في احد أحياء الخبر الراهيه
بطلنا توه راجع من البعثه الي مدتها 9 سنوات ...
راجع وهو فرحان ، ومستانس ، ولهان ، ومشتاق ، ومتحمس ...
أخيرا رجع بعد غياب طويل اشتاقت لامه وابوه واخوانه واصحابه واولاد عمه وعمانه وجده المتسلط للكل بدون استثناء
قاطع سرحانه اخوه سالم: فارس علامك شاق حلقك كذا الله يهديك
فارس لف له: تدري اشتقت اتناقر وياك يا الدلخ
سالم بحسه الفكاهي: اخوك الدلخ مو أنا
فارس ضحك: بالله وانت من؟ خالي؟
سالم: اقصد مازن مو أنا هههههههههههه
فارس تنهد براحه: اشتقت لامي حييييل
سالم: وهي من درت أنك جاي وماتم شي ما سوته والدموع ما وقفت
فارس ابتسم: بعد ناسي واهلي هي
سالم وهو يشوف أولاد عمه كلهم بره ينتظرون وعيال عمته وخواله وعيالهم: حشا مو فارس امير
فارس فتح الباب ونزل بسرعه وركض حضن ابوه: يبه
بو فارس دمعت عينه: عيون ابوك وحشتني يا بوك وحشتني
فارس حب راسه ويده: رجعت لك يا يبه دكتور رافع راسك
ناصر ولد عمه بدراما: اوووف خلاص ببكي يا حضره الدختور وابوه تعال نسلم عليك اخلص
فارس ضحك وراح سلم على عمامه وخواله وعيالهم
مازن يسحبه من يده: قوم امي ازعجتني ابي ولدي ابي حبيبي قم جيت انت ونكرتنا
فارس ضحك وقام بلهفه وهو يضرخ: يمه يا الغاليه يا حبيبه فارس وينك درب درب يا بنات
الجدة: ادخل يمك ادخل
دخل وهو يدور امه من بينهم شافها تمسح دموعها ركض لرجلينها وصار يبوسهم وهو يقول: وحشتيني وحشتيني وحشتيني وحشتيني
ام فارس وهي تمسح دموعها الي مو جايه توقف: قوم يا حبيبي قوم خلني احضنك تعال
فارس رفع نفسه عن رجلينها وحشر راسه بصدرها دمعت عينه .... اشتاق لها ولريحتها وحنانها واكلها وكل شي
ام فارس تبكي وتحب شعره وتشمه
فارس ضحك ورفع راسه: وشلونك يا قلبي؟
ام فارس ابتسمت له وهي تحط يدها على خده: بخير من شفتك ...ضعفان يا عيون امك
فارس باس يدها الي على خده وحضنها: خلاص من اليوم ورايح اكل من يدك الحلوه ذي
ام فارس ضحكت وهي تمسح دموعها: قوم سلم على جدتك وعمتك وخلاتك
فارس قام وباس راس جدته : اووه امي قماشه هنيا اشوف وشلونتس يا الغلا؟
الجدة: ما عليك زود وانا امك انت اهرج لي وش سويت بالغرب؟
فارس بمزح: يوووه يا يمه بناتهم هناك شق شق يجننون الود ودي اكمل نص ديني فيهن وحده حمرا وحده شقرا وحده برتغاليه وحده بيضا احسن نسل العايلة واجيب وحده لجدي محسن يا انها جمااال
الجدة: قول أمين جعلك الحكة وما توصل لها قليل الحيا يتغزل لي في بنات الناس
فارس: خلاص توبه بزوجها بتال ولد عمتي منيرة
مي من وراه: عيد وش قلت؟
فارس ضحك ولف لها: اووووه خطيبه بتال هنا ارحبي يا بنت العم علومك؟
مي كشت عليه: الله يكفيني شرك بس الا تعال كيف تعرف ان ملكنا؟
فارس ببساطه: يا طويله العمر معروفه من وانتم صغار مي لبتال وبتال لمي وبعدين رسل قالت لي الا جد وين التوم؟
مي: فوق ما يدرون أنك هنا؟
أنت تقرأ
وردة تحت ظل القمر ٫٫
Teen Fictionفي تلك الليلة تحت ضوء القمر تهرب وردتي الجميلة عن ذلك الوحش البشري لتلقتي بفارس بخيله الابيض ليكون فارسك ... لكن هل يدوم ؟!! الفارس اعطي يده لها " هيا اركبي خيلي لتكونِ أميرته " وردتي بـ خوف " الوحش يلاحقني! " الفارس ابتسم لها لـ يريح قلبها " لا...
