وجر الحب 🍒

الحلقة 66🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_66🍒
ممنوع النقل بدون اذن 🚫❌

روبين 😳 ساكتة مش مصدقة لي يقول فيه... هو يحبها ... سمعت مليح ولا وذنها لي طبلة فسدت من عياط مرام ...لا اكيد سمعت مليح ... الخريطة قال انو يحبني 
اوار توتر خاف تكون متبادلوش شعورو : روبين ...
روبين : شني...ة !!
اوار: نعشق فيك يا روحي .. من نهار شفتك نهار تلاقاو عينينا روحي همستلي و قاتلي هي ...انت ... انت يا روبين   سكنتيلي في عقلي و مع زدت عرفتك سكنتيلي في قلبي و توا مانتنفس كان بيك ..من قبل مكنتش نعرف شنوة هو الحب اما توا نعرفو مليح .. حياتي كانت خالية من قبلك اما توا مليتيها بضحكتك و راسك القاسح و لسانك الطويل ...و ابتسامتك و شعرك تي نعشق في دين والديك راني
كلامو خلا الفراشات لي في داخلها تهيج و خلا الورد ينبت في داخلها
روبين : اما ...انتا متعرفنيش
اوار: لا نعرفك يا روحي .. نعرف كلشي عليك طموحاتك و احلامك و الحوايج لي يخليوك تضحكي و تصرفات صغار متاعك كي تكوني قلقانة ... نعرف كلشي عليك يا روحي و هذا لي خلاني نعشقك
روبين : تعش..قني !!
اوار: ايه يا روحي نعشقك
بقا يشوف فيها و هي ساكتة
اوار: روبين .. راح تبقاي ساكتة
روبين : شتحبني نقو..ل
اوار: اي حاجة يا روحي اما متبقايش ساكتة نحسك ترفضيني
شافت فيه و تلاقاو عينيهمو هو تبسم
روبين : شبيك تتبسم
اوار: وانك بسمتي و ابتسامتي و سبب تبسمي
روبين😳😳 : ظهرت شاعر يا رورو
اوار: في خاطرك يا روحي نرجع شاعر و كاتب و كلشي
روبين هبطت راسها
اوار: روبين ... نعرف لي تسرعت اما منقدرش نخليها فداخلي ... متبقايش ساكتة يا روحي
روبين : شنوة تحبني نقول انت تعرف كلشي عليا اما  انا منعرف شي .. ابسط حاجة منعرفش اسمك الكامل
اوار: اسمي الكامل اوار الباشق و توا تعرفي
روبين : عرفت اسمك باهي اما عمرك و شنوة تعمل في حياتك تي كلك اسرار
اوار: بش تعرفي كلشي مع الوقت
روبين : نحب نعرف توا
اوار: روبين متقلقينيش خليني هادي و متفسديش علينا ليوم
روبين : كي حبيت نعرف شويا على حياتك معناها راح نقلقك ماك تعرف عليا كلشي خليني حتى انا نعرف عليك
اوار: روبيييين قتلك خليني هادي
روبين : باهي ... و ناضت تمشي
اوار: روبين ايجا هوني مش وقت تمسخيرك
روبين : توا كي حبيت نعرف عليك ظهر تمسخير اه
اوار: مقصدتش هكاك ايجا خليني نفهمك
روبين : منحبش ماو تمسخير ..
كملت تمشي و هو لحقها و هزها
روبين : سيبني يا هم
اوار: مستحيل نسيبك توا
روبين : اييي قتلك سيبني
بدا يدور فيها و هي تضحك
روبين : هههههه اوار بش طيحني
اوار: انا نطيح كرزتي  مستحيل
حبس و مشا قعد بيها في حجرو كي لعادة
روبين: ابعدني
اوار: خلاص يا روحي بش تعرف كلشي اما فما حوايج مع الوقت تعرفهم باهي
و باس خدودها و شفافها بوسة خفيفة
اثر عليها حتى قالت باهي
بدا يحكيلها على كي كان فالميتم و كي شافاتو زينب و حبت تتبناه و بعد عام تبناتو و راح يسكن معاها حكالها تاني على كي كبر و سافر لايطاليا و كمل قرايتو و كون روحو
روبين : اما شعملت بعدها شتخدم !
اوار تكبس : عندي مطاعم في ايطاليا و هوني شركة مع ايهاب صحبي ..
روبين : 😍😍 بالحق
اوار : بالحق يا روحي و بش نديك تاكلي تما
روبين: مانقولش لا على الماكلة
اوار : مكراشتي ..
رتاح كي قالها هكاك هو مكذبش بالحق عندو مطاعم اما هذيك مش خدمتو توا بش يخلي خدمتو فالمافيا سر لانو اذا عرفت هو متاكد لي مش راح تقبل تكون معاه ..
روبين : باهي قداه عمرك ؟
اوار: 25
روبين : كذاب ماك شايب
اوار: روبييين 
روبين: باهي قلي !
اوار: 32
روبين: قتلك شايب
اوار: ايجا نعتلك شايب شنوة قادر يعمل .. حط يدو فشعرها و غطس معاها في بوسة عنيفة بينلها فيها انو هو وحدو لي يبوسها و يذوق عسلها