وردة تحت ظل القمر ٫٫

الظل الثامن عشر

الظل الثامن عشر:

"هند"

كانت من اسبوعين في بيت اهلها زعلانه لان دنيال خطب تنفيذ لطلب جده او نقدر نقول (خطب مجبر) غصبن عنه
هند بدلع يقهر: مراح تنزل بيبي؟
دنيال ابتسم: الا راح انزل بس بمر على الدوانية عند يزن وربعه وجايك
هند: اوكي حياتي بصعد قبلك
نزلت ودخلت الصالة فاضيه ما فيها احد استغربت: مو المفروض يستقبلوني بالتراتحيب والسفر الطويله لو انها خولة كان
صارت تصعد الدرج بغرور ذابحها مرت من الصالة العلويه الي فيها جوري الكيان
جوري الكيان باستغراب: هند رجعتي؟
هند بغرور: وش قصدك يا السحلية ما تبين اجي ترا بيتي بيت زوجي انتي الي تزوجي وانقلعي عنا زيادة عدد في البيت لا انتي الي تتزوجين وتفكينا لا انتي الي تجيبن لك خدامه تفكينا من اذاك كل يوم واحد من اخوانك يشيل فيك مو مخليتهم يعيشون حياتهم من زوجاتهم ولا عيالهم ولا يعشون عزوبيتهم
جوري الكيان بثقة: انتي غيرانه مني عشان احبابي اكثر منك وعشان اهلي يحبوني مو يتصلون على زوجي تعال خذ حرمتك ولا طلقها
هند بقهر: ما اغار من مشلوله
نهار من الدرج بحده: يشلك بليس والله احلى اسبوعين مرت علي من 6 سنوات وقبل لا تطلعين كلمتك ثمنيها يا حرم دنيال
هند كشت عليهم ودخلت جناحها نهار كان راح يلحقها بس مسكته جوري الكيان
جوري الكيان: نهار اتركها
نهار ناظرها: وانتي لمتى تسكتين عنها مثلا وانتي عارفه بالي تسويه لك
جوري الكيان: مو ساكته عشانها عشان اخوي ايوه جبت القهوة؟
نهار يقرب منها ويشيلها: امسكيني ولا راح تطحين
جوري الكيان بخوف: ولد نزلني راح نطيح
نهار: شوفي اذا صرختي يا ويلك الحين راح ادور فيك
جوري الكيان بخوف تعلق في رقبته: لا عاد نهار اترك حركاتك تعرف اني اخاف
نهار ضحك ونزلها: بزر
جوري الكيان كشرت في وجهها: وين قهوتي؟
نهار بغباء: شربت نصها في الطريق حسيتني اشتهيت
جوري ضربت رجله: وجع ليه ما شريت لك؟
نهار وهو يركض لجناحه: مدري ماكنت مشتهي
جوري الكيان ابتسمت على غباء نهار وعشقه للقهوة من صغره نزلت تحت واخذت كوب قهوتها شافت بسه (قطوه) يزن كريستي نادتها لكن القطوه طلعت لبرا الحوش، وجوري الكيان وراها تنادي والقطو رايح لورا البيت
جوري الكيان وقفت: كريست تعالي يا مامي هنا لا توسخين حالك يلا تو ماما روشتك
القطة بدت تطلع اصوات

من جهة ثانية طالع بدر يكلم جوال خلص وسمع صوت القطوه عقد حواجبه: كريست
راح عند الصوت وهو مستغرب انها تطلع اصوات كذا وقف مكانه وهو يشوفها بكرسيها معطته ظهرها
جوري الكيان: امم تبين نلعب بالحوش طيب تعالي اغني لك
القطوه قربت منها وجلست فوق رجولها وجوري الكيان تمسح عليها: تبين نغني وش؟
.
.
لايك كومنت تشجيع لي 🤍✨

الظل الثامن عشر الجزء الثاني:

تنحنحت وقالت: يلا نغني اغنية الشتا
اللَّيَالِي بَرْد واشواقي هُبُوب
والشتا يَذْبَح واشوفك بِأَوَّلِه
ياغناة الرُّوح ماغيرك يَنُوب
وَالتَّعَب رَاحَةٌ مَعَك واستسهله
وَأَنْتَ فِي صَدْرِي مُقَدَّر وَمَحْسُوبٌ
وبعيوني لَك مَقَام وَمَنْزِلَة
جِئْت لَك وَلَهَان وعيونك دُرُوب
ماحسبت حِسَاب دربك مَا أَطَوَّلَه