" ဝမ်ရီပေါ် ထွက်ခဲ့အုန်း "
ညနေစောင်းကြီး အိမ်ရှေ ့လာအော်နေတဲ့
ရှောင်ကျန့်အသံကြောင့် ရီပေါ်အလန့်တကြား
ပြေးထွက်လာရတော့တာပဲ။
" မင်း ပေါင်ပေါင့်ကို ဘာတွေကျွေးထားတာလဲ
ပေါင်ပေါင် အန်နေတယ် "
ရီပေါ် ခေါင်းကိုချက်ချင်းခါပြလိုက်သည်။
" ဟင့်အင်း ကျွန်တော်ဘာမှမကျွေးပါဘူး
ကျန့်ကော "
ရှောင်ကျန့်က မယုံသင်္ကာနဲ့ကြည့်နေဆဲ။
ဝမ်ရီပေါ်ဆိုတဲ့ကောင်လေး မနက်ဆို
ဘာတွေလဲ မသိ ပေါင်ပေါင့်ကို ခိုးကျွေးနေတာ
သူတစ်ခါတစ်လေ အိမ်ထဲကနေ
လှမ်းမြင်ဖူးတယ်လေ။
" သေချာလား "
ရီပေါ်ခေါင်းကို ဆက်တိုက်ငြိမ့်ပြတော့မှပဲ
ရှောင်ကျန့်က နည်းနည်းစိတ်ပြေသွားတာ။
" ဟို .. ကျန့်ကော "
" ဘာလဲ "
" ပေါင်ပေါင်က နေမကောင်းဘူးလား "
" နေကောင်းတယ် အန်နေတာ
ငါက မင်းတစ်ခုခု ခိုးကျွေးထားတယ်ထင်လို့
လာမေးတာ "
ရီပေါ်ရေ သေချာလေးစဉ်းစားစမ်း။
ဒီနေ့မိုးလင်းတော့ ပေါင်မုန့်စားတယ်
ကြက်ဥကြော်စားတယ်။
ပြီးတော့ ပေါင်ပေါင့်ကိုနွားနို့လေးပဲတိုက်တာ။
ဟုတ်တယ် .. ကျန်တာမကျွေးပါဘူး။
" ကျွန်တော် မနက်က နွားနို့လေးတော့
နဲနဲလေးတိုက်လိုက်တယ် ကျန့်ကော "
ဝမ်ရီပေါ်က စပ်ဖြီးဖြီးနဲ့ ဖြေတယ်။
ရှောင်ကျန့်ကလဲ ဘာမှဆက်မပြောတော့ဘဲ
အိမ်ဘက်ကို ပြန်လာခဲ့တော့တယ်။
ဒီတိုင်းပဲ အစားမှားတာပဲဖြစ်ပါလိမ့်မယ်။
ရှောင်ကျန့် ပေါင်ပေါင့်ကို အလုပ်သွားရင်
အိမ်မှာထားခဲ့ရတာ စိတ်မချတော့ဘူး။
ကြောင်ထိန်းလေးဘာလေးရှာပြီး
အပ်ရမလား စိတ်ကူးမိပြီး
weiboမှာ ချက်ချင်း post တင်လိုက်သည်။
" ပေါင်ပေါင်ချစ်သူများခဗျာ ...
ကျွန်တော်ရှောင်ကျန့်ဟာ အလုပ်တစ်ဖက်နဲ့မလို့
ပေါင်ပေါင်လေးကို စျေးသက်သက်သာသာနဲ့
နေ့ခင်းဘက် ထိန်းပေးမဲ့လူတစ်ယောက်
အမြန်ဆုံးလိုနေပါတယ်ခဗျာ။
စိတ်ဝင်စားရင် ဆက်သွယ်ကြပါ "
ဒါက ပေါင်ပေါင်ရဲ့ weibo accountမှာ
တင်လိုက်ခြင်းပင်။ ပေါင်ပေါင်က
weiboမှာ follower 21K ရှိတဲ့ celeဆိုတော့
ချက်ခြင်း commentတွေ မန့်လာကြတာ
အများကြီးပဲ။
" ထိန်းချင်ပါတယ်ဗျို့ "
" ပေါင်ပေါင့်ကိုဆို အလကားထိန်းပေးမယ် "
" ကောကောရေ ညီမထိန်းပေးမယ် "
စသဖြင့် ...
Comment တွေ အကုန် ရှောင်ကျန့်အသေအချာ
လိုက်ပြီးဖတ်နေရင်းprivate messageထဲမှာ
စာဝင်လာလို့ ဝင်ကြည့်လိုက်သည်။
" ကျန့်ကောကျွန်တော်ထိန်းပေးမယ်လေ
ကျန့်ကောကျောင်းတက်တုန်းကလို
ပေါင်ပေါင့်ကို ကျွန်တော်
ကျောင်းကိုခေါ်သွားမယ်
ရတယ်မလား Okတယ်မလားဟင် "
ရှောင်ကျန့်နှာခေါင်းကို လက်ညှိုးလေးနဲ့
အသာပွတ်ရင်း စဉ်းစားကြည့်နေပြီ။
ဒါက ရှောင်ကျန့် တစ်ခုခုကို တွေဝေနေရင်
လုပ်တတ်တဲ့ အမူအကျင့်တစ်ခု။
သေချာစဉ်းစားပြီး စာပြန်လိုက်သည်ကတော့
" ဆောရီးပါ မ Ok ပါဘူးခဗျာ "
YOU ARE READING
Don't Touch My Cat
RomanceThis is a story about Xiao Zhan , Wang Yibo and a cat named BaoBao .
