وجر الحب 🍒

الحلقة 32🍒

🌷#وجر_الحب 🌷
♦️الكاتبة : #ايوتة ♦️
🍒#الحلقة_32🍒
ممنوع النقل بدون اذن 🚫❌

راح لمكتبها كي جا يدخل سمع صوت وراه ...
مرام : مرحبا بيك سي بقلاوة
اوار : شنوة !
مرام : اااا... قصدي مكانش بقلاوة
اوار : يخي نبيع بقلاوة وانا معلاباليش
مرام : السخطة ميعرفش انو هو البقلاوة ...
اوار : شنية قلت !  ... و هو سمعها اما كل لي يحبو توا هو روبين
مرام شي ماقل...
قص عليها اوار: ويني
مرام :  شنية البقلاوة ؟؟
اوار ضرب يدو على جبهتو : روبين ... روبين ويني
مرام : ااا تي خرجت عندها موعد
اوار : موعد ؟؟ مع شكون
مرام : منعرفش .. اما الظاهر انو شخص مهم
اوار صغر عينيه و جبد تيليفونو : اكتبي رقمها
مرام : منجمش مسيو
اوار بدا الزبل يطلعلو للراس قحرلها ومشا خارج

ركب كرهبتو و حرق الكياس هز تيليفون و عيط ل الياس (الهكر متاع المافيا )
الياس : الو
اوار : توا تبعثلي رقم روبين سلطاني
الياس : باهي يا ثعلب

خمس دقايق وصلو ميساج حبس الكرهبة و نزل ..عيطلها
رن و رن ورن ومهزتش ..
اوار : باهي يا روبين ...

.
.
.
.
بعد ما تعشاو وكملو فهد بقا يقرقر فوق راسها بش يخرجو ... خرجت هي و فهد بش يشريو ايس كريم  ....

وصل نزل بخطوات ثابتة مشى للباب يبين عليه هادي اما هو نار شاعلة فيه
صونا و ستنى حلت عليه مرا كبيرة
اوار : بيت روبين سلطاني ؟
حب يتأكد شكونها و علاه هي هوني لانو يعرف انو روبين عايشة وحدها
مفيدة : وي شكون انتا ؟
اوار : انا ... انا صديقها
مفيدة : صديقها ... و شافت فيه من لتحت للفوق ... روبين خرجت مع صديقها
اوار : صديقها ؟؟
مفيدة : هيه علاه تحسب روحك نتا برك لي صديقها
اوار : لا اما ..
مفيدة شافت وراه و شورتلو
اوار دار و شافها جاية مع راجل هازة ايس كريم و تضحك و هو حاط يدو على كتفها
بركان شعل في داخلو

روبين مع ضحكت و دارت شافت اوار واقف عند الباب مع مفيدة
تكبست في بلاصتها
اوار جا ماشي جيهتها وصل عندها وقف مقابلها
روبين : مسيو اوار ... شنوة تعمل هوني
فهد : روبين شكونو هذا ؟
روبين : هذا مس..
قص عليها اوار و قحرلها : صديقها
فهد شاف في روبين لي حركت راسها بايه : باهي بش ندخل ماطولش اوكي .. و حط يدو على كتفها
روبين : اوكي
شاف في اوار بنظرة حادة و مشا 
روبين : مسيو اوار شمجيبك هوني
اوار دار و قحرلها : وين كنت
روبين كمشت ملامها متاع تسلؤل : شنية؟
اوار : كلامي منعاودوش وين كنت تكلللم
روبين : مسيو اوار حاجة متخصكش وين كنت
اوار مسح على وجهو : اسمعني مسيو هادي متاع ### بش تنحيها عليا باهي
روبين : اما ...
اوار قحرلها سكتت : و توا قلي وين كنت
روبين : كنت ناكل فايس كريم
اوار : و تخرج توا 
روبين : عادي
اوار عدا يدو على شعرو : شكونو
روبين : شكون
اوار : روبين متهبلنيش شكونو لي كان معاك
روبين : شمدخلك
قحرلها و بجبدة وحدة لزها ليه حتى لصقت في صدرو : دخلني و توا قولي شكونو
روبين : سيبني ياخي هبلت
اوار : شكونو
روبين : ابعدني اييي
اوارحكم ذقنها و زير عليها : اتكللللم
روبين : افففف ولد خالتي توا سيبني
سيبها و هي بعدت قرب عندها و حط يدو على شواربها مسحلها ايس كريم  مشات فيها رعشة من ملمس يدو ... حكملها ذقنونتها و شاف في عينيها بنظرة حادة ... نظرة الثعل (احاااااي😍😂)
اوار : كي نعيطلك هز عليا ولا بش نعمل حاجة متعجبكش باهي ...تصبحي بخير  ومشا خلاها جامدة
روبين فاقت لقاتو مشا : اييي انت منين جبت نمرويا
شافاتو ركب كرهبتو و حرق الكياس ...