🌷#وجر_الحب 🌷
♦️الكاتبة : #ايوتة ♦️
🍒#الحلقة_62🍒
ممنوع النقل بدون اذن 🚫❌
بعد خمسة ايام ...
فشمبرتها تلم فحوايجها حتى دخلت عليها روبين فاتت قعدت فوق السرير و تشوف فخالتها ترتب و تحط
دارت مفيدة شافت فيها لقاتها تشوف فيها بنظرة متروحيش 🥺
راحت قعدت بحذاها و عنقتها
روبين: متخلينيش
مفيدة : تحبني نبقى هوني يا زرودية
روبين : ايه نحبك تبقى معايا
مفيدة : بش نرجع يا بنتي
روبين : اما انا والفتك برشا و بش نبقى هوني وحدي
مفيدة : كان جات بيدي يا بنتي راني جيت و سكنت هوني فخاطرك اما و كمال
روبين : جيب كمول و ايجا
مفيدة : تعرف لي خدمتو و عايلتو و حياتو لكل في دذاير
روبين عينيها تغرغرو عنقتها و زيرت عليها .. مفيدة لي كي امها سهلت عليها الايام لي فاتو لكل حسستها انها على الاقل مش وحدها ..
توا بش تبقى وحدها فدار هذي لي من قبل كانت مليانة ...
مفيدة : متبكيش عزيزتي بش نبكي معاك و يفسد مكياجي تحبي يشوفني كمال يردني
روبين ضحكت شوي : مالا ابكي خاطرني نحبك تبقى هوني
دخل عليهم فهد
فهد: يخي شبيكم دورتوها جنازة
مفيدة : تحبني نبقى هوني
فهد: وانا
روبين : نحب مفيدة اكهو
فهد : بالاهي و انا لي كل ليلة نسهر معاك
روبين : بش نتوحشكم برشا 🥺
فهد زادة قعد بحذاهم و عنقها
فهد: و انا زادة يا زرودية
بالنسبة لروبين حبت الوقت يوقف .. ما حبتش يروحو والفتهم عباو وحدتها ... نساوها شوي في الامها
ما تحبش تقعد وحدها ... على القليلة هوما كانو يحسسوها بلي مش وحدها .. كي تروح تلقا شكون يحل عليها باب .. كي تتوخر تلقا شكون يقلق عليها ... مش حابتهم يروحو مش حابة تبقا وحدها ....
كملو لمو امورهم ... مقتانعين بقرارهم
وصلتهم روبين للمطار .. روبين على امل انهم بش يغيرو قرارهم ... اما فاللحظة لخرة .. تكلمت
يرجى على المسافرين للخطوط الجوية 56 التوجه إلى البوابة ... الطائرة على وشك الاقلاع
حضنتها خالتها وهي توصي فيها
مفيدة : اطهلا في روحك يعيش بنتي ... مش بش نطول و انت كان قلقتي اهبطي عندنا ... بش نبقا نعيطلك كل يوم و نسال عليك ... وانت كان حتجتي حاجة اطلبيني في اي وقت .. باهي يا زرودية
روبين :راح نتوحش كي تقوليلي زرودية
عنقو بعضاهم للمرة الاخيرة و مشات تبعد ...
توا بقات وحدها...
رجعت لدار بعد مافوتت اليوم كلو فالكلينيك دخلت لقات لهدوء مقابلها ... شنوة رح تعمل توا .. حاسة روحها مكبوسة و مخنوقة .. عينيها دمعو حكمتها غصة اما تيليفونها نوقز قص عليها الدموع لي كانو راح ينزلو هزت تيليفونها لقاتو اوار
اورا: كرزتي
روبين : نعم .. بصوت دوب يتسمع
اوار: شبيه صوتك
روبين : حتى شي
اوار: روبين متقلقينيش شبيك
روبين : تعبانة اكهو
اوار: تعشيتي
روبين : لا راح نرقد غلبت
اوار: باهي ليلتك زينة يا روحي
روبين : باي ...
هزت روحها و راحت ترقد بش تنسى شوية
أنت تقرأ
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
