I Belong To You | PJM | ✔

-[13]I Was Afraid-

පැයකට විතර පස්සේ ජියා හිටියේ එයාගේ පරණ ගෙදර ඉස්සරහා.වාහනේට නගිද්දී ගොඩක් කලබලෙන් හිටියත් දැන් ගොඩක් දුරට ඒ කලබල ගතිය අඩු වෙලා තිබුනේ. ඒත් ඒකෙන් කෙල්ල සම්පූර්නෙන්ම හොදින් ඉන්නවා කියන එක අදහස් කරන්න බැරිවුනා.

නගරෙන් ටිකක් එහාට වෙන්න ලොකු වත්තක් මැද හදලා තිබුන පරන ගෙදර දැක්ක කෙල්ලට හිතුනේ ඒක දැන් ගොඩාක් පාලුවට ගිහින් කියලා.

ජියාගේ තාත්තා කිවුව විදිහට අම්මයි තාත්තයි ගෙදර හදන්න පටන් අරන් තියෙන්නේ ජියාව හම්බෙන්න කලින් ඉදන්.ඒත් ඒ දවස්වල තිබුන සල්ලි ප්‍රශ්න නිසා ගෙදර හදන්න ටිකක් කල් ගිහින්.

ගොඩාක් මතක තිබුන තැනක් නිසා ජියාගේ තාත්තා ගෙදර විකුනන්න අකමැතිවුනා. වටපිටාවේ වැඩිය ගෙවල් තිබුනේ නැති නිසා වගේම ගෙදර ගොඩාක් කල් වහලා දාල තිබුන නිසා එන්න එන්න ටික ටික කලුවර වෙන වෙලාවේ ඒක තවත් මූසල පාටට පෙනුනා.

ඉස්සරහ ගේට්ටුව ලොක්කරලා වගේ පෙනුනත් කෙල්ල ගේට්ටුව තල්ලු කරපු වෙලාවේ ඒකේ පටලවල තිබුන දම්වැල බිමට වැටිලා ගේට්ටුව පොඩි සද්දයක් එක්කම ඇරුනා.

'දම්වැල වැටුනා කියන්නේ ඒක නිකම් පටලවල විතරද තිබුනේ?!!!!එතකොට මේ ගේට්ටුව ලොක් කරලා නෙවෙයිද තියෙන්නේ?වෙන්න බෑ.අප්පා කීයටවත් මෙහෙම වෙන්න දෙන්නෑනේ...සමහරවිට.. සුද්ද කරන්න එන කෙනාට අමතක වෙන්නැති.'

හිතේ පොඩි තිගැස්මක් දැනුනත් තමන්ව සනසගත්ත කෙල්ල ඇතුලට ඇවිදගෙන ගියා.අවුරුදු ගානකින් එන නිසා ඒ වටපිටාව ජියාට හුගක් නුපුරුදු වුනා.ගෙදර ලගට වෙනකම් තිබුන ගල් අල්ලපු පාර පුරාම කොල වැටිලා තිබුනා.කාලෙකට සැරයක් කවුරුහරිම වත්ත සුද්ද කරනවා කියන්න තිබුන එකම සලකුන වුනේ තනකොල වැඩිය උසට වැවිලා නොතිබුන එකයි.