وردة تحت ظل القمر ٫٫

الظل الثالث والثلاثون

الظل الثالث والثلاثون:
لا أبــيـح الـقراءة بدون لايــك 🤍✨
.
"ديمتري"

ديمتري وهو يكلم ام روزا: يب يمه طالع الحين من المستشفى
ساشا: يا حبيبي كيف تطلع وانت متكسر كل طرف لك اترك المعاند وانسدح ونام
ديمتري بتذمر: يمه وش تببني اجلس هنا في القرف وبعدين وش متكسر كلها يدي اليمين منكسره ورجلي اليسار واي صح صبعين من يدي اليسار ورضوض ما فيه خلاف مثل الحصان لازم اطلع لان في طالبة مستأجرة الشقه حقت بيتي لازم اروح قبل تجي بما انه لسه نهار
ساشا شهقت بخوف: ديميريوه كل ذا ولا شي والله لو هنا مهرة ما خلتك بحالك وتنتقم للأيام الفاتت
ديمتري ضحك: عطيني اياها خليني اتنمر عليها البقره
ثواني وجا له صوت مهرة الي تتصنع الملل: خير خالي العزيز؟
ديمتري ضحك باستغراب: اما عسى تسميني خالي وين ديمي؟
مهرة: هاكود انك بتتنمر علي
ديمتري باشتياق: اشتقت اشد شعرك الفلافل العكارش الفلافل الملتوي
مهرة بعصبيه: ايه ايه كمل عادي ايوه شعري مو ناعم نفسكم تنمر عادي اصلا الله يبلاك في وحده شعرها اخشن من شعري على الاقل شعري اشقر هي لا جعلك بالسمرا لانك ابيض خلي الناس تتنمر عليكم ابيض وسمرا مالت عليك باي
وسكرت في وجه وخلته يموت ضحك عليها يحب يجننها لكن كل كلامه مزح لكنها دلوعه ام دميعه: اهم شي قالت باي احسن من امس
نادى الممرضة تساعده وتطلب له تاكسي طفش من المستشفى وريحته بعد تقريبا ساعة الا ربع وقف التاكسي عند بيته دفع له فلوسه ونزل وهو يلاقي صعوبة رجله اليسار انكسرت ويده اليمين واصابع يده اليسار وراسه ملفوف بسبب الإصابه غير الرضوض لكنه عنيد، يحاول يتوازن وما يطيح تقدم من باب بيته وحاول يطلع مفاتيح الباب لكن ما قدر تنهد بغضب من حاله لو تر العكاز طاح وهو بالموت اقنع الدكتورة تطلعه على مسؤوليته
سمع شهقة ومن بعدها سمع صوت بنت تكلمت بسرعه وبالعربي: يا عزتي لك يا مريم دوم تلافين المجانين بوجهك لكن مومياء مره وحده!
ديمتري لف عليها وتكلم بغباء بالروسي: ماذا تقولين من انتي؟
مريم صرخت: الله ياخذك يا حمار حسبتك مومياء طلعت واحد اشقر بشري بعد -تكلكت بالأنقليزي- لا أجيد الروسي جيداً يا سيد هل تفهمني؟
ديمتري وهو يحاول يكبت ابتسامته وهو ناوي يلعب عليها E: اه نعم افهم ماذا تريدين من هنا؟
مريم وهي ترفع جوالها وتقرأ الأسم وتتأكد E: حسنا انا طالبة هنا اتيت لدراسة وفمت بتأجر شقة ما هنا في هذا الحي من قبل وصاحب الشقة هو ديمتري على ما اظن حدثته بالأمس وحددنا موعد اللقاء للأتفاق
ديمتري ابتسم: انه انا اتيتي للعنوان الصحيح لكن كما ترين لا أستطيع ان اخرك المفتاح هل لكِ بالمساعدة؟

"مي"

