Don't Touch My Cat

12 ( Unicode )

ဆောင်းရာသီရဲ့ ညနေခင်းက
တစ်ယောက်ယောက်ကိုလွမ်းချင်စရာကြီး။
တဖြည်းဖြည်း အနောက်အရပ်ဆီဝင်သွားတဲ့
နေမင်းကြီးကိုကြည့်ရင်း ရီပေါ်က
ခုံတန်းလေးပေါ်မှာ ပျင်းရိရိလေးထိုင်ကာ
သူ့ကျန့်ကောကို စောင့်နေတယ်။

ကျန့်ကောကလည်း ကြာလိုက်တာ။
ရီပေါ်က စိတ်မရှည်တော့ဘူး။
အထုတ်အပိုးတွေလဲ ပြင်ပြီးလို့
ညနေစာတောင်စားထားပြီ။
နာရီကိုကြည့်တော့ ၅:၁၉ တဲ့
ခုထိ ပြန်မလာသေးဘူး ကြည့်ပါအုန်း။

" ရီပေါ်ရေ "
အသက်ရှည်အုန်းမယ် ပြောနေရင်း။
ပုံမှန်ရက်တွေဆို လေးနာရီခွဲရင်
ရှောင်ကျန့်က အိမ်ပြန်ရောက်ပြီ။
ဒီနေ့ ဘာလို့နောက်ကျနေလဲ မသိပေမဲ့
စိတ်ဆိုးပြစ်လိုက်ဦးမည်။

" အပြင်ဘာလို့ထွက်ထိုင်နေတာလဲ
ရီပေါ်ရဲ့ အော ... ကောကိုစောင့်နေတာပေါ့လေ
ဟုတ်လား "

ဝမ်ရီပေါ်က ပေကပ်ကပ်နဲ့မကြားချင်ယောင်
ဆောင်နေလိုက်တော့ ရှောင်ကျန့်က
ရီပေါ့်ဘေး ဝင်ထိုင်လိုက်တယ်။

ရှောင်ကျန့်က တုံးချင်တဲ့နေရာမှာဆို တုံးပြီး
လည်ချင်နဲ့နေရာဆို သိပ်လည်တာ။
တစ်ခါတစ်လေ သူ့ခေါင်းထဲက
ထွက် ထွက်လာတဲ့ ဉာဏ်နီဉာဏ်နက်တွေက တကယ်ကြောက်စရာကောင်းတယ်။

" ကော နဲ့ လန်းမြောင် လမ်းခွဲလိုက်ပီ "

" ဟင် "

ရီပေါ် တစ်အံ့တစ်သြလေးဖြစ်သွားတယ်။

" အာ့ကြောင့် ကော ဝမ်းနည်းနေလို့
ကောကို ဖက်ထားပါ့လားဟင် "

" .... "

" နော် ဖက်ထားပေးအုန်း "

ဆိုပြီး ရှောင်ကျန့်က ရီပေါ့်ကို
သိမ်းကြုံးဖက်လိုက်တော့
ရီပေါ်က ကျန့်ကော ကျောလေးကို
သာသာလေးပုတ်ပေးလိုက်တယ်။

ခဏကြာကြာလေး အဖက်ခံပြီးတော့မှ
ဝမ်ရီပေါ်က ရုန်းလိုက်တယ်။
အဆက်မပြတ်ခုန်နေတဲ့ ရင်ဘက်ထဲက
အကောင်ငယ်လေးကို ရီပေါ်ဖိထားပြီး
ရှောင်ကျန့်ကိုကြည့်လိုက်တယ်။
ကောက ချောလိုက်တာ
မှောင်ရိပ်သန်းနေတဲ့ ညနေခင်းမှာတောင်
ကောက ကောင်းကောင်းကြီး ချောနေတုန်းပဲ။