🌷#وجر_الحب 🌷
♦️الكاتبة : #ايوتة ♦️
🍒#الحلقة_92 🍒
ممنوع النقل بدون اذن 🚫❌
حبس الكرهبة قدام الكلينيك و عيطلها اما لقى تيليفونها مقفول استغرب خاطرها متقفلش تيليفونها و هو اصلا منبه عليها انو تقفلو ... نزل و دخل فات لمكتبها اما ملقاهاش دار لقى مرام
اوار: وينها
مرام : خرجت عندها اكثر من ساعة
اوار: شنيية علاه
مرام : منعرفش قالت انو تعبانة وبش تروح
اوار كمش ملاحو و خرج ركب فالكرهبة ديريكسيون لدارها و طريق لكل هو يعيط اما شي مقفول العصب ركبو و زيد قلقاتو سيركولاسيون راح يهبل عيط لايهاب
ايهاب : اهلا بالمخطوب
اوار : اعطيني نيميرو متاع هديل
ايهاب ستغرب : علاه
اوار : بش نسقسيها على روبين تكون معاها فالدار
ايهاب: لا مش معاها
اوار: شمعرفك انتا
ايهاب : هديل معايا توا
اوار : باهي و صكر
اوار : وينك يا روحيي وينك .... بعد ساعة وصل للدار نزل بزربة و طبطب اما شي حد مايحل
اوار : افففف ... بقا هونيك يجي 20 دقيقة هز تيليفون للمرة الالف و عيطلها اما شي متهزش ... هو هكاك و سمع كرهبة جات دار لقاها هديل و ايهاب
هديل : مش هوني؟؟
اوار: منعرفش يمكن تكون راقدة حل الباب يعيشك
هديل حلت الباب و اوار طلع يجري لشمبرتها اما ملقاهاش فتش الفوق لكل اما ريحتها ماتتسعاش هبط لتحت
اوار: مش لفوق
ايهاب : و مش لتحت
هديل : استنى نعيطولها ... عيطت اما شي تيليفونها مقفول ...
اوار: وين تكون راحت يا ربي راح نهبل
هديل : توا تجي معندها وين تروح ....
من جهة اخرى ..
تمشي تايهة بعد الخبر لي سمعاتو تصدمت هزت روحها و خرجت بالرغم من انو صقر حب يوصلها امي هى رفضت حبت وقت مع روحها ... بعد ساعتين وصلت للدار كان ليل معرفتش حتا كيفاه وصلت ... حوست عالمفتاح و حلت الباب دخلت و قابلوها قاعدين فالصالون ... جيست شافعا جا يجري عندها عنقها و باس جبينها
اوار: يا روحي تقلقت عليك وين كنت ... جبد عليها و حكم وجها بيديه
اوار: حبي شبيك ساكتة وبن كنت صرالك شي
بقات تشوف فيه بنظرة اشمئزاز طلع كذاب و كذاب محترف زادة .. متعرفش كيف صدقاتو و حباتو و هو طلع كذاب ...سترجعت الكلام لي قالهولها صقر
#فلاش_باك
جات نايضو اما لكلام لي قالهولها خلاها تتكبس
صقر : و كي نقولك هذا لي راكي تدافعي عليه طلع مافيا
روبين دارت بالتصوير البطيئ مش مصدقة لي سمعاتو او بالاحرى متحبش تصدق لي سمعاتو
روبين : شن..ية
صقر : اوار خطيبك يخدم فالمافيا
روبين حركت راسها بلا : مستحيل اوار مس..تحيل يكذب عليا
صقر : كذب عليك يا روبين هو مافيا كبير
روبين ::تكذب مستح..يل يكون من المافيا
صقر : و راسك منيش نكذب عليك ....و بدا يحكيلها فكلشي اليوم لي تلاقى بيه و كي حب يخبرها اما ضربو تذكرت كي شافاتو صح مضروب و اوار كل مرة يقولها ماتقابليهش ... توا فهمت علاش ميحبهاش تقابلو او حتى ترد على تيليفوناتو ...
صقر نعرف لي قلتهالك بعد فوات الاوان اما توا وين قدرت نقولك
روبين : مرسي مي قتلي ..ناضت خرجت مصدومة
#فلاش_باك_اند
شافت فيه بنظرة كره و اشمئزاز
اوار: عيش حبي قول حاجة شبيك تشوف فيا هك
روبين ضرباتو بكف دزاتو : ابعدني يا كذاب ...هديل و ايهاب ناضو
اوار تكبس فبلاصتو : روبين ...اما قصت عليه
روبين : انت واحد كذاب كذاااااب انا وثقت فيك و حبيتك ... انا عشقتك و انتا شعملت كذبت عليا انا ... و دموعها نزلو اوار حس قلبو تقسم على زوج و التفس تقطع عليه
اوار: عيش حبي اهدى و قلي على شنية تحكي ...قرب عندها اما وقفاتو
روبين : متقربش عندي ابعدني و اخرج من هوني انا منحبش نكون مع واحد كيفك يا كذاب نكرهك نكرههههك
اور اخر كلمة قالتها خلاتو يتمنى الموت و مايسمعهاش
هديل : روببن شنوة لي صاير
روبين : تحب تعرف لي صاير .. لي صار انو خطيبي لي وثقت فيه و عطيتو كلشي خطيبي لي رجع عايلتي ظهر يخدم فالمافيا
اوار مع قالتها حس انو حد غرسلو موس فقلبو : يا روحي استنى نفهمك
روبين : شتفهمني اه شتفهمني انا سالتك مليون مرة و كل مرة تكذب عليا و تستصغرني توا فهمت علاه متحبنيش نقابل صقر خاطر متحبوش يكشفك يا كذاااب ... ناس لكل حكمو عليك و قالولي متكونيش معاه اما انا وقفت ضدهم و قلتلهم انو انسان مليح انو مستحيل يخدعني ولا يكذب عليا اما يا ريتني ماوثقت فيك ....
مسحت دموعها و نحات الخاتم
روبين : خوذ خاتمك و منحبش نشوفك و انسى انك عرفت وحدة اسمها روبين سلطاني
أنت تقرأ
وجر الحب 🍒
Roman d'amourكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
