وردة تحت ظل القمر ٫٫

الظل الثامن

بعد بعد العشاء حاليا ساعة 11:47

" فارس "

يناظر جلستهم الي هم مسوينها بعيده شوي عن الخيام لان الكبار نايمين

فارس بعد اعجاب: يا اخوان جلستنا ناقصها سنع حريم واكل
بتال وهو متدفي بالفروة وجالس يشب النار: وانت الصادق يبي لها شاهي حليب على الحطب واكل آخر الليل
فارس طلع جواله: بتصل في اسيل يالله انها توافق
بدر: مراح توافق بدون مقابل صدقني
فارس كش عليه: الو اسوله
اسيل: لا اكل مافيه
فارس تفشل لان فاتح الصوت: لوه ان شاء الله وليه؟
اسيل: انتم تكشتون وتطلعون واحنا هنا محبوسين لا حول ولا قوة كل وحده جالسه تصبغ اظافرها
سالم: تكفين اسيل بطني يوصوص
اسيل: والمقابل؟
فارس: الي تبين
اسيل ناظرت البنات: بنات العيال يقولون يبون اكل وشاهي وكرك واكل يباكلونها عند الحطب تبون نروح ولا فيكن النوم؟
مي نطت: انا علي المشروبات تكفين انخنقت جدتي كل شوي وهي ترا ترا بعلم جدكن بعلم جدكن
خولة: انا عندي اكل اخر ليل وحلى في شنطتي
اسيل: اوك 10 دقايق واحنا واكلنا عندكم - شدت على اكلنا -

فارس وهو يناظرهم: يا عيال لعبوا بحسبتنا
يزن بقهر: المشكلة الحلى الي تتكلم عنه حرم اخوي المصون ترا انا الي ماخذه تجيبه
بدر: ولا يقولون انهم بنص عقل وهم يعرفون الي ورا تريلات ويفكرون احسن منا
يزن: لا معليك اختي طيبة بس بنات الغانم الي يذلونك
بتال: وانت الصادق
.
.
بالفعل 10 دقايق والبنات عندهم

ناصر: يالله انك تحييهم الا ام لسان
رسل: اووف استغفر الله في عيون ذبانه تتكلم بنات تسمعون وش قالت؟
البنات ضحكون لانهم يعرفون انه ناصر
ناصر: وش عيون ذبانه منهي ذي؟
نور: للأسف الشديد انه انت ههههههههههههههه
الكل عدا ناصر: ههههههههههههههه
ناصر بغضب: جعل الذبانة تدخل في مخك يا حماره - لف لسالم - تضحك ياكلب بعد
سالم: قسم جابتها انت ونظاراتك الكبار
ناصر: مالت عليك من صديق - لف على رسل - على الاقل احسن منك يا ام لسان كأنك صرصور انتي وقصتك الطايرة من وانتي بزر لين تكبرين وانتي بذي القصة لكم الحشية رسيل اسيل رتيل انا اقصد بعض الناس
سالم ضحك بقوة
رسل: يا حيوان يا سويلم وليه تتكلم عني عند ذا الحمار فارس شفهم
فارس ما تحمل صد وهو يضحك
بدر: خلاص رسل طنشيه وانا اخوس خليس اعقل منه
رسل: احلى اخ في الدنيا ابشر
بدر ابتسم: تبشرين بالجنة
خولة وقفت: يلا وقت الحلى ميمي صبي الكرك في الاكواب
اسامه: فديت السنعة انا
سالم: هي عيب في عزابية هنا
خالد: بنات الحين ليه جدتي لبست نصكم البراقع والنص الثاني؟
رتيل بقهر: لانهم خلصوا والي تشوفها في وجهها قبل تتطيها برقع ورتيل طبعا بالمدفع
ناصر: معليكم والله انكم طالعين حلوات احسن من نقاب
سالم: بدويات اصل يا جعلني فدا لكم
بتال لف على فارس: زودوها صح؟
فارس: قم نجلدهم
