المشرملة والمافيوزي(أسير عينيها) مكتملة

part 3(new)

عم الصمت ارجاء السيارة من غير صوت شهقاتي لشكلو سمفونية مع صوت الريح لكتصفع السيارة من الخارج

خرجات تنهيدة عميقة من عمي مصطفى لمد يدو كيربت على رأسي بحنان ونظراتو لوحدها كانت كفيلة باش تخلي الأمان يتزرع داخل كياني لدرجة عيوني تغررو من هاد الشعور لكيستحوذني نهار على نهار بوجودو هو وجواد

مصطفى: مديهاش في داك الجن اصلا نتي غتعيشي معايا ومع جميلة وهو حتى لحل فمو يمشي يقود عليا زنقة نتهنى منو

انا(حاولت نمنع شهقاتي من الخروج بصعوبة): ولكن مبغيتكش تجري على ولدك،بسبابي اعمي هئ هئ اصلا انا..

مصطفى(قاطعني بلطف منين قرص خذي): تي هداك اصلا تسحبيه كيبقى في دار نهار كامل خارج وفي ليل مكيجي حتى فجر ويخرج بكري مغاديش تبقاي معاه وحتى لتلاقيتيه مغيدويش معاك تجاهليه كيف كيتجاهل هو كلشي على اقل شفتي وخا حرايمي كيقطر راه لقرب ليك شي حد ولا يفكر يمسك شي براني دابا تشوفيه لمخرج ليه عينيه قدامك حاجة وحدة فيه زوينة هو انه كيتحمل المسؤولية ونقسم ليك فمي بالله ويمسك نخرج سعايرو في جورنال واش باقا خايفة

انا:ههه لا لا اصلا علاش غنخاف ونتا معايا

مصطفى(قرص ليا انفي بمزاح ورمقني بفخر): هادي هي حبيبة عمها طول ونتي معايا معندك مناش تخافي

نطق جواد اخيرا لواضح من ملامحو يلاه خارج من شي صدمة

جواد: واااش سمعتتتتتي داك زاااام/ل ديال ولدك شنووو قال ولد قاااااف ونشدو ونوريه شنو هي زمووولية

مصطفى: نتا يلاه طفات عليك الشمعة نسينا من داك وجه الويل وخلي هاد ايام دوز بخير

شغل عمي راديو لكان كيعرض اغنية انجليزية لمجرد ماسمعها جواد بدا كيخف انقباضو وسرعان مااندامج في غنائها وتبعو بعد قليل عمي كيغنونو بتناغم وانسجام مع المغني رمقتهم بدهشة واعجاب عجبتني صداقتهم وكيفاش رغم اختلاف الاجيال بيض جواد وعمي الا انهم كيبانو في نفس العمر منكرش تشوقت انني نعرف بقية عائلة كيف خبرني جواد

جواد: الله الله على ضحيكة اختارقت ليا قلبي

غيثة: جواااد

جواد:الله على جواد اول مرة نحب شي حد يقول ليا سميتي

غيثة: ههه شنو سمية هاد الاغنية زوينة

جواد: let her go هادي من الاغاني المفضلة لشلتنا

غيثة: زوينة حتى انا عجباتني

مصطفى: غيثة تقدري تكاي ترتاحي حتى نوصلو ونفيقك

انا: بالعكس بغيت نبقى فايقة بغيت كل وقيتة نقضيها معاكم

ابتاسم ليا هو جواد بحب هاد الاخير لطبع قبلة قوية على خذوي وكالعادة انتهى الامر بأن عمي كيوبخو وكيمسح على مكان قبلتو ....