وجر الحب 🍒

الحلقة 94🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_94🍒
ممنوع النقل بدون اذن 🚫❌

بعد يومين ...
روبين خارجة من الخدمة جسد بلا روح توا يومين من نهار المشؤوم لي غيرلها حياتها و خسرت الراجل لي تحبو او نقولو خسرها احسن .. كل شي سماط فنظرها كلشي يخليها  تفرح رجع بلا معنى بلا بيه هو كان السبب لي تنوض كل يوم فخاطرو هو كان فرحتها و سبب ابتسامتها و ضحكتها منغيرو هي جسد بلا روح هو روحها زي ماهي روحو ..بالرغم من انو هديل و ايها فوتو ليومين لكل معاها و حاولو ينسيوها و يضحكوها اما شي ... خرجت تستنى طاكسي اما شافت كرهبتو من بعد مقتبلة الكلينيك و هو نزل منها لابس كلشي اسود و باين من وجهو انو تعبان و عندو برشا مرقدش يمشي و يقدم اما مزية حبست طاكسي قدامها ركبت و طلبت منو يزرب اما اوار لحقها .. ليومين هذو مرو عليه كانهم عامينمهما حاول معاها مخلاتوش يدخ اما هو يدخل فالليل كي تكون نايمة و يبقى حتى يطلع الصباح و يروح قبل ماتفيق اما مشبعش منها يحب يكون معاها و هي فايقة عينيها مقابلين عينيه و تتبسملو اكا التبسيمة لي يعشقها ...
وصل معاها بعد نزلت تزرب فمشيتها اما قبل ماتلحق للباب جبدها من زندها و دورها عندو طاحت العين فالعين ... توحشها برشا توحش كلشي فيها عينيها شعرها حضنها كل شي ...شافت فعينيه و بلا متحس دموعها تحصرو فعينيها توحشاتو برشا حضنو و ضحكتو و غيرتو و تبهليلها معاه ...
اوار: حبيبي
روبين دموعها نزلو
اوار: عيش حبي متبكيش و جا يعنقها اما بعداتو كانو نار و حرقتها ... توا عرف
روبين : ابعدني متفهمش انتا قتلك منحبش نزيد  نشوفك
اوار: روبين اسمعني ... اما قصت عليه
روبين : منحبش نسمعك كذبك من جديد كرهتك
اوار العصب ركبو : روبين عيش حبي مش فوعيك توا نعرف متغششة متقولش شي متعنيهش
روبين :لا فوعيي و نقول لي نحبو ابعدني و اخرج من حياتي و جرات دخلت و صكرت الباب ... اوار مسح على وجهو حب يدخل و يريب عليها الدار اما حبها تهدى يعرف انو هي لتوا متغششة بش يخليها على راحتها توا اما بش يكسرلها فمها عالكلمات لي قالتهم ...

فجهة اخرى ..
صقر بعد ماكان مع محمود و كملو المهمة و السلعة دخلت و توا يحملو فبها فالمستودع
محمود : مرسي برشا صقر نعرف عطلتك على خدمتك اما كان اجباري تدخل توا
صقر : عادي قلي عماد شقالك ؟
محمود : قال لي فما شي اما منعرفش اثلا عماد كذاب
صقر : باهي
محمود : تحبها ؟
صقر : شنية ؟
محمود : خطيبتك
صقر تبسم كي تذكرها : نعشقها
محمود تبسم : جيبها غدوة تتعشى
صقر : باهي بش نقولها
محمود ضربو على كتفو : توا روح منعطلكش 

صقر ركب كرهبتو و عيط لروبين بعد الرنة الثالثة هزت عليه
روبين : الو صقر
صقر : روبين لاباس
روبين : صفا و انتا
صقر : لاباس عزيزتي بغيت نقولك شي
روبين : باهي
صقر : فما راجل قال انو يقدر يعرف القاتل خاطرو هو بعد زيو اما بش يقولنا غدوة
روبين : بالحق !!
صقر : ايه اما فما شي زادة
روبين : شنية !!
صقر : محمود عرضنا غدوة للعشا اما نعرف متحبش تجي ... قصت عليه
روبين : لا نحب نجي
صقر تفاجأ: متاكدة
روبين : ايه بش نستناك باهي
صقر : باهي عزيزتي ... و صكر بش يجرب حظو من غدوا

فات اليوم لكل و روبين تتجهز للعشاء و هديل تشوف فيها
هديل : روبين متروحش شنوة راح يصير اذا عرف اوار
روبين : شمدخلو فيا نخرج مع لي نحبو هو صار من لماضي توا
هديل : ماضي ### تهدر كاني منعرفكش
روبين دارت عندها : مش راح نبقى نحزن عليه راو عندي حياتي تفارقنا و اكهو كل واحد يشوف حياتو
هديل : كون مايفيقش انا مايسمونيش هديل مصفارة
روبين : مصفارة؟؟
هديل شلقت علي قالاتو و حمارت خاطر ايهاب اكهو لي يقولها مصفارة ... مصفارتو
روبين جات تهدر اما نوقز تيليفونها صقر وصل .. هزت بوشاتها و شافت فالمراية لابسة روب كحلة مشقوقة لحد فخضها و زادة مشقوقة من صدرها لحد معدتها لي مبنة لحمها لكل مسرحة شعرها و طالقاتو على طولو مكياج خفيفة طالعة تفتق
هديل : تعرف انو كون يشوفك هكا يدفنك
روبين شافت فيها و خرجت هي تعرف انو عنها الحق اذا شافها هك بش يدفنها و هي حية اما هي توا حرة تعمل و تلبس لي تحبو حد مايتحكم فيها (اممم تلبسي لي تحبيه 😏😏)
نزلت لقات صقر يستنى فيها شافها تكبس بكلو تي طالعة تفتق طيرالو عقلو الاكحل خرج عليها يفتق 😍😍😍
صقر :روبين انتي طيرتيلي عقلي
روبين تبسمت و حشمت ... حللها باب الكرهة و ركبو رايحين لقصر محمود ...
وصلو و نزلو كروشاتو و دخلو لقاو محمود يستنى فيهم ..
محمود : اهلا بالدكتورة .. و قدم باسلها يدعا و روبين حشمت
محمو : تعرف يا صقر انو انا نحسدك برشا نتمنى انو نولي صغير و نخطفها منك
صقر ضحك و فاتو قعدو على الطابلة لي مزينة بكل انواع الماكلة ...

من جهة اخرى ...
كان يسوق حتى وصلو ميساج من عند عند الرقم المجهول
👤: لمحمود و قبل 25 سنة
اوار ستغرب و هكاك دور الكرهبة لدار محمود بش يفضها ليلة كره من ميساجات متاع الالغاز ...
وصل حبس الكرهبة و دخل حلت عليه الخدامة
اوار : وينو محمود
الخدامة : فصالون مع ضيافو ..
فات للصتلون و لقى الشي لي عمرو ماتوقعو ...