟ .
طارق قرب منه : أيار وين رايح ؟ .
أيار يوخرهم ويبي يقوم : اتركني بروح حق حياة اهي تنتظر بروح لها .
يوسف صراخ : اصحى حياة ما ماتت .
أيار جمد بمكانه ثواني ونطق : ما ماتت ؟ .
فواز بلع ريقه وقرب : لا انقذتها باخر لحظه لكن حصلت مضاعفات .
أيار : شصار ؟ .
******************************************************************************
( فلاش باك )
فواز بسرعه سكر الجرح و صرخ : جيبوا جهاز الصدمات
جابوا الجهاز وبدأ عملية الانعاش واهو يكرر : لا تكفين ارجعي تكفين .
أيار ما تحمل اكثر من كذا وكسر الباب ودخل شاف اكثر منظر ما تمنه يشوفه حياة تصارع الموت .. ثواني وطاح جسمه بالارض مغمى عليه .
يوسف صرخ : أياااار .
فواز : طلعوه .
الممرضة : دكتور نعلن وقت الوفاة ؟ .
أنت تقرأ
رواية حب في وسط الطب (مكتملة)
Romanceالحب موجود في كل مكان وزمان ولكن ماذا ان نشأ في مهنة خطيره جداً ابتدت : 8/12/2019 انتهت : 18/1/2021