سالم بخوف: لا اسفين اتغزل بخواتي ما تغزلت بمي وروز
ناصر بخوف مماثل: اي مالنا دخل بالمتزوجات بس خواتنا بالله
يزن يضحك: يا قلبي رحمتهم اسمح لكم تتغزلون بحبيبتي
بدر عقد حواجبه: كريستي؟
يزن: لبى والله طاريها
فارس وبدر: ههههههههههههه
ناصر: اجنبية؟
يزن: ايه أمريكية حبي هي
سالم: عيونها اي لون؟
يزن: عيونها خضراء كالغابات الأمازون
بدر: وحضنها دافئ في الشتا
فارس: وشعرها بني 
سالم: اخخخ لبى عيونها بس الخضرا ليتني بس عيون
ناصر: يلبى الشعر الحريري ..... - جلسوا يتغزلون فيها وبدر ويزن وفارس ماسكين ضحكتهم والباقي مو فاهين شي - بس طيب نبي نشوفها
يزن: لا ممنوع
بدر: بتجيكم سكتة قلبية ودماغية
فارس: لا حرام خليهم يشوفون لها ذاك الفيديو وهي تمشي وتغني وتروح من حضني لحضن بدر
سالم بدراما: اهههه لبى الصوت وراعيه
يزن يرمي على بدر قارورة مويه: محد علمها تنام الا انت تنام اكثر من تجلس
رتيل بخيبة تناظرهم: اتوقع من الكل الا انتم طحتوا من عيني وانت اولهم يا اخوي الكبير
فارس: رتو ترا نمزح يزن اخلص ورهم المقطع
يزن حس بتوتر وضيق فارس وكيف تغير مزاجه واعطى سالم الجوال على المقطع ( الفيديو عبارة عن يزن يلعب قطوته ( بسه ) هو وفارس بعدها تدخل على بدر النايم وتنام في حضنه ) < شرح هندي فهمتوا؟
ناصر: لعبوا علينا ياخوي
سالم بقهر: حمير وانا صدقت
فارس: يا كلب وانت مصدق ان بندخل وحده بشقتنا - لف لرتيل- خلي نظرتك مثل ماهي ياختي اخوك مثل تربيتك ما بطلع منها العيب
رتيل قامت وحبت راسه: اعذرني يا بو سلطان
فارس ابتسم لها: ما زعل من رتيل وانا بو سلطان
بتال: خوش كرك منهي سوته تسلم يدينها احب الكرك انا
روز: ميمي الي سوته
مي: بالعافيه
سهى: وانا ساعدتها
مي بسخريه: ايه ساعدتني جابت لي الماي وهي تنفخ
سهى بغرور: اهم شي جبت
نور: عندي لكم لعبه حلوه
ناصر: يلا ورينا
خالد: العاب نور حلوه
نور طلعت نوت صغير وقلم من شنطتها: بنلعب لعبه اسأله النوته الأزرق للعيال والاصفر للبنات شروط اللعبة هي نسحب اسم من الاصفر واسم من الازرق ويسألون بعض لكن الجواب يكون صدق مو كذب
بدر وهو يطلع القلم من جيبه: تم ارمي علي حق العيال اكتب معك
نور بعد وقت: خلصت من اكبر واحد فيكم؟
فارس: اسامه
اسامه: لا احوله ليزن يسحب عني
نور عطت يزن الاوراق وهم في صندوق: خذ انت اول واحد يسحب بعدها عطها الي جنبك
بدر: خلصت خذيهم
اخذتهم نور وكانت بتتوجه ل خولة
خولة: لا انا بعدين ما احب اكون اول شي
نور: من اكبر فجر ولا روز؟
روز: انا 25 سنة فجر معرف
مي بصدمه: امانه انتي 25 كنت اتوقع 20 او 21 صدمتيني
نور وهي تعطي لروز الاوراق: انصدمي بعدين مو وقتك
سالم: يلا يزن اسحب
يزن وهو يسحب له اسم بعد ما خلطهم: بسم الله ... خولة
خولة: اسأل انا؟
نور: لا يزن يسألك
يزن: اممم ايه قد حبيتي رجال قبل اسامه؟
