وجر الحب 🍒

الحلقة 31🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_31🍒
ممنوع النقل بدون اذن 🚫❌

وصلت للمطار و شافت خالتها راحت عندها
شافتها مفيدة جرات عنقتها بزربة
مفيدة : توحشتك يا زرودية
روبين : انا زادة توحشتك برشا ..
مفيدة حطت يدها على خدها : بنت الغالية ... و عينيها تعمرو دموع
روبين : امان خالتي متبكيش انا بش نبكي زادة
مفيدة : باهي باهي بش نحبس ... دزتها و مشات شوي
مفيدة : شفتي تونس ضوات بيا 😎 احم
روبين : علاه كانت ظلمة
مفيدة قحرتلها : شنوة يا زرودية بش تحبطيلي لمورال بش نروح
روبين : لا...
قصت عليها مفيدة : بش نقعد فوق قلبك
روبين : باهي اقعد هيا نروحو وينو دبشك
فهد : هوني
روبين دارت لقات ولد خالتها لي عندها اكثر من ثلاث سنين مشافاتوش بحكم يسكن في بلجيكا
روبين : فهدوووش ... و جرات تلاحت عليه عنقاتو
فهد : توحشتك يا زوديتي ..
روبين : والله خالتي تكفي يا فهدوش راو عندي اسم
فهد عبز خدودها : نعرف اما تضلي زروديتي ..
روبين قلبت عينيها : ماسط و راحت تمشي هي و خالتها ...
وصلو للدار بعد ما ستقرو في غرفهم و توا فالكوزينة يحضرو فالعشا
روبين : يا مفييد
مفيدة : نعم الالة
روبين : تعرف انو نحبك صح
مفيدة صغرت عينيها : ايه ومنبعد
روبين فتحت فمها : عيب عليك ..  حسبتك بش تقولي وانا زادة نحبك ... خاب ظني فيك
مفيدة : طرق الرشوة متاعك نعرفهم ..قول شتحبي
روبين : نحب هذاك المقروذ لي تعمليه بليييز
فهد : مقروذ وينو !
مفيدة : في جيبي
روبين : هيا فهد قولها تعملهولي
فهد : والمقابل ؟؟ .. شاف فيها شوفة متاع الشر
روبين : امشي تلعب .. يا مفيد هيا برك
فهد : مفيدة متعملوش حتى نقولها انا و ذرك قولي شنوة المقابل
مفيدة : ايا ابعد على زروديتي بش نعملهولك ...وباستها على خدودها و حضنتها
روبين : شح مح و خرجت لسانها لفهد
فهد : بعتيني يا مفيدة باهي باهي
مفيدة : ايجا ايجا قالو بعتيني ...
و عنقو بعضهم الكل و فهد ضربها على راسها و جرا
روبين : ليوم تشوف وش نعمل فيك .. وجرات وراه
مفيدة : يا جايحين .. و كملت تعمل العشا ...

من جهة اخرى ...
وصل للمطار خرج هو وايهاب لقاو كراهبهم برا
ايهاب : بش نطل على محمود ونتا ؟
اوار : نشوف روبين
ايهاب ابتسملو تبسيمة شريرة : توحشتها يا ####
اوار قحرلو :بلع #### و راح ركب كرهبتو ديريكسيون للكلينيك ..
توحشها برشا .. الطريق كامل هو يخمم فيها .. وصل نزل و دخل
راح لمكتبها كي جا يدخل سمع صوت وراه...