وردة تحت ظل القمر ٫٫

الظل التاسع والعشرون

الظل التاسع والعشرون:
لا أبــيـح الـقراءة بدون لايــك 🤍✨
.
"بدر"

كان سرحان يفكر في الجوري اشتاق لها مره فتح جواله وارسل لها برقمه الجديد كان له فترة يكلمها على انه مجهول (ظل 22 الجزء الثاني رقم البارت 136) رسل لها; "قلبي من الأشواق قد فاضَ فمتى لقلبكِ أن يحنَ لقلبي ويروي عطش عقشه؟!"
" أتخيلكِ أمامي واتذكرُ تلك الليلة التي راقبت الهواء يداعب شعركِ الحريري وصوتكِ واللحن الحزين يداعب أذني وكأنك الأن تغنين فمتى يحن قلبك جوريتي؟"
تنهد بيأس وهو عارف انها ما تعرفه غمض عيونه لفترة وجات بباله ذكرى قديمة مؤلمة لقلبة وقتها انفضح حبه عند الكل
//فلاش باك//
يزن بفرح: شباب ابشركم جوجو انخطبت وبعد شهر ملكتها
بدر عقد حواجبه بعدم رضا وقال بغصة: كيف!
يزن باستغراب: كيف الي كيف عادي حالها حال اي بنت تنخطب لا فيه شي؟
فارس بشك: بدير ابك علام صوتك؟
بدر حاول يكون طبيعي وقال بغصة وهو شبه مبتسم: الله يوفقها مع من اختارته - وهنا نزلت منه دمعه-
فارس بصدمه: تحبها؟
بدر صد وهو ياخذ شماغه يمسح فيه دموعه: قالها البدر: محد يختار الي يحبه!
//الحين//
ابتسم بدر بألم على هذي الذكرى وهمس بينه وبين قلبه" عندي أمل انك لي للموت"

"فراس"

كان في سيارة مع يزن راجع للبيت
يزن: يبه عماني وعماتي وجدي وكلهم بالبيت ينتظرونك
فراس هز راسه وقال بهمس: حياهم الله
ربع ساعة ووصلوا البيت نزل فراس وكان باستقباله نهار انور وانس عيال عمه فهد نهار دخل وتركهم
انور قرب منه وحب راسه: طهور ان شاء الله يا عم
قرب انس وعمل المثل: خطاك السوء ياعمي ما تشوف شر يا رب
فراس: خطاكم اللاش والشر بعيدكم
انور بمزح: عمي كانه طلعت لك شيبة جديدة في شنبك؟
فراس ابتسم بخفوت: ليه حاسب عدد شيبي؟
دخل المجلس وفعلا كانوا إخوانه وعيالهم وزوج اخته بو شهد وابوه الجد صالح سلم عليهم وجلس عند اخوه عبد المجيد بو خالد
وليد: عمي فراس شوق اتصلت وقالت يبون يسلمون عليك
الجد صالح: خلهم يدخلون عمك تعبان مسموح لهم بس اليوم بس قل لهم يلبسون جلالتهم وكلهم يجون لحد يجلس داخل
وليد: ابشر يبه لك ما طلبت
فعلا دقايق وكل الحريم عندهم بطلب من الجد صالح الي ما يحب الاختلاط وهذا شي غريب والاكيد ان عنده شي
انور بهمس لنهار: اقص صبعك اذا ما كان عنده هرجه
نهار بهمس مماثل: شدخل صبعي يا حمار قل صبعك انت
انور ضحك: عشانك كلبي المفضل الوفي
نهار بحسرة: مدري وش مخليني اصير صديقك وولد عمك بالدم
الجد: وضحة وين اختك نورة؟
ام شهد (وضحة): ليه يبه احنا نعرف عنها شي شوفه عينك ما ندري وينها لا تسأل ولا شي وان دقيت ما ردت علي
الجد: وبناتها؟
.
لايك +كومنت تشجيع لي 🤍✨

الظل التاسع والعشرون الجزء الثاني:
لا أبــيـح الـقراءة بدون لايــك 🤍✨
.
فايز بأدب: ليه يا جدي انا وخولة ما نكفيك!
الجد بحب لذا الحفيد: لا والله انكم يا عيال طلال الخير والبركة وعن عيال امك كلهم
خولة: ما عليك زود يبه
الجد بجديه: انا جامعكم عشان بقولكم بهرجه قديمة لها أقل من 30 سنة البعض يعرفها والبعض لا قبل 28 سنة تقريبا عمكم فراس عشق له وحده من بلد الكفار وخلاها تسلم وتزوجها وانا ما عندي علم بذا الشي عدا حرمته ام اسامه الي خبرها ورضت بالحال لكن بعد سنتين جاني العلم من صديقه عزام وقالي ياعم ولدك هايم له وحده كافره وسفرته وروحته وجيته كلها عشان الحور حبيبته جبته لهنا بتهديد انه يطلقها ويرجع ولا بطلقه من مناهل واتبرأ منه واخذ عياله ولا يشوفهم وبذات حبيبه قلبه - أشر على جوري الكيان- الي من ولدت وهو طاير فيها رجع الولد زعلان بعد ما نفذ طلبي وبعد سنين مرت وامس جلنا علم من عزام نفسه وقال واعترف..... ~~وجلس يخبرهم بكل السالفه~~
فراس ما تحمل وقف واستأذن وطلع يرتاح  
دخل مكتبه وقفل عليه الباب وجلس على الكرسي وهو يسند راسه على المكتب ما يدري من يلوم نفسه او ابوه او عزام 
تنهد تنهيدة طالعه من اعماق قلبه ورفع راسه وطاحت عينه على الصندوق الي له اعوام مو قادر يفتحه اليوم عزم يفتحه والي فيها فيها
مسكه وسم بالله وفتحه بهدوء وهو مغمض عيونه فتح عيونه وطاحوا على راسله اخذها بتردد كبير وفتحها وكان محتواها بالانقليزي لكن بترجمه
" حبيبي فراس اتعلم كم اشتثت إليك لقد مرت خمس سنين ولم أجد أثرًا لك بحثت عنك في جميع انحاء جدة كما اخبرتني انك تسكن بها لكن لم أجدك، لقد تزوجت من بعدك قصرًا عني من رجل سعودي يدعى ب" مصعب" هذا لا يهم انا وددت أن أخبرك في ليله رحيلك عن حملي منك لكنك رحلت وانتظرتك عام كامل لكنك لم تعد اخلفت وعدك لاول مره تركت لك في هذا الصندوق صورًا لها ولصغيرك كما تدعوه اخي وابني "ديمتري" لقد كبر اصبح قاسٍ كما علمته، وأيضاً تركت لك فستان صغيرتنا وهي طفلة...لاعلم متى تجدها وأين سأكون وقتها لكنها دومًا تسأل عنك كبرت صارت لا تصدق كذبتي بأنك مسافر وستعود أرجع بسرعة لها قبل ان تكرهك ارجع فراس ليس لي ليس لحوريتك بل إلى "روزا" هي تحتاجك حقا.
اتمنى ان تعثر على صغيرتنا قبل فوات الاوان انها ليست بخير من بعدك.