الظل الثالث والعشرون:
يوم جديد مشرق البعض كان متحمس لذا اليوم، والبعض كان متوتر، والبعض منهم بارد لا مشاعر، والبعض منهم غاضب يبي ينتقم مثل هند منقهرة ان اليوم راح تحظر زواج زوجها وملكته بنفس الوقت وراح يكون معه يزن بنفس الوقت الي كان من بدايه اليوم يجهز ويسوي فرحان مو من قده (الملكة في قصر فراس الكاسر بو اسامه)
"ماجد"
دخل على مي وهو منصدم من الي سمعه من ابوه
ماجد: ميمي صحيح الكلام ذا قدمتي العرس مع بتال؟
مي ببرود وهي جالسه تصلح شعرها: يب اتفقنا امس انا وهو
ماجد: مي ايش صار بينك وبين بتال؟
مي بسخرية: ابد سمني بكم كلمة ثم قال ان زواجنا بعد شهر وانا مهمني لان بكل الأحوال راح نرتبط
دخلت ود وهي تحاول تسكر اسوارتها: مجود سكرها لي
ماجد ابتسم لها وسكرها وباس يدها: ايش ذا الجمال!
ود ابتسمت بخجل: جد حلوه؟
مي: الا انك غطيتي علي يا بنت وش هالحلاوه؟
ود غطت وجهها بخجل: شكرا
مي وماجد ضحكوا عليها
دخلت ام ماجد: شوفوا انتم راح تتأخرون وابوكم راح انا باخذ عبدالله وتركي ومحسن وبروح
مي: بس خالتي انتظرينا ندخل معك مو حلوه ندخل بدونك
ام ماجد: ودي بس انا وعدت ام فارس اني اروح مبكر معها نساعد ام اسامه ومعكم فجر تحل مكاني
مي ضحكت بسخريه: اوك مع السلامه اجل
ماجد وهو يطبل ويطق على الباب: بناتك يا ذياب طبن بناتك يا ذياب طبن
ود ضحكت: اسكت بس صوتك يشكو ويطلب الرحمه
مي ضحكت معها: شغلي لنا من السماعه احسن
ماجد كشر: مالت عليكم من خوات المفروض ترقصون على صوتي
ود وهي تشغل اغنية ومسكت يده ترقصه معها: ارقص جعل ما يرقص غيرك
ماجد ضحك وراح مسك شماغه بيده وبدا يرقص معها ومي تضحك وتصورهم بعدها ثبتت الجوال وراحت معهم يرقصون ويضحكون ويستهبلون سوا.. غافلين عن العيون الي تناظرهم من الباب بقهر
ماجد بتعب قفل السماعه: خلاص البسوا عشان ما نتأخر ونروح وطي من ذياب الغانم وزوجته ليلى
"بتال"
واقف عند المرايا يناظر نفسه ويكلم
بتال: اوك يا قلبي ابشري.... ان شاء الله انا قدمت زواجي عشانك... اي اكيد بعد ما نتزوج بجيك معها... لا وليه تغارين طنشيها... اوك يا حبيبتي انتي مع السلامة
تنهد بيأس سمع ضرب على الباب وبعدها دخل له حمد ووراه خالد بيده العود
حمد: تخيلوا بعد شهر بندخل عليه وهو معرس وفي يده البشت
خالد: ونبخره بالعود حق المعرس
بتال ابتسم لهم وهو ياخذ شماغه الاحمر من على السرير ويصلحه: بس يوم العرس بتدلع عليكم
خالد وهو يبخر حمد: تدلع وقتها بنتحملك عشانك معرس
حمد: احس من زمان محد عرس
خالد: اخر شي فارس نسيت
حمد: ما يعتبر عرس كل شي سريع سريع
بتال: الا جد وين الكبك حقي؟
خالد
.
لايك كومنت تشجيع لي 🤍✨
الظل الثالث والعشرون الجزء الثاني:
خالد: شفتهم عند ابوي
بتال تنهد: تمام مو مشكلة
أنت تقرأ
وردة تحت ظل القمر ٫٫
أدب المراهقينفي تلك الليلة تحت ضوء القمر تهرب وردتي الجميلة عن ذلك الوحش البشري لتلقتي بفارس بخيله الابيض ليكون فارسك ... لكن هل يدوم ؟!! الفارس اعطي يده لها " هيا اركبي خيلي لتكونِ أميرته " وردتي بـ خوف " الوحش يلاحقني! " الفارس ابتسم لها لـ يريح قلبها " لا...