اسامه بصدمه: حيوان
يزن: قلنا صدق يلا جاوبي
خولة: ايه حبيت اثنين ابوي وفايز اخوي
اسامه ابتسم لها وهي ردت الابتسامة له
نور: يلا دورك روز
روز سحبت اسم: يزن
يزن: هلا
روز بحيره: وش اسأل
بدر: ترا تاريخ زوجس كله عنده
فارس: بدير
بدر: سم طال عمرك
روز: لا ابي اعرف قصة تعرفك مع فارس وبدر من متى؟
يزن عدل جلسته: اسمعي طال عمرك بقولك قصتي مع فارس بعدها بدر كنا نكره بعض في المدرسة بالمره نتهاوش كثير ونرجع مع بعض نفس اي بزور انا اكبر منه بسنة وبسبب صداقة اهلنا طقنها صداقة المهم لما كنت في ثاني متوسط وهو اولى متوسط كنا نتمشى في الحارة مثل كل يوم بالسيكل جا زوجك السوسه وقال لي يزن وش رايك نروح الحارة الثانية ونرجع بسرعه ناخذ لفه ونرجع
فارس يكمل: رفض يزن لانه يخاف من عمي فراس بالمره ما الومه لكن اقنعته ورحنا نتمشى وشفنا هوشه 2 على واحد ضعيف وصغير بالمره ويضربعم لكنه خلاص مضروب مضروب
يزن يكمل بحماس: ونروح انا وفروس نفزع له لان متعودين دوم نصف مع الضعيف والوحيد حتى بالمدرسة والمشكلة ان العيال نعرفهم معنا بالمدرسة واكثر من مره متهاوشين معهم مشكلجين ونروح ونضربهم ضرب تواعدنا لبعد اسبوع نتقابل بنفس المكان بسبب بدير المضروب الي حتى دمعه ما نزلت من عينه على ان الدم طالع من فمه وخشمه لكن ابد الولد معند معند
فارس: وكان في سيكل يزن إسعافات أولية عندنا عشق منذ الصغر لطبيب وحركاته ونجلس نعالجه كل واحد من جهة واخذنا وصلنا بيته لكنه اصر الا يدخلنا يدخل وهو يصارخ يمه عندي ضيوف القهوة والعشا يصارخ قسم حسبته يبكي لكن طلع رجال من صغرة على انه كان صغير في سادس المهم يدخلنا الصالة عند امه وابوه ويشوفون اشكالنا ويخافون من انتم وليه اشكالكم كذا
بدر ضحك: كمل كمل
يزن: وتجي خالتي تسأل ونجاوبها لين قامت وحضنتنا واحنا بالمره مستحين وجهي انا وفارس احمر لانه مرة غريبة تحضنا ونعتبر كبار بالمتوسط ونجلس ونتقهوى على يد بدر وسوالف عمي فيصل الي ما تنمل ونسينا الوقت وخوفنا من اهلنا واكلنا من عصيدة خالتي العنود تجنن وربي احبها حيل المهم بعدها قمت بخوف وقلت قم فارس بننجلد من جدي وجدك
فارس: ايه ما كنا ننضرب من ابوي ولا ابوه كنا من الاجداد الي كل واحد اقسى من الثاني المهم ويحلف لنا عمي فيصل هو الي يجي معنا واحنا خايفين ونروح ونرجف ودمعه يزن بعينه نوصل عند بيت عمي فراس لانهم مجتمعين فيه ندق الباب ويفتح لنا ابوي الي بدا يصارخ علينا ويهدد ان جدي ينتظرني بعصاته ويزن عند عمي فراس هنا يزن صاح علينا  هههههه
سالم: بف طاحت هيبتك
اسامه: ما الومه ضرب جدي مره يعور شف من اثار ضرب جدي على خد يزن
بدر: اكمل لكم دخلنا عمي سلطان وضيفونا وكل شي وراح ابوي قال لهم القصة انها كيت كيت ويسألوني منهم عياله قلتهم معرفهم لكن جاوب فارس وهو يدعي القوة انهم عيال فلان وتفاعلوا الكبار وبس ما انضربوا بسبب ابوي ههههههه اشكالهم وقتها تحفه
