(Unicode)
နှိုးစက်သံကြားပြီးနောက်မှာ မနိုးချင်ပေမယ့် နိုးလာရတာပဲ။ အိပ်မှုန်စုံမွှားဖြစ်နေတုန်းဆိုပေမယ့် မျက်လုံးဖွင့်ဖွင့်ချင်းမှာပဲ သူ့အခန်းထဲ ပြတင်းပေါက်က ဖြာကျနေတဲ့အလင်းရောင်တွေကြောင့် စူးခနဲဖြစ်သွားရတယ်။
အားး တကယ်ပါပဲ။
နောက်တော့မှ သတိထားမိတာ သူ့ပုခုံးစွန်းကိုထိစပ်နေတဲ့ခပ်နွေးနွေးအရာ။ မတင်မကျစိတ်ကြောင့်လှည့်ကြည့်လိုက်တော့ တကယ်ကိုထင်တဲ့အတိုင်းပဲ။ အသက်ရှူနှုန်း ဖြေးဖြေးမှန်မှန်နဲ့ အိပ်မောကျနေတဲ့သူ။
အားး တကယ်ပါပဲ။ တကယ်ကိုပဲ။
ကျန့်ကောကတော့ အိပ်တစ်ဝက်နိုးတစ်ဝက်အနေအထားကနေ သူ့ကုတင်ပေါ်ထပ်တက်လာပြန်ပြီထင်တယ်။ ဘယ်တော့များမှ သူ့ဟာသူအိပ်ပါ့မလဲ။မြည်နေဆဲဖြစ်တဲ့နှိုးစက်ကိုပိတ်ပြီးတာနဲ့ သန့်ရှင်းရေးလုပ်ရတယ်။ ရာသီဥတုကအေးလာပြီ။ အခုလိုအေးလာပြီဆို သူမနက်ရုံးသွားခါနီး ရေမချိုးဖြစ်တော့။ ညနေမှသာတစ်ခါချိုးဖြစ်တာ။ အခုတော့ မျက်နှာလေးသစ်ရုံပဲပေါ့။
သန့်ရှင်းရေးလုပ်ပြီးတာနဲ့ မီးဖိုချောင်ဝင်ရတယ်။ အစားအသောက်ပိုင်း မကျွမ်းကျင်တဲ့သူ့အဖို့ ဒီမနက်မှာတစ်ယောက်ပိုလာတဲ့ဖြစ်အင်က ကောင်းကောင်းကြီးဒုက္ခပေးတယ်။
မနက်စာကို သူအလွယ်တကူလုပ်တတ်တာဆိုလို့ ပေါင်မုန့်မီးကင်ပဲ။ နို့နှစ်ခွက်ဖျော်ပြီးတာနဲ့ ပေါင်မုန့်မီးကင်သုံးချပ်ကိုပါ ပန်းကန်ထဲထည့်လို့ စားပွဲပေါ်တင်လိုက်တယ်။
ပြီးတာနဲ့ အခန်းထဲပြန်ဝင်ရပြန်ရော။ ကုတင်ပေါ်ကကိုယ်တော်က ပက်လက်ဆန့်ဆန့်ကြီး စက်တော်ခေါ်နေတယ်။
" ကျန့်ကော ... ကျန့်ကော ထတော့။ ကျွန်တော် မနက်စာလုပ်ပြီးပြီ။ မျက်နှာသစ်ပြီး စားလိုက် "
ပုခုံးကပုတ်နှိုးတာတောင် နည်းနည်းလေးမှ နိုးလာခြင်းမရှိဘူး။ သိပ်ကိုအအိပ်မက်လွန်းတယ်။ ဒီလိုနဲ့ အလုပ်နောက်ကျနေရင် ဒုက္ခပဲ။
" ထတော့လို့ !!! "
နားနားကိုကပ်လို့ အကျယ်ကြီးအော်လိုက်မှ အင်ဟင်ဆိုပြီး တိုးတိုးလေးအသံပြုလာတယ်။ ဒါတောင် မျက်လုံးက ပွင့်တစ်ဝက်မပွင့်တစ်ဝက်။
YOU ARE READING
If I Can't Have You [COMPLETED]
Fanfictionငါ့မှာမင်းသာမရှိရင်..။ ကျန့်ကောမှာကျွန်တော်သာမရှိရင်..။ ∆ That art isn't mine. Full credit to Original owner.