نهار بجديه متعوب عليها: احلف عاد جوجو ما تحتاج اخوان عندها 4 كل واحد بعرض الباب الا اخرهم تقل مقلقل فلافل
ام اسامه ما تحملت: ههههههههههههه
جوري الكيان مبتسمه للان: نهار
نهار ضحك وهو يشوف وجه الدكتور الي تحت الصدمه
د.علي بصدمه - من نهار متعود على يزن الجدي واسامه المثقف ودنيال البارد ويختصر الموضوع لكن اول مره يقابل نهار دايم مشغول بدراسته لكن الله يعينه-: ايش؟
ام اسامه: نهار يمزح معك ههههههههه
د.علي بتسليك: هههه الله يحفظه
نهار وقف وهو يدف كرسي جوري الكيان: يلا يمه مشينا باي باي علاوي
ركبوا السيارة وام اسامه انفجرت ضحك هي ونهار
جوري الكيان بفشله: فشلتني نهار اخر مره اجي معك سامع
ام اسامه تمسح دموع الضحك: ما ألومك يا بنتي دا يفشل الي ما يتفشل هههههههههههه اخ يا بطني
نهار ابتسم بهبال: انا اسف كيونه
جوري الكيان ابتسمت له: يلا على البيت
نهار لف على امه: ها يا مناهل قلبي ايش تبي تسمعي حجازي؟
ام اسامه: لا تكتر حكي وركز في طريقك
" فارس "
فارس كان جالس برا عند الخيمة يطقطق على جواله طلع له يزن الي توه يقوم من الغدا
يزن وقف عنده: أي صح ترا موضوعك تم يا بو سلطان ومثل ما تبي بسريه تامه
فارس وقف: والله انك كفو ومحزم
يزن وهو يشوفه رايح عند جهة النسوان: على وين؟
فارس: بجلس لي شوي عند جدتي اومي تجي؟
يزن: أي بسلم عليهم
فارس اتصل على رتيل: رتيل بدخل عند امي وجدتي فيه احد؟ ..... ايه معي صاحبي بندخل ... - لف على يزن - يلا
دخلوا عند الحريم والجدة ترحب وتهلي فيهم
الجدة: هلا بشيوخ الرجال كلهم يالله انك توفقهم وتحييهم
يزن وهو يحب راسها: وش اخبارك يا جدة؟
الجدة: والله اني بخير بشوفتكم يا نظر عيني انت الي شلونك وشلون امك واختك؟
يزن: كلنا بخير ولله الحمد وامي تسلم عليكم وصتني اوصلك لك يا خالة اعتذارها وتقولك تردها ان شاء الله وبتمايم اول حفيد ان شاء الله
ام فارس: معذورة والله يسمع منك ويجي سالم غانم كيف الطبخة يا ولد الكاسر
يزن: واللهي خوش مندي يا خالة تسلم لي ايدكم
ام هادي: مداخيل العافيه
فارس: ابي قهوة وين قهوتكم؟
ام ناصر وهي تعدل برقعها: زوجتك راحت تقليها على الغاز ونامت
رسيل دخلت وهي تضحك ومعها روز: والله انك فله يا مرة اخوي
روزا وهي لسه ما انتبهت لوجود يزن وفارس: ايش يعرفني انا ترا اول مره في حياتي كلها اجي البر
الجدة: وش هرجتكن انتن؟
رسيل راحت عند جدتها: تخيلي يا جدتي ان زوجه حفيدك اول مره في حياتها كلها تسوي قهوة وتجي البر
الجدة: ليه يا بنتي؟
روزاوهي تجلس بحرج: ما كنت اجي السعودية الا في الاجازات وكنت اقضيها مع امي واختي نطلع لكن ما قد جيت البر
فارس: وين البنات؟
رسيل: رسل ونور يتمشون اسيل ومي نايمات مرام طالعه مع هادي
فارس: فجر ورتو
رسيل: فجر تساعد رتيل بالمطبخ
ام فارس: روزا قومي قهوي زوجك وضيفه
روزا تفاجأت من طلبها: انا!!
ام فارس: ايه يلا يا بنتي
دخلت رسل وهي تغني: كأنها الهتان في عرض النص....
نور ضربتها على راسها ما خلتها تكمل: اسكتي فشلتينا عند الرجال
رسل: عادي يعني ترا ذا يزن لا راح ولا جا
يزن فتح عيونه بصدمه منها
فارس بحده: رسل!
رسل وهي تجلس عن رسيل ومكمله تغني: عن جمالك لو دروا اهل الجنوب
فارس صرخ: رسيلوه
رسل بخوف: سكت خلاص
يزن استوعب الوضع وضحك كتم ضحكته لما فارس ناظر فيه
دخل ناصر وسالم وهم يضحكون
فارس: وش يضحك
ناصر: يمه وش فيك معصب يا الاخ
الجدة: خلاص اسكتوا وين بتال يا خالد؟
بتال وهو داخل: هذا هو بتال يا عيونه ... سلام عليكم
الكل بأصوات متفاوته: وعليكم السلام
ام هادي: على طاري بتال رسيل حبيبتي قومي صحي مي تتغدا قولي لـ رتيل ولا الخدامه تجهز غداها
رسيل: ابشري
بتال: وين قهوتكم يا اصحاب العزومه ولا ما تعرفون العادات
ام فارس: لا نعرف يلا روز
روزا قامت اخذت الفناجين في يدها اليسار واليمين الدله ، وكانت عند فارس وهو يناظر عيونها من خلال النقاب
روزا تمد له الفنجان: خذ
فارس خذ الفنجان وقرب من اذنها وهمس: تمدين الفنجان باليمين وتصبين باليسار ويقولون سم
روزا ابتعدت ومسكتهم بالشكل الصحيح ناظرته: كذا صح!
وراحت وطنشته قهوتهم ورجعت جلست مكانها
يزن ناظر زياد: زياد جبت فروتي الي قلت لك عليها
زياد بخوف هز راسه بـ لا
يزن تنهد وهو كان متوقع الجواب طلع جواله واتصل على اسامه
اسامه: ادري تأخرنا لكن احسب لي ساعة واحنا واصلين
يزن تضايق: يلا نتظركم
فارس: اتصل في بدر اكيد ما بعد يطلع
يزن اتصل في بدر: الو بدير
بدر: ارحب
يزن: البقا اسمع وينك؟
بدر وهو يشغل السيارة: تو راكب السيارة امرني وش بغيت؟
يزن: تسلم بس ابيك تمر بيتنا وتجيب فروتي بكلم لك احد
بدر: طيب
قفل منه وكلم امه وتطمن على جوري الكيان وسكر
الكل يسولف مع الي جنبه ومندمج
الجدة تصرخ: رتـــيـــل
يزن لف على الجدة ودق قلبه من اسمها بس
أنت تقرأ
وردة تحت ظل القمر ٫٫
Teen Fictionفي تلك الليلة تحت ضوء القمر تهرب وردتي الجميلة عن ذلك الوحش البشري لتلقتي بفارس بخيله الابيض ليكون فارسك ... لكن هل يدوم ؟!! الفارس اعطي يده لها " هيا اركبي خيلي لتكونِ أميرته " وردتي بـ خوف " الوحش يلاحقني! " الفارس ابتسم لها لـ يريح قلبها " لا...
