🌷#وجر_الحب 🌷
♦️الكاتبة : #ايوتة ♦️
🍒#الحلقة_26 🍒
ممنوع النقل بدون اذن 🚫❌
كانت واقفة في بلاصتها حتى تحل الباب بقوة
مرام : روبيييين
روبين : شبيك تعيطي صرعتيني
مرام : شبيك حمرة ...و شافت فيها بشك
روبين تلبكت : شن...ي..ة مني...ش حم..رة
و حكمت خدودها
مرام : تلعبهم عليا و قحرتلها شافت فالطابلة لي بين الكراسى و شافت الباطة
مرام : شنوة هدي وجات راح تهزها
روبين زربت هزتها و خطفتها
مرام : علاه تخبي فيها
روبين : يخي شدخلك متاعي هذي برا تخدمي على روحك
مرام : مش متحركة حتى توريلي
روبين : يخي متعرفش الخصوصية انتي
مرام : لا منعرفش وريلي توا
روبين جات راح تخبيها خطفتها منها
روبين : يخي شتعملي .... اعطيني
مرام فتحتها و فتحت عينيها على وسعهم
مرام : بقلااااااوة
روبين : والله و تاكل منها غير نقصلك شعرك
مرام : ممم ضحكتيني .... و تركية زادة اه يا قلبي ....
روبين : مراااام اعطيني بقلاوتي
مرام : باهي خوذ بش تذوق انتي اللولة مدام السي بقلاوة جابهالك بنفسو
روبين حكمت البقلاوة و قبل ماتزيد تخطفهالها كلات حبة كاملة
مرام : بالعقل منيش راح نسرقلك و دورت وجها
روبين تاكل و تهدر : يا ... شح.....ال .... بن....ين...نة
مرام : سكتينا
روبين زادت كلات الحبة الثانية و مرام تشوف فيها تقول جامي كلات
وراها الثالثة و الرابعة و مرام تستنى وكتاه تحن عليها
مرام : بقرة متشبعش
روبين : خوذ برك و سكتينا
مرام فرحت و كلات حبة
مرام : بالحق بنينة برشا
روبين : اه .... متتشبعش
كملو وحدة ورا وحدة كلاوها كامل
مرام : بصحتك اسيدي
روبين : يسلمك
مرام : اما كيفاه حتى جابلك لبقلاوة بقلاوة
روبين : منعرفش
مرام شافت فيها بشوفة خبيثة : اممم
روبين : يخي معندكش خدمة انتي
مرام : عندي اما بش نقعد هوني
روبين : بش نقول لايمن بلي يعجبك
مرام : حلت عينيها على وسعهم : لا امان بش نروح توا اما متفكريش روحك انك فلتي مني
و خرجت بزربة ، روبين ضحكت و حمارت كي تفكرت اوار
روبين مع روحها : شنية تعمل خرجو من مخك السيد متعرفوش قاعدة تخمي فيه و ضربت خدودها في ساع بش ترجع لوعيها
صونا تيليفون
روبين : الو
السكريتارة : دكتورة ليلى هوني
روبين : باهي دخلها
....................
أنت تقرأ
وجر الحب 🍒
Romansaكروونيك جديدة من تاليفي انا : اية (ايوتة😘)... اول كرونيك ليا تحت عنوان #وجر_الحب نشالله تعجبكم و تدعموني .... باش دمر مشاعركم كليا 💃💃شدو قلوبكم واحكموا انفاااسكم رح تعيشوا قصتها وتعشقوا تفاصيلها 😍😍 رح نجمعلكم فيها أسرار وغموض....أكشن 🗡..مافي...