.
لايك +كومنت تشجيع لي 🤍 ✨

الظل الثالث والثلاثون الجزء الثاني: 
لا أبــيـح الـقراءة بدون لايــك 🤍✨
.
//فلاش باك//
مي بتوتر: ودوده شكلي حلو؟
ود وهي تقرص خدودها بخفه وهي حدها فرحانه لها: وه وه وه شف الزين الي يعرف زينه ويتغلى!
مي ابتسمت لها وحضنتها: تدرين انكم شي حلو بحياتي! وانتي جيتي وحسيت معنى الحب بين الخوات لو اموت الحين راضيه دام حققت حلم بنيته مع نفسي وان يكون لي اخوان وعزوه والحمدلله
مي شافتها بتقاطعها سكتتها وهي تبعد عنها وتبتسم: اي يا ود علاقتي مع فجر من احنا صغار مو علاقة خوات صحيح في بيت واحد لكن اغراب، تمنيت الأخ وقت ما يكون ابوي موجود مسافر تمنيته يحل مكانه، انا لما زعلت من ابوي مو عشان اني ما ابيه يتزوج لا عشان حرمنا من بعض وحرمني من اني احس في الشعور من زمان يا ود ولو اقولك أني ما عندي شي يذكرني في امي ولا عندي صوره لها معرفها؟ لا خالات عندي ما عندي الا ثلاث خوال واحد توفى مع أمي وكان اقرب اخو لها على حكي ابوي اما الاثنين الباقي علاقتنا سطحية وهم من الشمال من تبوك مدري اذا جو لعرس بنت اختهم ولا لا!
ود بتآثر بقصة اختها سألت بعفويه: كيف توفت أمك؟
مي انمحت ابتسامتها وبألم: طاحت من جبل وخالي كان بيمسكها لكن طاح معها يا صعب ذي اللحظة يا ود بدخل وانزف وامي ما تنتظرني على الكوشه واختي حالها حال المعازيم حتى ما دخلت علي
كانت ام ماجد متواجده من بدايه الكلام لكن محد حس فيها قربت من مي وجلست عندها ومسكت يدها: مي!
مي ابتسمت لها: هلا يا خالة
ام ماجد وعينها بعين مي: لو طلبتك وقلت لك عادي اكون بديل أمك ادري الام مالها مثيل لكن ابي اكون لك الام عادي؟
مي تجمعت الدموع بعينها: كيف؟
ام ماجد مسحت على يدها الي بين يدينها وتكلمت بحنان وابتسامه: لا تعتبريني زوجة ابو او خالة ناديني مثل ما يناديني ماجد وود واخوانك، خليني اشاركك فرحتك كأني امك مو زوجة ابوك ها يا مي!
مي نزلت منها دمعه ورجفت يدينها ولسانها نشل
ود وهي تبكي: يلا يا مي قوليها قولي يمه يلا ياختي!
ام ماجد ابتسمت لها: لا تضغطين عليها لما تحست بمعناها بتنطقها يلا قومي معي نشوف المعازيم
دخلت نور بدفاشه ورجه: عايله ذياب محسن الغانم وش بلاكم وش تخططون له بدون نور بنت محمد محسن الغانم؟
ام ماجد ضربتها بخفه: اعقلي عشان تنخطبين وتريحين فضة منك -ام نور-
ود مدت لها لسان: امور عائلية ما نقولها للغرب
نور بصدمه: ايا الحماره انا صرت غرب يا شرق تعالي يا بزر
نحاشت ود وهي تضحك ووراها امها
نور تقدمت من مي وهي تزغرط لكنها ما تعرف:  ققققلللوووشششي اخيرا ما بغيتوا تتزوجون
مي بهدوء: نوري حبيبي ممكن تجيبين لي مويه بارده
نور:  ابشري يا عروس
.
لايك +كومنت تشجيع لي 🤍 ✨

الظل الثالث والثلاثون الجزء الثالث والاخير:
لا أبــيـح الـقراءة بدون لايــك 🤍✨
.
وطلعت مي اخذت جوالها وارسلت لابوها وطلعت مي اخذت جوالها وارسلت لابوها " يبه تراني مو زعلانه ولا شايله بخاطري انك اخفيت زواجك وانا كنت اتمنى بس لو انك قلت من قبل عشان احس بطعم الاخوان والسند لكن ما يهم اهم شي انك عندي واخواني موجودين ما ابي اطلع من بيتك وانت مفكرني زعلانه منك "
رفعت راسها على فتحه الباب الخارجي حق مدخل العروس او الرجال ودخلت منه وحده متنقبه عقدت مي حواجبها: عفوا منهي انتي
الغريبة قربت منها: الي بتخرب زواجك
ما ان اتمت جملتها حتى حست بقماش على فمها وانفها وطاحت بحضن الي وراها مغشي عليها
الغريبة: يلا خليفة مشينا نستضيف عروستنا
//الحين//
شهقه قويه طلعت من اعماق قلبها طلعت من ثغرها نتيجة الماي البارد الي انسكب عليها عشان تستفيق من غشيانها غمضت عيونها بقوة وهي تحس بالبرودة الشتا على الابواب وهي في فستان عرسها عاري الاكتاف والظهر شي طبيعي ...
حست بثقل على معصم يدينها حاولت تحرر نفسها لكن ما قدرت لانها مكبله بسلاسل حديد في يدينها ورجل وحده فتحت عيونها بقوة وما ان فتحتها حتى عيونها تناظر المكان بتفحص واضح انه مستودع مهجور وبعيد عن المدينة والبيوت ومن الجدار الي قدامها والمكان الاسود استنتجت ان المكان انحرق او تفجرت بوابته، حاولت تسحب يدينها وهي تبكي حاولت تحرر نفسها وتصرخ لكن صدى صوتها الي ينسمع فقط...
مي وقفت من على الارض وهي تحاول تسحب السلاسل لكنها تعورت صرخت وصرخت وبكت لكن ما من مجيب رفعت راسها وناظرت لسما الي برقت ورعدت بوقت واحد مي بهمس: تكفى يا بتال لا تخيب ظني هالمره دورني القاني ما ابي رجال غريب يكشف على اكتافي وظهري وشعري ما ابي احد مو من محارمي يشوفني

"بتال"

وقف سيارته عند البحر (Half-moon_ شاطى نصف القمر ) ما كان فيه ناس الا بعيد عنه بكثير وقله رجال واهله، نزل ووقف قدام البحر وهو يشوف الشمس الي بدت تطلع طلع بكت الدخان وحط بفمه وحده وشغلها وصار يدخن وهو يناظر البحر بسرحان، جا بباله مي الي كانت تنزعج من ريحه الدخان وتمنعه لكنه يطنشها... وصار يدخن من وحده لثانيه بشراهة بدون رحمه لنفسه يكره نفسه ويكره انه كتوم يكره الكتمان لكن مو بيده هو ما عمره كره مي ولا اي شخص هو يعز مي وبالحيل لكن ما يحب يوضح شعوره لأحد عمره ما كون صداقات قويه حدهم علاقة سطحيه من صغرة وهو وحداني ما يكون بطبيعته الا مع شخص واحد بس وهي اخته نوره ومحد كاسر ظهره الا نوره وحاله نوره هو كان ناوي يتزوج مي ويروح يسكن عند اخته يبي يعيش معها يعوضها عن الفقد وعن كل شي
.
انتهى رايكم وتوقعاتكم للجاي؟🌿
لايك +كومنت تشجيع لي 🤍 ✨