المشرملة والمافيوزي(أسير عينيها) مكتملة

PARt30

درصاف:أنور وحنا علاش معدناش فريقنا..مناداوش علينا...
البنت: ماشي غير نتوما حتى حنا
درصاف (لمحات داك الرجل غادي وهي تنادي عليه) : الشاف أستسمح ولكن علاش معدناش فريقنا
استادر الرجل حول مصدر الصوت لمح دورصاف لكتشوف فيه بتساؤل وفي نفس الوقت عاقدة حاجبها
الرجل: بصح؟ (شاف في الرجل لبقربو) : فين فريق هادو
الرجل2: هادو حضروا من مدرسة العسكرية لمتواجدة بإفران... المدرب ديالهم توفى... خلال المعركة مع عصابة **
الرجل: اه قول هادو تلامذة داك الشخص لمات.. الشخص لكان واحد من اعضاء فرقة لمترأسها رعد الفارسي
الرجل2: للأسف اه
دورصاف : واش معدناش مدرب... دابا.. هي مغنلحقوش للمقر المنظمة
الرجل (شاف في الخيبة لظهرات على دورصاف تقدم عندها ببطء مع ابتسامة) : شنو سميتك
درصاف(اعتادلت في وقفتها وبحزم نطقات) : درصاف اشاف
الرجل(عجباتو بقوتها وخا صغيرة الا انها كتطبق التعليمات) : مهم المدرب ديالكم غيجي غدا ليوم خليوه راحة بالنسبة... ليكم ...نتوما شحال من واحد مداخلش الفريق
درصاف(التافتت كتحسب حيث حتى حد مقدر يتجاوب معاه من غيرها هي) : 11 واحد اشاف
الرجل : شخص زايد ولكن ماشي... مشكل.. واحد فيكم غيولي يتدرب مع مدربكم.... مهم قيد ليهم سميات
درصاف: شاف....(استادر نحوها)واش نقدرا نشاهدوا تدريبات ديال المتدربين الكبار لغيمشيو لمقر....
الرجل: من عينيك كتباني متحمسة باش تمشي لمقر OFC ولا لا
درصاف: بطبيعة الحال وهادة حلمي من صغر احم ااحم سمحوليا غوت
الرجل: كيف قلت ليوم راحة بالنسبة ليكم..
(توجه بالانصراف ونطق بهمس) حيث من بعد مغادوقوش راحة مع مدربكم الجديد....مسيو رعد الفارسي

درصاف: احح أنا مأكدة غندوز أحسن أيامي في المعسكر اه يلاه نمشيو نعرفو بيوتنا
أنور: نتي ماشي حنا بففف.
درصاف: تفاءلوا خير ... مهم خاصنا نتعرفوا على بقية الفريق
......: سميتي دعاء.....سميتي أية..... سميتي..معاد...
بدا كل واحد كيعرف على نفسو وتوجه فريقهم لغرفة اخرى باش كيتعرفوا على قانون النوم والاستيقاظ. والفطور وغيرهم وكيفاش قسموا وقتهم بين التدريبات ودراستهم.....

هبطات نجلاء كتمختر في مشيتها... هي وعماد نعسوا متأخرين.. لعامل أنهم سهروا برا القصر.. خلات عماد ناعس وهبطات تفطر مع حماتها لمكتحملهاش...
نجلاء صباح الخير...
مجاوبها حتى شي حد وحتى هي مكانتش كتنتاظر معاهم الجواب
كلثوم: ولدي عماد... مزال ناعس...
نجلاء: اامم
ماجدولين: غنمشي نفيقو حشومة يفوت وجبة الفطور... راه مهمة
كلثوم: سيري ابنتي الله يرضي عليـــك...كديها في صحتو ماشي بجال شي ناس... طامعين في فلوسو
نجلاء(حطات العاشقة وحطات مرفقها عموديا فوق طابلة وشابكت اصابعها) : ناعس لسمعتي... هي عريان... كيف ولداتو مو
ربيعة: وعلاش ؟؟
نجلاء : كيفاش علاش عريان او راجلي شنو كتخيلي.. غير يبوسني نحزق ليه الولد... اه على غباء... اه وسمعي عماد ديالي... بغيتي ولا كرهتي... اصلا مكيشوف حتى وحدة من غيري ضوري حتى ضوري ومغيشوف فيك غير بحال ختك هادشي لمقتلتكش انا ولا غيثة... عقلتي عليها... لجات داك نهار مع جواد... سمعتي مزيان شنو قالت ليك
ماجدولين( ركباتها لخلعة تفكرات داك نهار لشداتها غيثة من شعرها حيث عصباتها
غيثة: شوفي اديك لمكتسواش.. عرفتي وتصوني عليا تجبد ليا غير سميتك نحرك اصلا معصبة مع واحد العاهرة كملي عليا نتي.... يخ مصيبة كحلة.. معاكم كثرتوا... مبانت ليك غير مرت راجل وسيد مزو... ايه حذاري ثم حذاري مني...راه نحصلك قصتي زغبة منها لغنديرو فيك... تحشمي تعاوديه (دفعاتها حتى طاحت) ودابا قودي من قدامي يلاه)
نجلاء: شتك سكتي... مالك.. خفتي ههه. داكشي غير شوية من بزاف راه غير معرفتش كيفاش منزلاتش عليك....
عماد: صباح الخير شتكم مجمعين
باس نجلاء في فمها... ومو وخالتو راسهم
نجلاء: والوا غير بغاوني نبدا معاهم صفحة جديدة...
عماد(بابتسامة واسعة) : هه بصح أحسن صباح نصبح عليه( شاف في كلثوم لرجهها مخطوف منو لون) : واليدة مالك
كلثوم: اء لا لا ولدي بخير غير تخلعت عليك البارح منين تعطلتي
عماد: هه الله اودي راني كبير ومزوج... وكتخافي عليا
كلثوم: بسيف نخاف عليك(شافت في نجلاء) : وولاد الحرام دايرين بيك...
عماد: اه نجلاء شحال من مرة قلت ليك متحيديش خاتمك ( مسك يدها اليسرى وفي البنصر خشا ليها خاتم مصنوع بالذهب الأبيض خلا انظار الجالسات تبهض من جمالوا) : متحيديهش ولا هاد المرة غنتحاسب معاك (غمزها) بطريقتي
نجلاء(قبلات خذو) : مستحيل... نحيدو...اراجلي العزيز
ابتاسمت للتلاثي لجالس على اعصابو
كلثوم: ولدي هاحنا مشينا عدنا شي شغال
عماد: حضيو رأسكم راه الشيفور يوصلكم فين ما بغيتوا..
خرجات كلثوم وختها وبنت الاخرى...
ربيعة:شفتيها كيف كتقلي لينا السم... راه طامعة غير في فلوس ولدك
ماجدولين: بصح اماما شفتيها كيفاش انت كتبحلس عليه وتكذب من الفوق
ربيعة(بغموض): خليها تفرح.. نشوفو شكون لغيضحك في الاخير