رياض: غيثة تبثي
غيثة: فييق النعاس راه ليوم عرس سلمى وجواد حشومة بارح مستقبلناهش...
رياض(لف ذراعو حول معدتها ورجعها قربو دافن رأسو في عنفها): انا مالي ومالهم رجعي تنعسي راه ستة الصباح
غيثة(بسخط):ريااض عفااك نوض خاص ندوش ووجد شنو لبس الفطور وزيدها نمشي صالون ونقابل سلمى راه عندي شحال من شغل خاص نقضيه ليوم..
رياض(نظر ليها باستغراب بعينين مخدرين بالنوم): نتي خدامة عليهم ولا شنو
غيثة(بنفاذ صبر): كمل نعاسك ماشي مشكل غنمشي راسي وفي هاد غابة نيت
رياض(تقلب على كرشو دافن انفو في وسادتها لغيرها مع وسادتو باش يستنشق ريحتها):طريق سلامة غتلقاي كلب آخر جبتو بامن امريكا باش يحضر العرس
غيثة(يلاه خطات خطوة للامام وهي توقف على جملتو نظرات للأرجاء بخوف ورجعات لمستحوذ على السرير بجسمو ): بفف خاص ضروري نخدم طرق جويل
مدات يديها الباردة نحو ظهرو كتمررهم عليه بإغراء جعلات من رياض يزير على المخدة وعقلو كيقول ليه نقض عليها...مدات يديها وهي كدير ليه مساج لكتفيه غير سمعات تنهيدة لخرجات من فمو .وهي تبتاسم حنات رأسها لمستوى أذنو وهمسات بنفس خفيف
غيثة: ارذوجاني.. مغمشيش معايا..حشومة تخلي هاد اللطافة تمشي بوحدها في ظلمة....ولبغيتي تبقى ناعس ماشي مشكل غنادي هجان يصطاح....
رياض(قلبها حتى صبحات تحتو وهو فوقها):هجاان!!
غيثة: صباح الخير
رياض: غيثة
غيثة:عرفت انني كنقلب عليك ومنين غتشدني غتفدي فيا قديم وجديد... ويلاه عفااك شنو واش خاص ضروري نبوسك
رياض:وحلة معاك... (لبس تيشورط خاص به ): يلاه زيدي...
.....
ارتان: صباح الخير
ايمان(بابتسامة ): صباح النور...
ارتان(قبل جبينها وربت على رأسها):فايقة بكري و حتى قرايتك كملتيها بارح..
ايمان: عرفت ولكن بغيت نوجد فطور بكري واليوم خارجة انا ومي نعيمة
ارتان: ردوا البال راسكم
ايمان: افتتاح بارح داز على خير الحمد لله
ارتان: الحمد لله وخا عدد المنخرطين فات توقعاتي
إيمان: لبقينا غادين بهاد الوتيرة فراه كثر من زوينة..
ارتان(وضع كفيه على ذراعيها): شكرا حيث صبرتي عليا عام
ايمان(قاطعاتو): متقولش هاكة. بالعكس العيشة هنا حسن من عند خالي كنت عايشة غير في الغم..والحمد لله كنحس براسي مرتاحة مع خالتي نعيمة ونرجس ومعاك نتا
ارتان(ربت على خذها بحنان ونظر لشفايفها دنا لمستواهم وقبل مايطبق شفايفو عليهم سمعو نعيمة لجارة نرجس كتفيق فيها)
نعيمة:هانتي شوفي مراة خوك تبارك الله حا...
وسعات عينيها هب ونرجس لطار منها النعاس منين رمقاتهم مقربين لبعضياتهم على وشك يقبلوا بعضهم ولكن سرعان ماتنفضات ايمان من صوتهم وحطات رأسها على صدر ارتان بخجل مقادراش تشوف فيهم
نعيمة: اء احم احم سمحوا لينا اه مهم غير خليوكم منصدعوكمش (نظرات لنرجس): تحركي معايا غسلي وجهك... يلاه
ارتان(نظر لايمان لخجلانة من الموقف ابتاسم ومد يدو لذقنها رفع ليها رأسها باش تلاقى سماءها مع بحرو..): مالك
ايمان(خذوذها حمرين): ماما نعيمة ونرجس (غمضات عينيها منين كتفكر الموقف )
ارتان: كنبغيك
ايمان(فتحات عينيها فيه وكان طبع قبلة سطحية على ثغرها ): حتى انا..
ارتان: يلاه غنفطر مع خالد درت معاه
ايمان(مسكات يدو): ارتان
ارتان(نظر ليها باستفهام):
ايمان: واش اليوم بليل غترجع بكري
ارتان: علاش؟
ايمان: بغيت ندوي معاك في موضوع مهم
ارتان: اه غنحاول نجي على قبل الموضوع
نعيمة: ولدي ارتان
ارتان: نعم مي..
نعيمة(جراتو حدا باب زنقة): هانتا اولدي بغيت ندوي معاك..
ارتان: مخاصكش تسولي نتي عارفة غير سولي..
نعيمة: كيف كتعرف نتا وايمان عرسان جداد ومسكينة هي مبغاتش تسافر في شهرها حتى تكمل نتا مشروعك بغيت فلوس لغتشيط ليك من بعد ماتخلص الضوء والماء تشري شي دار غير حدايا هنا عارف متقدرش تلبس على راحتها وخصوصا هي حشومية وفلوس الاخرى سافروا لشي بلاصة..
ارتان: غنفكر في كلامك وأكيد غنعوضها على الصبر لصبراتو معايا..هي مرتي في الأخير..
نرجس: ماما ماما اجي
نعيمة: يلاه سير خدمتك منعطلكش نعم..انرجس شنو كاين
نرجس:ايمان بغات دوي معانا فشي حاجة...
ايمان: احم امم خالتي
نعيمة:دوي ابنتي متحشميش مني راني في مقام ماماك
ايمان: عقلتي على تحاليل لدرتهم تلاثاء
نعيمة: اه مالهم.
ايمان: بارح في ليل جابتهم ليا تالا اوو انا حاملة
نرجس(صرخات بدهشة): حاملة ههه حاملة
نعيمة: يوووويويوووو مبرووك بنيتي يكبر في عزكم هي غنولي جدة انشاء الله
نرجس:وانا خالة..
نعيمة: اجي بعدا واش فراس ارتان حيث جاني
ايمان: هادشي علاش جيت عندكم بغيت نقولها ليه اليوم في ليل وقلت نوجد ليه شي حاجة باش نفاجؤوا بها..
نرجس(صفقات يدها بحماس ): لقيتها..هانتي ماما غتوحد طابلة انا غنمشي نجيب نفاخات وديكور على حسابي ونتي طيبي..ايمان طيابك ولا زوين منين تصاحبتي مع ديك الطباخة(غيثة)
ايمان: وخا أنا غنشوف
نعيمة(نظرات لنرجس ): قولي حفيظة غنباتو عندها ليوم
نرجس: بصح😍
نعيمة:شفتك فرحانة ازغبية حيث غتلاقاي مع خالد والله وتحركي من حدايا
نرجس: ولا غير نتفرج معاه فيلم صافي واصلا شهرين جاية غيولي راجلي...
نعيمة:انشاء الله انشاء الله هانتوا بداو غنمشي نعلم حفيظة..
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: Ladonamanwila بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
