🌷#وجر_الحب 🌷
♦️الكاتبة : #ايوتة ♦️
🍒#الحلقة_2 🍒
ممنوع النقل بدون اذن 🚫❌
اليوم المنتظر ، اليوم لي صبرت عليه سنين و سنين تعبت و وصلت حتى مرضت اما الصابر ينال مهما كانت الطريق صعيبة النتيجة تنسيك فكلشي تخلي تعب كامل يختفي و تحل مكانو فرحة كبيرة .
اليوم حققت حلمي و حلم والديا لي كانو معيا يوم بيوم ليلة ب ليلة كي سهرت و قريت و تعبت و مرضت مافرقونيش و لو بلحظة و توا منظرهم خلا قلبي يعم بالفرحة و هوما يشوفو فالكلينيك تاع بنتهم باسمها..... بابا معنق ماما و هي تبكي و البسمة مفارقتهمش
بابا عنقني : بالحق يا بنتي خليتيني فرحان برشا متنجميش تتخيلي شحال فرحتيني توا نقدر نموت فرحان
روبين : شنوة هاد لكلام توا نزعف منك ربي يحفظك و يطولك في عمرك بابتي
بابا : الموت حق يا بنتي
ماما : هيا حنا نخليوك تبداي يومك
روبين : رح نتوحشكم
بابا : يا بنتي لعشية تشوفينا و ضحك
روبين : مايسالش ...
ماما عنقتني و بقاوني على خير
دخلت لكلينيك شويا هك و لحقو ايمن و اصيل و مرام راح يخدمو عندي
روبين : صباح لخير ....كيما تفاهنا من قبل راح نخدمو مع بعض واحد مراح يكون كثر من خوه نخدمو خدمة نظيفة و نشالله تكملو معايا حلمي
مرام : معاك حتى لنهاية
بعد ما تقبلت اطراءاتهم و تفاهمنا
بدينا يومنا بنشاط
من جهة اخرى :
قاعد يخمم كيفاه يخرج من المشكلة لي راهو فيها يدير وش يدير ميقدرش يخرج منها
منجد : خممت في حل... مابقاش وقت و راح تخسر كلشي
انا : خممت و ملقيت حتى حل
منجد : انا لقيت ...
انا : شنوة مستني خبرني!!
منجد : اما هاد لحل راح يخسرك برشا
انا : ديجا راني خسران اذا لحل يخليني نرجع لي خسرتو مستعد نزيد نخسر
منجد : باهي اما رد بالك مكانش رجعة منهاااا .....
هز روحو بلا رد خاطرو يعرف مستحيل يرجع في قرارو ....
من جيهة اخرى قاعد يمسح في سلاحو ... حطو في يد الجثة بش تبين انو الجريمة حالت انتحار ... لبس قفازات كحل وجا خارج بكل وهرة كي لي ما قتل ولا شهد على جريمة .... نوقز تيليفونو .... بلا ما يشوف هز خاطرو عندو فرد شخص يعيطلو ....
ايهاب: شنوا عملت فيها !!!
الثعلب: وهذا يحتاج سؤال ... باين بلي فريتها .... تو وش تحتاج من #### ماو قتلك معاد تطلب #### غير كي تكون فما شي جديد
ايهاب: علبيها طلبتك فما مهمة ايجا نتفاهمو .... قبل ما يكمل و كي عوايدو علق في وجهو لبس الكاسك ركب موطوه وحرق الطريق قبل ما تجي الشرطة ....
وصل ونزل مشا للبيرو زدم بلا دستور
ايهاب : ##### ماتعرفش تدخل كي الناس فجعتني ..
الثعلب: امشي #### هيا قولي مهمة شنوااا كيما العادة !!
ايهاب : المرة هاذي بش تكون صعيبة الشخصية مهمة ومعروفة و بش تربحنا ملياراات البوس طلبها منك شخصيا ....
الثعلب: ههه شكونو !!
ايهاب :..... أحمد سلطاني
أنت تقرأ
وجر الحب 🍒
Romantizmكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
