🌷#وجر_الحب 🌷
♦️الكاتبة : #ايوتة ♦️
🍒#الحلقة_90🍒
ممنوع النقل بدون اذن 🚫❌
بعد اسبوع ...
اسبوع كلو مليان رومانسية بالنسبة لاوار و روبين لي عشقهم كبر اكثر و اكثر اي واحد يشوفهم يفهم لي هما يحبو بعض خاصة اوار لي قادر يحرق دنيا فخاطرها ...توا هما فالكرهبة بش يوصلها للكلينيك يد تسوق و يد فيدها لي فيها الخاتم كل شوي و شوي يبوسها و هي تحكي مع مفيدة
روبين : باهي خالتي
مفييدة : شنوة يا زرودية تسكت فيا بباهي متاعك
روبين : ماقلت شي
مفيدة : خليني نكمل
روبين : باهي كملي
مفيدة : تي اسكتي بش نكمل
روبين نحات تيليفون من وذنها و صكرت عينيها تسمع فصوتها يقولها هزي تيليفون و اوار يضحك عليها قحرتلو كملت تحكي معاها
مفيدة : تحقري فيا يا زرودية
روبين : لا كنت نسمع
مفيدة : تي حافظاتك ماو نحيت تيليفون خليتيني نحكي وحدي
روبين : خلاص سامحني
مفيدة : باهي شنوة كنت نقولك ... ايي حكيت مع كمال و فهد و تفاهمنا بعد سمانتين نعملو الخطبة
روبين : باهي
مفيدة : قول للخريطة متاعك و ردلي بالخبر
روبين : اوار معندو مشكل مش هكا اوار ؟ ...
اوار جا يهدر اما قطعاتو مفيدة فالتيليفون : هو معاك يا زرودية تي فوتهولي
روبين عطاتو تيليفون
اوار : خالتي مفيدة (😂😂😂 منعرفش علاه ضحكتني كي قالها هكا )
مفيدة : لا عزيزتي مش قتلك مفيدة اكهو تي صغيرة علاه تكبر فيا
اوار ضحك : باهي مفيدة شنوة حوالك ؟
مفيدة : لاباس عزيزي وانتا نعرف مشيطاتك زرودية
اوار ضحك: مش غير مشيطتني يا مفيدة انا شنعمل نحبها وبش نتحملها
روبين : مشيطاتك باهيي 😒😒 .. هز يدها و باسها و حبس الكرهبة قدام الكلينيك
مفيدة : ربي يحفظكم لبعضاكم
اوار: امين مفيدة مارسي برشا علي تعملوه معاني
مفيدة : معملت شي فمقام بنتي راهي و توا اتهلالي فبنتي و وجدو رواحكم لبعد سمانتين باهي
اوار: باهي لغالية .. صكر عليها
روبين نحاتلو تيليفونها 😒
اوار: شبيك تشنف
روبين: تسالني 😒
اوار: روبييين
روبين : روبييين
اوار: يزي
روبين : يزي
اوار العصب ركبو : يزي عاد مش نلعب معاك
روبين : يزي عاد مش نلعب معاك 😒😒
اوار نحالها حزام الامان و جبدها لحجرو : نحب ناكلك
روبين : نحب نا... اما قصت على روحها كي ستوعبت شقال
اوار : همم كمل تحبي تاكلني
روبين : لا نح..ب ...نح..ب ناكل شيبس
اوار ضحك : شيبس اه 😈 ... و تلاح عليها يبوس فوجها لكل
روبين : اييي اوااار ههههه فسدتلي مكياجي
اوار: انا اصلا نحب نفسدو
روبين 😦😦 اما قتلي عجبك
اوار حرك راسو بلا و عض خدها
روبين : اييي بليد سيبني بش نروح نخدم توا
اوار : متروحش اليوم
روبين : مرحتش لبارح فخاطرك اما ليوم عندي برشا خدمة مرة اخرى حبيبي باهي
اوار : باهي يا روحي دير بالك على روحك باهي 😘
روبين : باهي .. باست خدو و هبطت ...
هو بقى يشوف فيها لين دخلت و ديمارا و هذا لكل قدام عينين الصقر لي ليه اسبوع مراقبها و كل مرة يحب يحكي معاها اما عرف انو خطبها ### و مش مخليها يوم واحد وحدها اما بش يحكيلها ليوم حتى لو تحلفو حياتو
من جهة اخرى ...
عدلت روحها لبست روب كحلة تفتق و سرحت شعرها على طولو و خرجت تمشي و تتزعبل حتى حبست كي لقاتو قدامها
هديل : شتعمل هوني
ابهاب ضرب جبهتو بيدو : عييت و انا نعلم فيك تقولي صباح الخير
هديل : منقولش صفا كوم صا
ايهاب : لا مش صفا و زيد شنوة لخرا هذا لي لبساتو
هديل : لخرا يطلع على وجهك
ايهاب : هديييل
هديل : شنوة تصيح قلت شي غالط
ايهاب : سقسيتك شنوة لي لبساتو
هديل : تقشيرة مكش تشوف فيها شرايك خرجت عليا ... و دارت زادت شعلت نارو كي شاف بلي روب مكبسة على جسمها زي التقشير بالحق
ايهاب : ادخل بدلو
هديل : مسمعتش شنوة
ايهاب بدا يمشي جيهتها برجلو الكسرة وصل عنها اما رجعت لورا
ايهاب : ايجا هوني
هديل : انتي ايجا ... هو بدا يمشي وصل عندها و هي هربتلو
هديل : هههههه هيا نلعبو توحشت نلعب
ايهاب قحرلها
هديل : كي نحسب ل ثلاثة ايجا و نا نهربلك
ايهاب مسح على وجهو و يدعي ربي يصبرو مع الخرية لي طاح فيها
أنت تقرأ
وجر الحب 🍒
Romansaكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
