بعد خمسة ساعات وصلوا لوجهتهم كانت بطلتنا ناعسة فيقاتها نجلاء حملات اغراضها شكروا الراجل لوصلهم نظرا لكازا بدهشة كانت عامرة بالناس وكذلك حتى شكل بناياتها مختالف على مدينتهم
بداو كيقلبوا على فين غيون مبيتهم هاد ليلة لقاو فندق صغير توجهو ليه
غيثة: سلام وعليكم
شافهم عامل لفي فندق بدهشة من جمالهم هما الاثنين مقدرش
الشاب: وعليكم اسلام
غيثة: عفاك بغينا غرفة لاقامة لمدة 3 ايام
موظف الاستقبال: وخا بطاقة الوطنية ديالكم
شافو المراهقات في بعضياتهم وهي تشوف فيه غيثة
نجلاء: هاك بطاقة ديالي
موظف الاستقبال: وبالنسبة للبنت الاخرى
نجلاء:هادي ختي صغيرة
ابتاسمت ليها غيثة بامتنان ونظرات لموظف الاستقبال
نجلاء: بشحال ليلة
موظف استقبال: ب250درهم
غيثة مدات لنجلاء فلوس بدون ماينظر ليهم
موظف:شحال من غرفة واش غير وحدة
نجلاء:اه غير وحدة
ابتاسم ليهم الموظف ومد ليهم مفاتيح الغرفة وتبعهم احد عمال الفندق باش يوريهم غرفتهم بغا يحمل حقيبة غيثة لكن ؤفضات رفضا باتا بعد ماعطاوه البقشيش اول حاجة دارتها هي ونجلاء رماو نفسهم على سرير وسرعان ماسقطوا ناعسين بعمق
في اليوم الموالي
غيثة: نجلاء هاري داك نونوس
نجلاء: بغيت نعرف علاش مننهار دخلتي لخيرية عمرك مطلقتيه راك كبرتي
غيثة: وغير صبري اصحبتي خمسة دقايق
(جدات نونوس حيدات ليه راسو ولاحت جميع المجوهرات لخداتهم من ميلودة وبعض النقود من خزنة عمها احمد
نجلاء(صرخات بصدمة ): شفرت..... منين جتي هادشي واش شفرتي
غيثة: تقدري تقولي شفرت وماشفرتش هاد ورث بابا اي حاجة متعلقة بيه وورث بابا تكتب ليا هي ديالي
نجلاء: لدرجة هادي باباك كان لباس عليه
غيثة: كنت قلت ليك انني كنت عايشه في قصر
نجلاء: وياه قصتك بحال سندريلا خاص غير فارس احلامك يجي
غيثة: هه يلاه نوضي نمشيو نبيعو يلاه
خرجات نجلاء برفقة غيثة توجهو لمحل الذهب بدا كيتحقق من طبيعتهم وجدهم اصليين ولبهروا كثر عقد ميلودة لكان ملك لأم غيثة -ليلى-
الرجل: وخا نسولكم منين جبتو هاد الذهب
نجلاء : ديال جدة علاش
الرجل: هاد العقد مشكل من أندر الالمس رفقة الى الالماس الأسود وخا نعرف علاش بغين تبعيوه
نجلاء: مبغيتش نبيعو ولكن ظروف جدة لخاصها ضروري لفلوس وهاد العقد هو لكاين باش نخلص عليها العملية هي لبقات ليا في هاد الدنيا
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: Ladonamanwila بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
