عند إيمان لبدات كتحل عينيها.. بعد ما غشي عن امرها .....
جلسات بصعوبة وهي شادة في راسها لكيعطيها الصداع والدوخة. ..هزات عينيها كتستكشف المكان
وجدات نفسها في منزل غريب تحديدا في غرفة متواضعة او صالون بلدي
... شافت بخوف في ملابسها... تنهدات منين وجداتهم مزال ملتاحمين مع جسمها. وقفات بصعوبة.وهي كتستاند على الحيط باش توصل .. لباب الا دخول ... امرأة في عقدها الرابع... مخلاهاش تكمل سيرها من بعد مامسكاتها من راحة يدها بلطف وجلساتها فوق سداري
المرأة: بشوية.. عليك. ابنتي.. نتي يلاه فقتي شحال درنا ليك ريحة .....
إيمان : تعطلت خاصني نمشي. دار....غيتخلعو عليا
المرأة: مزال الحال ابنتي غتمشي دابا ولا شدك شي شفار ولا شمكار يتعدا عليك. ونتي باينة عليك نية وماشي بنت هنا
إيمان : هئ هئ قبيلة واحد جا عندي خفت منو.. معرفتش نيتو شناهيا
المرأة(ربتات على رأسها) : داك الكلب راه مشا لي ولدي راه ه لجابك هنا.. وعاود ليا شنو وقع ليك بلاتي نعيط على نرجس تجيب ليك الماء
المرأة: نرجس،نرجس جيبي كأس الماء. انا فب الصالون (شافت في إيمان لضامة على نفسها) اجي ابنتي عندي متخافيش. ، راه إرتان غيأدبو.. مزيان (حطات إيمان رأسها فوق صدر المرأة وحسات بدفء لفتقداتو هادي 3 سنين منين جات لكازا عند خالها تكمل قرايتها.. 3 سنين وهي كتفتاقد هاد الإحساس من ماماها لطبيبة في المستشفى العسكري):
امرأة :شنو سميتك ابنتي
إيمان : سميتي إيمان
المرأة: اسم على مسمى باينة من وجهك ابنتي داخلة سوق راسك ومتدينة. انا سميتي نعيمة قولي ليا خالتي نعيمة... نرجــــــس باش تجيبي كأس الماء خيمتي عام... (شافتها جاية وهازة هاتف في يديها) كنت عارفاك شادة هاد المشقوف (سمعو دقان في الباب) ها خوك جا ...غبر يشوفوا عندك يهرسوا ليك
نرجس : اخ انا غادة..
إيمان: خاصني نمشي
نعيمة(قاطعتا): فين غتمشي ونتي وجهك صفر ابنتي... وصحتك قليولة غير كولي ابنتي شي حاجة رجعي لون لوجهك. وراه ولدي إرتان يوصلك لحتى لداركم.... اجي معايا البيت راه حطيت كاسكروط
طاعت إيمان اوامر مي نعيمة... وجلسات كتشوف المكان حولها بابتسامة من صغرها وهي كتحب الاحياء الشعبية بحكم انها كبرات فيهم.... رغم ثراءهم الا ان ابويها... من القديم وهما كيحبوا الاحياء الشعبية وأناسها وهي ورثات منهم هاد الحب...
جلسات بقرب نعيمة لكبات ليها أتاي.
نرجس: خلعاني بلا فايدة اصلا خويا عندو سوارت راه غير... خالتي رشيدة هي وبنتها عرضوا عليك السبوع لولدها
نعيمة: امم حتى نقول خوك يعطيني شي 100 درهم نعطيها ليهم.. بنتي إيمان كولي ماتحشميش
إيمان (شافت فيها) : شكرا...
نعيمة(شافت في نرجس) : شتي البنات المأدبين.. مهازينش داك المشقوف بحالك ويدوروا
نرجس(بحنق): هانا حطيتو(شافت في إيمان بغرابة) : سمحي ليا واش فايتة شايفاك
إيمان: لا أصلا عمرني ماجيت هنا اول مرة ليا
نعيمة(مدات ليها طبسيل لوز وكاوكاو) :كولي ابنتي ومديش على هاد الهبيلة
اما غيثة فكانت في الحديقة ، وجالسة في كرسي مقابل مع القصر. حاملة في يدها دفتارها وكترسم في أواخر دفتارو في نفس الورقة لمكتوبة اسم رياض لمدة خمس سنوات. ملمحاتش الاسم كالعادة وبدات كترسم تصميم القصر.. ماشي رسامة ماهرة ولكن قدرات تقنوا بعض الشيء..
غلقات كتابها.. ودخلات بعزم وتحدي نحو القصر تاجهت المطبخ حطات كتابها فوق بوطاجي .
غيثة: انا لغنتكلف بالعشا هاد ليلة ... تقدروا ديروا مهامكم الاخرى
الطباخ: ولكن
غيثة: ولكن شنو اه نتا بقا معايا هنا لبغيتي تشوف كيفاش كنطيب هادشي.... مهم وجدوا ليا بطاطا ماطيشة فلفل...
بدات كتوجد في أكلة الليلة... والكل كيشوفها فيها بانبهار طبخها مماثل لطباخ القصر شاف فيها بصدمة
الطباخ : واش درستي الطبخ؟
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: Ladonamanwila بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