يزن: لا اصبروا راح سأله مدري من عن السبب وراح رد عليه بدر بذي الحملة ما انساها " وانا طالع من البقالة شفتهم يتحرشون في بنات حارتنا ترضاها يا عمي على خواتك وهم مثل خواتي وتضاربنا " وصحيح هم رواعي غزل ودخان وكم كبر في عيونهم عاد بدر يوم ثاني رحت لفروس وقلت له ان نروح له الولد اعجب ابوي ... ألخ من وقتها الحمد لله تعلمنا من بدر الي كان اصغر منا اشياء حلوه وهو تعلم منا
فارس: وبعد اسبوع رحنا وتضاربنا معهم وفزنا عليهم على انهم اكبر منا لكن سبحان الله وتمت علاقتنا قوية بكثرة المواقف ماهي السنين لحد ما وصل يزن ثالث ثانوي وانا ثاني وبدر اولى اتفقنا ان نجيب درجة حلوه عشان تطلع لنا بعثه وجلسنا ندرس مع بعض تخيلوا ندرس مع يزن وهو اكبر منا وطلعت لنا البعثة كلنا واحد ورا الثاني الحمد لله هذا بفضل الله ثم دعاء والدينا وثم جهدنا - يأشر على يزن- وعندكم الدكتور يزن فراس صالح الكاسر واحم والدكتور فارس سلطان محسن الغانم وبعد سنة الدكتور بدر فيصل بدر الفيصل
اسيل: احلى قصة صداقة حبيت
يزن يعطي فارس الاوراق وسحب: مي ، بدخل على طول في سؤال انتي وافقتي على بتال من نفسك ولا بسبب ضغط عمي وجدي ولا بسبب انه يقرب لك ولا سبب ثاني؟
مي بخجل: بنفسي
فارس: موافقه تاخذين ذا الاقشر؟
بتال: هي تراها زوجتي مالها مجال ترفض
فارس: الله يعينك عليه والله
رتيل سحبت: ناصر
ناصر: الله يستر
رتيل: ليه كل تحارش اختي مو لنا ولا رسيل مثلا ليه رسل بضبط؟
ناصر: لانك أنتي طيبة حبوبه رسيل في حالها واسيل اخاف منها أميل لشخصية فارس رسل غير عنكم ارد عليها بكلمة ترد علي بعشرة مدري والله كذا من الله من هي صغيرة احب احارش فيها
رسل: الكلب كلب
ناصر غمز لها: لكنه وفي
رتيل تنهي نقاش: يلا الي بعده
بتال: ام سلطان مكتوب
سالم: يلا يا مرة ولدنا
روز تأشر على نفسها: انا
اسيل: مو زوجك فارس واسمه بو سلطان فانتي ام سلطان ولدكم المستقبلي سلطان
رسل: مفكرة يطلع سلطان من فارس ترا منك انتي الحرمه
فارس بحدة: رسل
بتال: المهم بما انك اجنبية علمينا حياتك كيف كانت
روز تنهدت: اولا امي روسية للي ما يعرف ولدت في روسيا بعدها بشهرين نقلنا جدة امي تشتغل وانا وخالي الي اكبر مني ب 5 او 6 سنوات معي لحد ما امي تزوجت من مصعب وجالت منه اختي مهره اصغر مني بخمس سنوات امي تعرفت على وحده زوجها له خبرة في الاحوال وتوسط لنا واخذت الجنسية السعودية جلست ادرس هنا لحد ما خلصت الابتدائي وخالي خلص الثانويه ورجعنا روسيا كملت دراستي هناك ولحد ما وصلت الجامعة درستها في فرنسا كانت حلمي وخالي حققه لي كان لي الاخ والاب والصديق خلصت جامعتي ورجعت والباقي تعرفونه
