(Unicode)
“ ရိပေါ် ... ဘာဖြစ်လို့လဲ။ ပြောပါဦး စိတ်ပူအောင်မလုပ်ပါနဲ့။ မားဘာဖြစ်လို့လဲဟင် ”
ပုံမှန်ဆို တက်ကြွလွန်းပြီး စကားတွေများနေတတ်တဲ့ကောင်လေးက အခုတော့ သူ့ကိုယ်ပေါ်တစ်ကိုယ်လုံးပစ်မှီလို့ ရင်ခွင်ထဲတွယ်ဖက်ထားပုံက ဆိုးရွားတာတခုခုဖြစ်လာတဲ့ပုံပင်။
“ ပါးတို့က ... ”
“ အင်း ... ”
“ စေ့စပ်ပွဲစီစဉ်ပေးထားတယ် ”
“ ဟင် ”
ဘာဖြစ်လာလဲဆိုတာ နည်းနည်းတော့ သဘောပေါက်စပြုလာတယ်။ တခွန်းပြောပြီး နားနားသွားတဲ့ရိပေါ်က ဒီကိစ္စတွေပြောပြရမှာ ခက်ခဲနေဟန်။ ဒါပေမယ့်လည်း ချွဲချင်ဟန်လေးက ပါနေသေးတယ်။
‘ကျွန်တော်ဒီလိုဖြစ်လာတယ် ကျန့်ကောကကုစားပေး နှစ်သိမ့်ပေး’လို့ ပြောနေသယောင်။
“ ပြီးတော့ ... ”
“ အင်း ... ”
“ မားက ဘာမှမဖြစ်ဘူး ”
“ လိမ်ပြီးခေါ်တာပေါ့ ဒီကို ”
“ ဟုတ်တယ်။ ပြီးတော့လေ ... ”
“ အင်းအင်း ... ”
“ ပါးတို့ကကျွန်တော်တို့နှစ်ယောက်ကိစ္စကို သိနေတယ် ”
“ အဲ့ဒါကြောင့် အခုလိုလုပ်တာပေါ့ ”
“ ဟုတ်တယ် ”
စမှီတွယ်ကာစကထက် ပိုပြီးပျော့ခွေလာတဲ့ရိပေါ်ကိုယ်လုံးက သူ့ရင်ခွင်ထဲဖရိုဖရဲရယ်။ နှစ်ယောက်လုံးက အားချင်းသိပ်မကွာတဲ့ယောက်ျားသားတွေပဲမို့ ခပ်ကြာကြာတော့ အားသုံးပြီးထွေးပွေ့မထားနိုင်။
အားသာကြီးရင် ရင်ခွင်ထဲပွေ့ချီထားချင်ပေမယ့် အခုတော့အဲ့လိုမလုပ်နိုင်ပဲ နီးစပ်ရာမွေ့ယာပေါ် ထိုင်ခိုင်းရတယ်။ အခန်းထဲဝင်ဝင်ချင်းဖက်တွယ်လာတာကြောင့် အကြောင်းစုံကတော့ အခုမှပင်သေချာသိရတာဖြစ်တယ်။
YOU ARE READING
If I Can't Have You [COMPLETED]
Fanfictionငါ့မှာမင်းသာမရှိရင်..။ ကျန့်ကောမှာကျွန်တော်သာမရှိရင်..။ ∆ That art isn't mine. Full credit to Original owner.