وردة تحت ظل القمر ٫٫

الظل الثالث عشر

الظل الثالث عشر:

" روزا + فارس "
فارس: لا غش نعيد من جديد
روزا ضحكت بصوت واطي: فارس وش غش ترا احنا في المحل مو بالبيت بعدين انت الخسران كيفك
فارس بزعل طفولي: لا والله مو كيفك ولا ترا اروح واخليك لوحدك
روزا مسكت يده بعفويه: طيب خلاص انت الي ذوقك احلى وراح اخذ الي اختره خلاص
فارس ناظر يدينهم وابتسم: كفو طفلة مطيعة
روزا ضحكت: يلا روح حاسب عشان نروح ناكل جعت
فارس: تمام انتظريني لا تطلعين بحاسب واجيك
راح فارس يحاسب على كم لبسه اختراهم سوا لشغلهم من ( جزمات طبية مريحه وقت الشغل، اللبس الابيض لفارس ' معرف اسمه' ، كم لبس طبي بألوان مختلفة لهم ... ألخ) حاسب فارس وطلعوا مع بعض لمطعم طلب فارس ورجع لها
فارس وهو يشوفها تناظر المكان: متى ناويه تروحين لامك؟
روزا لفت عليه وكأن السؤال جاء بوقت غلط رفعت كتوفعا بـ مدري
فارس ابتسم لها يريح قلبها: شوفي نروح بكرة انا وانتي سوا بعد دوامك نروح ونتعشى عندهم شرايك؟
روزا بصوت مبحوح: ومصعب؟
فارس ببساطه: ما يقدر يسوي شي مراح نروح لحالنا بنروح ومعنا كم شرطي من بعيد احنا مسكنا مصعب والي كانوا راح يخطفونك باقي الي ورا مصعب بس
روزا بصدمه وخوف: يخطفوني؟ انا؟
فارس يهديها: اهدي اهدي الحمد لله انك رحتي معنا المخيم ولا تركناك لان بعد ما طلعنا بكم ساعة دخلوا بيتنا بس كان حمد داخل البيت وصادهم الحمد لله
روزا غمضت عيونها: متى اعيش بسلام ما ابي السعادة انا محيتها من بالي ابي بس السلام والهدوء الحمد لله على كل حال
قاطعهم دخول النادل مع الأكل ، اكلوا وخلصوا ورجعوا البيت دخلوا والبيت هادئ مافيه احد
روزا ناظرت ساعتها: ساعة 11 ما فيه احد البيت
فارس الي شايل الأكياس: ايه يمكنهم لحد الحين ما طلعوا عشان كذا قلت لك نرجع قبل يلا نصعد لغرفتنا فيني النوم الف
روزا صعدت وراه بهدوء دخلت وفسخت عبايتها وعلقتها راحت للأكياس: أنت رح نام انا بجهز اغراض الدوام وبنام وراك
فارس وهو يتثاوب: خليها الصبح
روزا: لا مستحيل عشان اتأخر تصبح على خير
فارس: وانتي من اهله
غير ملابسه ولبس فقط بنطلون البجامة مثل ما كان متعود من ايام الثانوية انسدح ونام على طول من كثر النعاس الي فيه
اما روزا اخذت تكوي لبسها ولبس فارس وتبخرهم وتعطرهم كانت متعودة تسوي كذا من قبل خلصت وعلقتهم عند بعض ناظرتهم عند بعض اخذت صورة للبسهم سوا وهي تكلم نفسها: ممرضة تزوجت دكتور هه روزا كأنه بيدوم كلها كم شهر وراح يتركك مثل ما قال عند خالك وامك
تنهدت وراحت اخذت حمام سريع وغيرت ملابسها للبس مريح وراحت عند السرير وقربت من فارس وكان نايم ما حبت تزعجه كانت بتطلع
لكن فارس
.
.
لايك كومنت تشجيع لي 🤍✨

الظل الثالث عشر الجزء الثاني:

لكن قاطعها فارس وهو يسحبها وتطيح جنبه: على وين؟
روزا شهقت: مو كنت نايم وتعبان
فارس وهو لسه مغمض: ايه نايم بس ما تعمقت في نومي وحسيت فيك وين كنتي بتروحين؟
روزا: كنت بروح انام على الكنبة لانك قلت تعبان
فارس وهو يغطيها: يلا نامي وراك جلسة من ساعة 7 الصبح
روزا وهي تعطيه ظهرها: تصبح على خير
فارس: وانتي من اهله
وناموا بهدوء