وجر الحب 🍒

الحلقة 52🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_52🍒
ممنوع النقل بدون اذن 🚫❌

رجع قعد معاهم اما وجهو مايفسرش كلو بارد ...اوار لي خرج من دقايق مش نفسو لي رجع
روبين انتابهتلو : اوار
فيقو صوتها الطفولي لي يحبو برشا ... ايه يحبو بقا يشوف فيها .. شنوة راح يعمل توا كلشي تخلط عليه .. الطفلة لي قدامو رجعت روحو ..ملكت قلبو و عقلو و كل شي ..كان يسمع من قبل على الحب و الانسان لي يحتل قلبك كان ميصدقش بيهم اما توا عرف انو كل شي قالوه صح ...روبين خلاتو يصدق الكلام هذاك لكل ...تي يخاف عليها من روحو و محمود #### يقولو اقتلها... بسهولة   ... اقتلها زي ماقتلت والديها ....
يحب يحطها بين قفصو صدري و يقفل عليها بش يبعدها على الشي هذا لكل ..
زينب : رورو شبيك
اوار: شى امي بش نروح بروبين توا  .. و وقف وقفو معاه لزوج
زينب : بش نتوحشك  ..اما بش يحكيلي عليك اوار زي قبل تي حكاياتو لكل فيهم اسمك
روبين حشمت و هبطت راسها : انا زادة بش نتوحشك برشا
و عنقو بعضاهم 
زينب: بش تزورني باهي
روبين : باهي
زينب: بش تجيبهالي باهي
اوار: باهي امي بش نجيبها
اوار شبك يديهم مع بعض و خرجو
ركبو فالكرهبة و بدا يسوق اما عقلو في بلاصة اخرى ...

روبين : اوار
اوار: ....
روبين : اوااار
اما مزالو ساكت
روبين:رورو و قرصاتو على خدو
اوار صاح عليها : روبين شبيك نسوق راني 
روبين :سامحني 🥺 ... و دورت وجها
عرفها تغششت اما كمل يسوق

من جهة اخرى
قاعدة  تتفرج فسميرة تي في (😂شكون لي متعرفهاش 😂)
حتى دخل عليها فهد
فهد : اففف متشبعيش منها لقناة هاذي
مفيدة : شمدخلك يا زح
فهد : جامي درتيلنا حاجة منهم
مفيدة هزت بليغتها و طيشتها عليه
فهد: علاه العنف علاه يا نبع الحنان
مفيدة : طير عليا
فهد: ويني روبين
مفيدة : توا تجي اصبر نعيطلها ...

نرجعو لروبين لي دارت شنوفة حتى نوقز تيليفونها لي خلا اوار يدور عندها

روبين: الو
مفيدة : وينك يا زرودية
روبين: شوي هك و نوصل
مفيدة  : باهي بنتي
و صكرت ....

وصلو و هو مزالو محكاش معاها
روبين : اوار انت ندمت كي ديتني معاك 😞
اوار : شنوة لكلام هذا يا روحي ... ايجا عندي
و جابها في حجرو (علعام في حجرو لالة روبين 😅)
اوار: مستحيل نندم بالعكس فرحت برشا كي ديتك لامي زينب و عرفتك عليها
روبين : مالا شبيك قلقت 🥺
اوار: شي يا روحي حاجة متاع خدمة واكهو
روبين : باهي و هبطت راسها
اوار : عجباتك امي
روبين : ايه تهبل تي حبيتها برشا
اوار ضحك و باسها عل  خدها : انتي لي تهبلي يا روحي
روبين  : اوار
اوار: يا روح اوار
روبين : انتا قتلي انك يتيم
اوار: ايه اما هذي لي ربتني و تبناتني من الميتم
روبين : انسانة تهبل ربي يخليهالك
اوار : امين و يخليك ليا يا روحي
عنقاتو و هو زادة عنقها و زير عليها
اوار: مزالك تحب تروح مع صحبتك غدوة
روبين : ايه ماو قتلك قبيل
اوار: باهي اما وقت تروح عيطلي باهي بش منقلقش عليك
روبين : رورو يقلق عليا 😆
اوار قحرلها و هي ضحكت
اوار: تضحكك اه ايجا نعتلك ...و بدا يبوس في وجها لكل
روبين : اييي اوااار هههههه
اوار كمل باسها على جبينها : ليلتك زينة يا روحي
روبين حشمت و هبطت راسها : وانت زادة
اوار : بوزينو حبيبي لمزيان
روبين زادت حشمت كثر و هبطت تزرب بش مايحكمهاش
ضحك و بقى يعس فيها حتى دخلت ... توا بش يخمم شنوة راح يعمل غدوة...