KUNG AALIS KA
Kung sa paglubog ng araw ay siyang iyong paglisan pagtulog ay akin na lang ipagliliban,
nanaising ibigay sayo ang lahat ng oras't di aalisin ang mga tingin sayong mga mukhang sakin nagbibigay ngiti.
Kung sa paggising ko'y mawawala ka, 'di na lang ako gigising kesa makitang sa aking tabi'y wala.
kung sa isang kurap ko lang ay mamaalam ka na ay mananatiling mulat na lang at sayo ay nakatingin.
Mahal, ayaw kong maiiwan nagisa dito sa mundong binuo nating dalawa,
Samahan mo ako dito hanggang dito gaya ng pangako mo.
Mahal, wag kang ganiyan, wag kang lumisan ng walang pagpapaalam.
Mahal naman bumalik ka dito harapin mo naman ako ng buong tapang.
Tingnan ako sa mga mata't sabihin ang dahilan ng iyong paglisan, ako ay makikinig at uunawain ka.
Kung nais mong mapag-isa hahayaan kita pero kung nais mong sa akin'y kumawala. Mahal pasensya ka na pero di ko pa yan kaya.
Sa bawat pagbilat ng mata iniisip kong ayos ka lang ba?
Di ka nawawala dito sa isip ko't nasasaktan ang pusong walang magawa kundi tanawin ka sa malayo at humihiling na sana'y kayanin mo lahat ng problema mo.
Kung aalis ka, sabihin mo maiintindihan ko, pipilitin kong lumayo muna para makapag isip ka tungkol sa sarili mo.
Kung aalis ka, pakiusap sabihinan mo ko para masulit ko ang kaunting panahon.
Sabihin mo kung huli na ito...
