وردة تحت ظل القمر ٫٫

الظل الثامن والعشرون

الظل الثامن والعشرون:
لا أبــيـح الـقراءة بدون لايــك 🤍✨
.
بتال: هذي نورة في العيد الي فات عشان تصدقين يعني
مي بصدمه: تمزح!
بتال: لا ليه؟
مي: جميلة ما شاء الله واضح شباب عشرينيه كيف تقول انه فيها إعاقة عقليه مو واضح عليها
بتال: ايوه نورة الي فيها ما يغير شكلها كل الي صار زاد عليها من صدمه طلاق امي وابوها ثم ذبح ابوها قدامها وهي كانت مريضة وكل ذا زاد عليها وسبب لها امراض نفسية كان ممكن تدخلها المصحة
مي: كم سنة بينكم؟
بتال: هي عمرها الحين 36 وانا 27 احسبي يعني 9 سنوات تقريبا وهي تغار منك تحسبك انك بتسرقيني عشان كذا ما تحبك
مي نزلت راسها: بتال!
بتال بأستغراب: ايوه!
مي رفعت راسها وثبت عينها بعينه: طلقني
بتال بصدمه: ليه؟
مي ببساطه: ما ابي اعيش مع واحد يخبي عني اهم احداث حياته وزائد انه ما يحبني طالع ماشي يجرح فيني وزائد انه متحكم فيني وزائد انه ماخذني بطلب من امه شفقة ممكن يطلقني في اي وقت عشان كذا نبعد قبل لا يبدأ الجد احسن لي ولك
بتال وقف ويقلد طريقة كلامها: اقطعي واخسي يا مره مراح تحصلين الي تبين وزائد انه الزواج تقدم بعد ما يرجع فارس بيوم تجهزي مراح اغير قراري كذا السالفه عناد
وطلع تركها مصدومه

"فارس+روزا"

فارس وهو يناظر البحر قدامه: روزا تكلمي لي عن خالك وعلاقتك معه؟
روزا ابتسمت وسرحت وهي تناظر البحر وقالت: ديمتري اخوي مو خالي تربينا سوا توفت جدتي وجدي بحادث وكان عمره سنه ما يتذكرهم امي الي ربته وكبرته حتى انه يناديها يمه احترام لها انسان حنون يضحي عشان الي يحبهم وإيجابي رغم الظروف الي ضده وعقلاني متفتح بحدود وعنده عيب واحد وهو انه ما يسامح ولا يغفر شوف انا زعلت منه لما رجعنا لروسيا وما كلمته لمدة اسبوع وكان دايم يقول ما ابتعدت عن احسن بلده واطهرها الا عشانك ما عرفت وش يقصد وما رضى يقول لي لكن لما خلصت دراستي اصريت اني ارجع السعودية اعيش رفض وبقوة مو عشان يكره المكان او شي لا -تنهدت بألم- لا ابدا عشاني قالها لي اذا رجعتي بتعرفين سبب رجعونا لروسيا وفعلا كان يقصد مصعب دوم  عشان تصرفاته وضربه لأمي لكن طلع شي اكثر والي بسببه انحشت منه ومن حضن امي
فارس: الله يشافيه يارب
روزا بأمل: امين
فارس: ما ودك نتحرك شوي؟
روزا لفت عليه: موضوع رفضي لك مو تنقيص لرجولتك ولا لك ولا شي لا والله انك رجال كل بنت تتمناه لكن العيب في الماضي ما قدرت اتخطاه ولا انساه لان شي ما ينسي شي يألم ويجيني احلام احيانا اسفه مقدر
فارس ابتسم: صحيح ماني راعي شعر وحركات لكن يقول شريان الديحاني:
يهمني ماضيك واصد عنه
خايف على نفسي من اسرار ماضيك

ماضيك ما احبه وما ابيه لانه
يمكن يخليني بأيدي اخليك

.
لايك +كومنت تشجيع لي 🤍✨

الظل الثامن والعشرون الجزء الثاني:
لا أبــيـح الـقراءة بدون لايــك 🤍✨
.
يقول شريان الديحاني:
يهمني ماضيك واصد عنه
خايف على نفسي من اسرار ماضيك
ماضيك ما احبه وما ابيه لانه
يمكن يخليني بأيدي اخليك
روزا ضحكت: تدري انك خربطت بشعر وقدمت البيت الاخير
فارس بحرج: اهم شي شعر والله يا بنت الناس انا لجلست عند بدير ويزن ما غير كل واحد يرد على ثاني ببيت شعر ويقول الشاعر ويقول الشاعر وانا قاعد وساكت<<وضع اصغر عمامي مع جدي ما غير يقول الشاعر 😂<<
روزا: عادي كلن وميوله يلا مشينا
"عمر"