🌷#وجر_الحب 🌷
♦️الكاتبة : #ايوتة ♦️
🍒#الحلقة_46🍒
ممنوع النقل بدون اذن 🚫❌
بعد ماكملت تفرجت مع فهد طلعت لشمبرتها ترقد ... قعدت تخمم في اوار .. يومين مراتوش حست انو فما شي ناقصها دخلت عليها مفيدة
مفيدة : شبيك حازنة لي يقول ماتلك راجلك
روبين : مشني حازنة
مفيدة : امم .. و قعدت بحذاها ... معيطلكش الخريطة
روبين :معيطش
مفيدة : عندو الحق
روبين : علاه تزيدي عليا
مفيدة : نحكي الحق راني .. عيطي انتي
روبين : توا ؟
مفيدة : ايه توا شنوة تستنى
روبين دورت وجها بش تخمم
مفيدة : ايجا لحظني
عنقتها و قعدت تمسح على شعرها
مفيدة : اذا توحشتيه عيطي .. ماتقوليش لا و هو مافكرش يعيطلي لانو الغلطة متاعك ولازم تصلحيها بنفسك و اذا مش حابة تخسريه عيطي
روبين : خايفة يكون ميحبش يحكي معايا ...
مفيدة : بش يحكي معاك من نظرتو ليك عرفت انك مهمة بالنسبة ليه
روبين : بش نعيط توا
مفيدة باستها على راسها : باهي اما نقص في لسانك باهي يا زروديتي
روبين ضحكت : باهي
خرجت و خلاتها ...هزت روبين تيليفون حوست عليه لانو كتباتو عيشة بواسة و عيطت ...رن مرة ....مرتين ...ثلاث مرات ...
اوار: الو
روبين شهقت من صوتو لبارد : ال..و
اوار: شكون
روبين نحات تيليفون من وذنها و شافت فيه و رجعت رداتو : شنوة شكون ...معرفتنيش
اوار: لا معرفتكش شكونك
روبين : بالحق معرفتنيش ... قالتها بنبرة حزن
اوار: نلعبو توا .. قتلك شكونك
قالها بصوت يفجع خلاها تتوتر كثر
روبين : انا ..روبين
سكت لثواني
اوار: شنوة تحتاج يا دكتورة ..يحكي معاها ببرود
روبين : شي.. نسقسي عليك اكهو
اوار: مش قلتيلي بش نبعدك
روبين : ايه اما ...
اوار: لا اما لا شي مش هذا لي تحبيه
روبين : لا انا ...
اوار: انتي قلتي وانا سمعت
روبين : اواار 🥺
اوار: بش نصكر ليلتك زينة
روبين : اواار ستنى
اوار: شنية تحتاج
روبين : انا ... انا توحش..تك
اوار: نعم ؟ ... ترسمت ابتسامة في وجهو من لوذن لوذن
روبين : توحشتك 🥺
اوار ميت بالفرحة : بش نبعد عليك زي ماتحب
روبين : ايي اوار قتلك توحشتك
اوار: مايهمش ماك متحبنيش نكون بحذاك
روبين : سامحني مكنتش قاصدة لي قلتو
اوار ضرب السكتة اما هو فرحان تي لفرحة راح تخرجلو من خشمو
روبين : اوار ..سامحني 🥺
اوار: باهي
روبين : بالحق سامحتني
اوار : لا
روبين : اما انت قلت ..
اوار: بش نسامحك اما بشرط
روبين : باهي بش نعمل لي تحب عليه لكل
اوار: لي نحب عليه لكل ؟ 😈
شلقت علي قالاتو اما بش تعمل كلشي بش يسامحها : ايه
اوار: ايجا لتحت
روبين : لتح..ت انتا هوني
اوار: ايجا و شوف ...و صكر
هكاك بعد ناضت و هبطت صاروخ شافت فصالون ملقاتش فهد خرجت و قفلت الباب وراها اما مالقات حد ..
مشات دارت على دار
روبين : سخطة يكذب عليا افف
هي هكاك و يحاوطوها يدين على خصرها
روبين : اييي ...اوار
دورها عندو و الضحكة مالية وجهو
اوار: يخي تقول عليا سخطة اه
أنت تقرأ
وجر الحب 🍒
Romanceكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
