الانستا حقي: @dido_9d
الظل العشرون:
"التوأم ومي"
كانوا بالمول يدورون لهم فساتين لبكره والاغلب شاف له عدا رتيل الي مو عاجبها شي
رتيل بتوتر: لا مو حلو
رسل بضجر: ان لله وان اليه راجعون منك انتي كل شي ما يعجبك ترا بكره ملكتك اخلصي اختاري اي شي
رتيل والدموع تجمعت في عينها: ما ابي قلت ما اعجبني محدن غصبك تجين معي
وطلعت من المحل
اسيل بغضب: حلو حلو وانا كم مرة قلت لك رتيل متوتره ليه تزيدين عليها
سحبت رسيل وطلعوا
نور بعتب: حرام عليك رسو رتو متوتره وخايفه ما تنلام كل شي جاها بسرعه
رسل بتافف: طيب خلاص امشي نروح وراهم
رتيل: بتصل على السواق يجي نروح مول ثاني
رسيل بتدقيق: بنات مو كأنهم سالم وناصر
كلهم لفوا على مكان ما تشوف وكان جد ناصر وسالم في محل رجالي للجزمات
نور: خلاص اجل نروح معهم داهم يتسوقون
رسل: ما ابي اروح مع اخوك الغثيث الحين يرفع لي ضغطي
نور بأسف: احمدي ربك شوفيهم اثنينهم اخواني كل واحد اجن من الثاني بس الشكوى لله
(نور اختهم من الرضاعة)
اسيل ضحكت: تضحكون الحين يقال لكم زوجكم مو اخوانكم
رسل بسرعه وخوف: فال الله ولا فالك
رسيل بخبث: شرايكم نختبرهم؟
رتيل ورسل ورسيل قالوا مع بعض: الي بالي بالك؟
رسيل هزت راسها بـ ايوه
نور بغباء وحيره مو فاهمه شي: ايش عندكم؟
رسيل ناظرتها بشر: راح نخرفنهم انا ورتيل بنغير اشكالنا ونشوف هل اخوانا بهايم ولا رجال
نور ناظرتهم كيف يضحكون بالمحل ويختارون ضحكت: ونرد لهم مقلب المخيم تم
راحوا غيروا شنطهم بالشنط الجديدة ورسل واسيل ونور جلسوا يناظرونهم من الكراسي البعيدة
"سالم+ناصر"
ناصر ضحك: تكفى سلوم كأنها جزمة بزر يع وش هالالوان!
سالم وهو يضحك على الرجال الي يعلقون عليه: منجد حسيت نفسي في الروضة يوم البس جومات غيها لمبه ورسمة سبايدرمان
ناصر:هههههههه
رسيل بصوت متغير وغنج: عفوا ممكن اسألك عن شي
سالم: يا هلا بالزين لبيه وش بغيتي
رتيل ضحكت بغنج: الزين انت يا قلبي
ناصر رفع حاجب: قله ادب لو اختي سوتها شلختها
سالم ضحك: وش وراك انت ياخي ايوه اسألي؟
رسيل بقهر منه لكن كتمته وغيرت صوتها: تشبه اخو صاحبتي حبيت اسأل عن اسمها واتأكد
سالم بكذب: اختي اسمها مناير وعندي ثانية اسمها عواطف
ناصر: امش نمشي بس ذي تتلزق فيك
سالم: ايوه عرفتيهم؟
رتيل رفعت حاجب: بس خواتك توأم واسمهم رسل ورسيل ورتيل واسيل وانت سالم الي احيانا تجي تاخذها الظهر
سالم بخوف وشك رفع حاجب: ايوه وبعد؟
رتيل بخبث: وانت كذبت عشان ما نعرف خواتك ونخبرهم
ناصر: واحنا ما جينا لك انتي الي جيتي لنا ما غلطنا وروحي قولي لسابع جد بعد
رسيل: طيب كيف راح تكون ردة فعلهم لو شافوك وانت تضحك مع بنت؟
رتيل
.
.