خالد: عشتي بعيدة عن امك بعد؟
روز: ايه الحمد لله على كل حال
نور: طيب كيف كانت حياتك يعني هل كانت حلوه وسهله ولا العكس؟
روز: اتذكر اني اجاوب عن سؤال واحد بس
نور: جاء دوري بدر ايش الشي الغلط الي سويتوه في الغربة وندمتوا عليه ؟
بدر: الله لا يعودها من يوم قبل 3 سنوات كان وقتها عندنا حفل لوحده من الجامعة اصرت علينا نحضر رحنا لان البنت محترمة ندخل ونشوف الاشكال المفصخة والريحة الخمر اووف يع جلسنا في زاويه بعيدة المهم جلسنا ونشوف الي يتمرقصون والي يبوس في ذي والي يشرب مع ذيك كلهم يهونون عند صاحبه الحفل نفسها الي قلنا محترمه جالسة وقدام الكل تزني مع واحد احنا ما تحملنا وطلعنا يمكن جلسنا نص ساعة
فارس: على كيفك نص ساعة اقل ربع وربي مشهد مره خايس نرجع البيت بدر راح ينام 10 دقايق يطلع لنا يبكي يقول مو قادر انام احس نفسي قذر كأني انا الي سويت الفاحشه وجلس طول الليل يصلي الوتر وقمنا نصلي معه
بدر: جد والله من وقتها اخذنا درس ورجعنا لعزلتنا
اسيل: الحمد لله ان وقتها ما وسوس الشيطان فيكم وطحتوا في الحرام
اسامه يتثاوب: الباقي نكملها بكره تأخر الوقت
بتال يتلفت: وين هادي؟
نور: ابد يتمشى مع الحب مدام ان رحمه عند فطوم نايمه
اسامه: استغلالي اخوك المفروض اتعلم منه
راحوا كلهم عدا بدر ويزن
بدر: يزن منت نايم؟
يزن: الا بس بكلم جوجو مدري وش فيها ما نامت الساعة 1 ونص مو من عداتها
بدر بتردد: شفتها بالحديقة
يزن: بدر وش اتفقنا
بدر: وربي ما كنت ادري سمعتها تغني وكملت معها ما شافتني ولا شفتها من بعيد بعدها قالت لي من انت قلت لها انا ااي بطلعك مو حزنك
يزن تنهد بحزن: كنت اتمنى جوجو لك حيل يا خوي لكنها رافضة الزواج بالمره من بعد الحقير والحادث
بدر حط يده على كتفه: بترجع لكم احسن من كذا انا واثق بقدرة رب العالمين اصبر كلها سنة وارجع اخطبها من جد وجديد لكن لازم استعد
يزن: احبها ما عندي غيرها ليه تحرق قلبي عليها كذا حرام عليها تسوي فينا كذا عشان بقايا حب
بدر بوجع: الحب يوجع لكنه حلو ولذيذ وانا حبيت اختك وابيها حليله لي ما ابي الا انك تكون خال لولدي لا تفكر في اخوك بدر انه يتسغلك ويستغل اختك
يزن تذكر رتيل وان فارس اخوها وانه ناظر اخت صاحبه حس نفسه حقير وخاين اتصل على منقذته الوحيدة جوجو
جوري الكيان: يلا حيه يلا حيه كيفك؟
يزن: جوجو ابي شورك في موضوع
جوري الكيان: قل
يزن: انا حبيت من اول نظرة يصير؟
جوري الكيان سكتت تستوعب بعدين ابتسمت: يصير لكن لازم تثبت لنفسك اذا حب ولا اعجاب بس مد
يزن تنهد بضيق: المشكلة انها اخت فارس احس نفسي خنته لاني ناظرت اخته بالغلط لكن وربي مو من قصدي جوجو تعرفيني انا خنت صاحبي صح؟ انتي اختي وتعرفين مصلحتي وش تنصحيني يا صديقتي؟

كانت رتيل راجعه تاخذ جوالها وهي راجعه سمعت كلام يزن وانصدمت