وجر الحب 🍒

الحلقة 78🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_78🍒
ممنوع النقل بدون اذن 🚫❌

اوار: روبين ...
روبين حكمت يديه في زوج : كل عام و انتا بخير يا روحي ..كل عام وانتا حبيبي
اوار مذهول في حبيبتو لي كان يتحلف فيها خاطرها مهزتش عليه اما هي هوني ليوم لكل تحضرلو فمفاجئة عيد ميلادو ... لي عمرو ماعتابرو يوم مهم حتى كي تعملو امو زينب و ايهاب سوربرايز صغيرة صح يعجبو الجو اما مش قد توا ... عيد ميلادو لي ميحتافلش بيه خاطرو يعتابرو يوم نحس خاطر عيد ميلاد تكون معى عايلتك ..امك و بوك اما هو عمرو ماشافهم... توا حس باحساس الدفئ و الحنان و الامان ..حس انو صح انسان عندو اهمية ... حس انو هي عايلتو لي كل يوم هدفو الوحيد انو يروح و يشوفها ... روبين الطفلة لي هدفو كان يقتلها اما توا ...توا بش يعمل المستحيل بش يخليها معاه رغم الصعوبات لي راح يواجهم  اما هي متاعو و بش تبقى متاعو مدامو حي ...
فيقاتو روبين كي و مشاتو لوين الطابلة لي مليانة حلويات و شوكولا من كل الانواع و تتوسطها كعكة كحلة فيها احمر من قوق و جمجمة بيضا خاطرو يحبهم حتى انو موشم جمجمة كبيرة فظهرو .. و على جنبها وردة كحلة ... و فوقهم شمع نمرو 33 زادة كحل
اوار دار عندها و حكم خدودها : نعشقك يا روحي انتي توا خليتيني اسعد واحد فتونس تي ### تونس خليتيني اسعد واحد فدنيا لكل منعرفش شباش نعمل بش نشكرك ... و باسها على جبينها
روبين حشمت : 😊معملت شي .. توا انفخ عالشموع
اوار : نعشقك ..و دار راح ينفخ اما قصت عليه
روبين : ايييي اوااار تمنى امنية قبل
اوار: اما انا امنيتي تحققت ..ماك وليت حبيبتي ناقصك كان تكون مرتي و اكهو
روبين حشمت و هبطت راسها و هو تمنى انو تكون مرتو  و حياتو و تكون عايلتو...
روبين صفقت و عنقاتو : نشالله عام كلو فرحة يا روحي
اوار: مدامك معايا يا روحي اكيد بش يكون كلو فرحة و اكيد مننساش لسانك لي محليلي معيشتي و مشيطني ... شاف فيها بشوفة كلها عشق و حنان ... تي فرخة فرحاتو برشا ليلة .. عيد ميلاد لي حلم بيه كي كان صغير حققتهولو حبيبتو ...
روبين ضحكت و خرجت لسانها 😋
اوار :  نعشق اكا لسان لي مهبلني انا ... و باسها من خدها ....صغرونتي شنوة لقرون هذو اه ... ونحالها سيرتات
روبين : اييي اعطيني متاعي  ماو انتا لي تقولي صغرونتي شيطانة
اوار ضحك و حطهم و عدلها شعرها و شاف صدرها لي مكبس و باين من روب عينيه ظلامو
اوار: تحبيني ناكلك اه
روبين : شعمل..ت
اوار: ماك راح تجننيني بحلاوتك يا روحي ايجا نبوسك شوية ... و بدا يبوس في وجها الكل ...
روبين : اييي اوار ههههه استنى فما مفاجئة
اوار: مزال ؟
روبين : ايجا ... و مشاتو معاها لين وصلو لدروج لي الارض مزينة بشموع و مكتوب بيهم i love you  و دروج كلهم بالاضواء صغيرة و فكل درجة فما صور متاعهم ...
اوار بالحق تفاجأ بكل صورهم لي ذكروه بكل لحظة حلوة معاها ...تي كل اللحظات معاها حلوين ...لي خذات عقلو هما الكلمة لي بالشمع ...الكلمة لي عندو اكثر من 7 اشهر و هو يستنى فيها تقولها ...
اوار شاف في عينيها : روبين ...
روبين : نحبك ..حبيتك و حبيتك و حبيتك حتى اني وليت نتنفس حبك ...اقسم بالله لي خلقك فسواك فعدلك  بلي نعشقك بطريقة ميستوعبهاش عقلك ... نحب كلشي فيك و كلشي معاك ...نحب عينيك ..نظرتك ليا .. صوتك .. وشامك .. نحب كي نكون معاك .. كي نحكي معاك ... كي تغير عليا ... نحب حكاياتنا ..التافهين ..نحب انو حتى ابسط الاشياء نحكيو فيهم ...نحب حظنك ... ملمس يديك ... كلشي فيك ...نحبك فوق الحدود و فوق طاقة الاستيعاب ..تي نحبك اكثر مما تظن و اعمق مما تحس ....نحبك يا اوار ...