وردة تحت ظل القمر ٫٫

الظل السادس

قاطع كلامه فتح بتال الباب الي ورا: اسمعوا بنام انا هنا تعبان
فارس بفزع وصرخ: لا لا انزل انزل زوجتي هنا
بتال بفزع: يمه وين ...
فارس بصراخ: انزل بسرعه لا تلف
بتال نزل وهو مخترع
اما يزن ميت ضحك عليهم وعلى شكل بتال
ومن صراخهم جلست روز لكن ما تحركت بسبب سمعها لصوت يزن وبتال
فارس بهواش: مجنون انت تركب وبس اقول لك زوجتي نايمه هنا تقعد تتلفت لي اموتك انا
بتال بحدة: وش دراني انا شفتكم جالسين جالسين مع بعض وجوكم هدوء وش عرفني ان زوجتك هنا
يزن: خلاص حصل خير بتال رح نام بسيارتي اذا تبي
بتال سحب عليهم وهو يتحلطم
يزن: وانت وش فيك صارخت اكيد البنت جلست
فارس لف راسه عليها وشافها نايمه ( تمثل النوم): لا نايمه امس ما نامت كويس
يزن: كله منك صارع اختي
فارس: شدخل اختك؟
يزن: مو انت اخوي وصاحبي يعني زوجتك اختي وان تزوج بدير زوجته اختي فهمت
فارس: مالت عليك وانا اقول شدخل اختك
يزن بمزح: مو اختي كذا يعني لو زعلتها اذبحك حالها حال جوجو
فارس: تدور خوات انت

" رتيل "

رتيل تهديها: بس يا قلبي اكيد عمي مو قصدة
مي وهي تبكي: كيف مو قصده الا هو نساني ويجي لك بتال يصرخ فيني وانا الي فيني كافيني
رتيل: بتال ماله عذر لكن المفروض تعودتي على طبعه من هو صغير وهو كذا انتي حبيتيه وهو طبعه شين
دخلت فاطمة: رتيل امك تقول لك قومي بخري خيم الرجال قبل لا يجي احد
رتيل: طيب جايه ... يلا الحين نامي اذا جلستي احط لك غداك
مي: شكرا
رتيل: العفو

طلعت وراحت لامها : يمه يمكن يدخل علي واحد من العيال
ام فارس: البسي البرقع وحطي شيلتك على راسك وخلاص
رتيل لبست نقابها: مراح البس برقع معرف له عطيني المبخر والعود
الجدة: والله انتس لتلبسين البرقع انتم بالبلد تلبسن ذاك النقاب قلنا معليه لكن هنا تلتزمن باللبسنا وعداتنا
رتيل: ابشري بس ما عندي برقع
الجدة طلعت من جيبها برقع: خذي
رتيل وقفت قدام المرايه وضبطته: ها كيف؟
الجدة: يا حلاتس مع عيونتس المكحلة جعلني فدا لهم

رتيل اخذت المبخر وجلست تبخر الخيمة الي فيعا جدها وابوها واعمامها
الجد: رتيل؟
رتيل: لفت عليه: سم
الجد محسن: سم الله عدوتس صايره حلوه بالبرقع يابنتي
رتيل بخجل: حلت ايامك يا جد
بو ناصر: اي والله ياحلاتكن بالبراقع
خالد: رتوله تكفين قولي لجدة بسرعه جوعان
رتيل: ابشر بس ابخر المشب الثاني

طلعت وراحت خيمة الرجال الثانية او خيمة للعيال

رتيل في نفسها : " ايش ذي العادة يتبخرون بالبر يالله عادي اصلا "
جلست تدور وتبخر شافت انه محد فيه فصخت البرقع ونزلت الشيله عن راسها بخرت شعرها الي يوصل لنص ظهرها
خلصت نزلت المبخر في الارض رفعت شعرها من جديد ولبست البرقع
ناظرت نفسها بالمرايا الموجوده: البرقع مايجي علي اوووف
لفت وشافت الي يناظر فيها بكل انبهار بسمارها المتوسط وطول شعرها وعيونها المكحلة
يزن نزل راسه: اسف ياا ....
رتيل: وجع فيك وفي عيونك
وطلعت وتركته
يزن ضرب راسه لحقها: حمار يزن حملر انت تعالي