لايك كومنت تشجيع لي 🤍✨
الظل العشرون الجزء الثاني:
رسيل اشرت للبنات بدون ما يحسون سالم وناصر، جاوا البنات وكأنهم عادي
سالم ضحك بصدمه: بس لنتي الي جيتي راح تسألين محد كلمك
رسيل غمزت لرتيل وبغنج مسكت يده: حبيبي لا تزعل ما راح اخبر خواتك بشي
اسيل بتمثيل طاح منها كوب القهوة: سلوم من ذي؟
سالم بعد يدها وبتوتر: رسسل هلا والله معرفها
رسل رفعت حاجب: واضح لدرجة انك ما عدت تفرق بيني وبين اسيل
رتيل مسكت ضحكتها: انتم مين لو سمحتوا هذول حبايبنا روح مناك
ناصر بحده: هب هب هب انتي وهي وش وراكم وش تبون منا تتبلون علينا من اليوم - بقرف- اصلا ما اتشرف اصير حبيب لوحده باعت نفسها وتكلم عيال
سالم: انقلعوا يلا مناك مسوين لنا بتلعبون علينا العبوا على غيرنا بس
رتيل ما تحملت وضحكت بصوتها الحقيقي: سليمان ههههههههههههه
رسيل ضربت كف بكف مع رسل ورسيل وهم يضحكون
وسالم وناصر مو مستوعبين شي من الصدمه
نور تعلقت في ايدينهم: يازين اخواني الحلوين بس
ناصر بحدة: وش هالمصخرة ها؟
رتيل ابتسمت ببرائة: شفناكم وحبينا نرد لكم مقلبكم بس ما سوينا شي
سالم بعصبية: بسرعه على السيارة كل شي عند فارس هو الي راح يعاقبكم
وفعلا سالم كان جاد اخذهم كلهم للمستشفى لعند فارس، قابلوا في وجههم يزن الي يراجع اوراق مريض
يزن قرب منه بقلق: سلوم نصور فيكم شي؟
سالم يسلم عليه: هلا بالنسيب سلامتك جايين لشغلة مع فارس وينه؟
يزن ناظر الي معه وهو يأشر: كلكم جايين لفارس جيش ترا مستشفى مو لعبه
سالم ناظر رتيل وهو يبتسم بشر: ابد بس رتيل تبي فارس بشغلة واحنا كنا بالسوق وجينا
ناصر ابتسم وهو يكمل: وعشان رتيل قل لنا مكانه؟
يزن ضحك وهو يشوفها تنزل عيونها بخجل وتروح ورا البنات: اوك بس عشان رتيل فارس تلاقونه في غرفته عنده مريض
الممرض: دكتور في حالة حرجه في الاسعافات
يزن باستعجال:اوك اخليكم عندي شغل
راح ورا الممرض يركض وعين رتيل عليه
سالم بسخريه: بكره ناظري فيه عدل
رتيل قرصته بخجل وغضب: انا الي بقول لفارس يا كلب
وراحت قبلهم عند فارس دخلوا عليه بهمجيه كلهم وكان عنده مريض وانصدموا من دخولهم
فارس بحده: نعم وش جابكم وش هالدخول؟
المريض وقف: مشكور يا دكتور
فارس وقف وصافحه: الممرضه راح تكمل معك الإجراءات اللازمة
راحته معه روزا وهم دخلوا كلهم ووقفوا قدامه
فارس باستغراب: علامكم؟
سالم بقهر: شف خواتك قليلات الأدب وش سووا فينا
راح ناصر وسالم يحكون له كل شي صار
فارس ضحك بقوة: هههههههههههه كفو عليكم خواتي
سالم بغيرة وقهر: بدل ما تهاوشهم تضحك
فارس بجديه: ما سووا الغلط وهم يختبرون اخوانهم انا يمكن في البداية اعصب عليهم لو صار معي كذا لكن بعدين بشوف انهم ما غلطوا
.
لايك كومنت تشجيع لي 🤍✨
أنت تقرأ
وردة تحت ظل القمر ٫٫
Teen Fictionفي تلك الليلة تحت ضوء القمر تهرب وردتي الجميلة عن ذلك الوحش البشري لتلقتي بفارس بخيله الابيض ليكون فارسك ... لكن هل يدوم ؟!! الفارس اعطي يده لها " هيا اركبي خيلي لتكونِ أميرته " وردتي بـ خوف " الوحش يلاحقني! " الفارس ابتسم لها لـ يريح قلبها " لا...
