المشرملة والمافيوزي(أسير عينيها) مكتملة

part31

أصبحنا وأصبح الملك لله والحمد لله و لا إله إلا الله

فاقت غيثة كتكسل.. دخلات الحمام طرفات حالتها وجبدات كيطمة أديدياس واسعة لبسات كاسيكط وغطات عينيها بنظارات سوداء. ونزلات للأسفل..
مصطفى: غيثة؟؟ خارجة مغتفطريش
غيثة(لمحات رياض جالس في كرسيه كيفطر بهدوء) : لا غبصحة عندي شي شغل
رياض : فين خارجة
غيثة(زيرات على قبضتها) : خارجة وصافي
رياض : مغتقوليش فين خارجة مغتخرجيش
غيثة(توجهات نحو الخارج الا أن يد رياض كانت سريعة منين مسكاتها من ذراعها ) : طلق مني
رياض (بهدوء) : فين غادة.. ولا مغتخرجيش.. ضروري خاصني نعاود كلامي
غيثة: غيو طلق من يدي غنقول ليك فين (نفضات ذراعها من قبضتو وشافت فيه من أسفل نظاراتها) غنمشي عند الحلاق...
رياض(باستغراب): وعلاش
غيثة : في نظرك الناس علاش كيمشيو عند الحلاق باش يشربوا أتاي
رياض(حيد ليها القب من شعرها كان شعرها وصل لأذنيها )
غيثة: اه ونزيد شيوشمات صافي... يلاه خليني نمشي..
رياض : غتمشي لحتى بلاصة
غيثة(بعصبية): هادة هو لعب دراري صغار خليني نخرج
رياض(زير على قبضتو ونطق بهدوء) : غيثة حضي نبرة ضوتك
غيثة(علات نبرة صوتها) : لا لا يلاه اش غذير واش انا باغ نخرج وحابسني كون هاني مغنهربش حاليا ولكن من هنا القدام متعرف الايام شنو جايبة...
رياض (غمض عينيه بعنف وقبض على قبضتو كيحاول يصبر نفسو مباغيش يندم من بعد ونطق بهدوء ): غيـــثة
مصطفى(بحدة): غيثة... طلعي لبيتك
غيثة(شافت في مصظفى حلات فمها باش تدوي ولكن نظراتو خلاوها تراجع شافت في رياض بلوم وطلعات لبيتها) :
مصطفى: راه مزال معصبة منك خليها حتى تبرد
رياض : لا شحال قدني نصبر ليم خاصني نفضي معاها كلشي

غيثة: عييت اربي امتا غنتهنى منو... علاش رجع... علاش
سمعات الباب تحل استادرت وهي تلمحو داخل لغرفتها
غيثة: شنو باغي علاش جيتي عندي.. اه نسيت هادة قصرك ودير فيه مابغيتي... انا لخارجة
توجهات بالانصراف وجرها رياض من ذراعها مرجعها لمكانها
رياض: خاصنا ندويو
غيثة(بعصبية): فين غندويو فين.... انا وياك اصلا فين عمرنا دوينا ولا تفاهمنا نتا كتعرف غير العصا..فينما تعصب غيثة.. فينما باغي تفرغ عصبيتك غيثة.. شكون دار هادشي غيثة شكون الغدارة غيثة.. غيثة غيثة.. كلشي غيثة.. كلشي سبابو غيثة (بدات كضربوا لصدرو كتبكي وهو مكيتحركش لعلها تبرد غضبها ) : عرفتي شحال تعذبت في صغري عرفتي شناهيا تعيش يتيم بين جبابرة الظلم.. عرفتي شناهيا طفلة تغصبات في طفولتها طفلة لشهدات على موت والديها طفلة لمدة 10 سنين وهي عايشة في عذاب فوق عذاب عمرها ذاقت راحة ولا الفرحة.. شفت ماما كتغتاصب أمام عينيا تخيلها نتا ها علاش ساكت علاش تخيل تشوف باك كيموت قدام عينيك. 'كتشوف أعز الناس لقلبك كيموتوا بطريقة شنيعة وونتا ما في استطاعتك دير والوا.. تخيلها.. ها. ه(بسخرية) هه معامن كندوي مع مافيوزي لا لا... نقول رئيسهم لقلبو متحجر.. منعادم ضمير..عندو الموت بحال شريب لماء... على الأقل غير رحمني 😭 غير على وجه عمي مصطفى رحمني غير على عشرتك نتا وجواد 😭 رحمني غير على العذاب لعشتو (مسحات دموعها) انا. صافي عييت... عييت من كلشي مبقيتش باغا نتاقم منك غيرخليني نمشي بحالي.. (قربات ليه حطات يديها فوق ذقنو) خليني عليك.. خليني نمشي.. وريحني انا كنطلبك هاد المرة
رياض(بحنية): ياريت كون قدرت ولكن ماشي لخاطري
غيثة(بدات كضرب في صدرو) : هئ 😭 علاش باغي تحبسني وتعذبني كثر هئ علاااش
رياض (عنقها برغم أنفها بدات كضرب فيه وفي الأخير استسلمات لحضنو حطات رأسها على صدرو كتشهق) : متبكيش... دموعك كيحرقوني
غيثة (كتشهق) ه.. ه عفا.. ه ك..نتا محاسش بيا انا الوحيدة ه لكنتعذب ه ه هنا
رياض (قبل رأسها) : ماشي بوحدك لعاش طفولة مرة... (زير على قبضتو) كنت طفل صغير..