المشرملة والمافيوزي(أسير عينيها) مكتملة

PART47

لوليا:ماما هادي هي دارنا جديدة كبيرة بزاف وبيضة....
مهيرة(كتشوف الشقة بذهول): هه نقية ماشي بيضة...اجي ندخلوا
..تفحصوا بعينيهم المبهورة غرفة المعيشة لكانت كبيرة..وذات طابع تركي... مروا عبر الغرف..كيستكشفوهم ولفاجأ مهيرة أن كلشي كان مجهز من الأكل والملابس...وغيرهم...
لوليا:ماااااماااا
توجهات مهيرة نحو نداء بنتها وسعات فمها..من جمالية غرفة بنتها..غرفة احلام لكل طفلة
تقدمات لوليا بلهفة وفرحة نحو سريرها كتنقز فوقو
لوليا:ماما انا عندي بيتي بوحدي وفيه العاب بزااف..
مهيرة(فضلات الصمت وطلقات لعنان دموعها.. لو لزالت مع فارس.زوجها ..مكانتش غتشوف بنتها في حالة من الذهول..من أشياء بسيطة ): انا متأكدة لو باباك كان معانا كان غيعيشك أميرة بحال كيف معيش ماماك....ولكن سباب ماشي آركان وإنما هاديك لكتأمر آركان معرفتش نشفق عليها ولا نكرهها حيث في الآخر هي ميتة...
نجلاء:فارس..
فارس:نجلاء كصبحتي
نجلاء:بخير شنو كدير في جردة نتا من نوع لكتنفارد مع مشاكلك..
فارس: تقريبا ..فين هو عماد
نجلاء: خليتو ناعس...صراحة خايفة عليه بزاف معرفتش نساني دابا من نهار جيتي ونتا كتقابل مشكلتي انا وعماد شنو هي قضيتك أو المشكل لعندك حيث باينة عليك مهموم وهاز حمل كبير على كتفك
فارس(تنهد بتعب): همي معندو حل غير صبري مع عماد وعرفي مشكلتو
نجلاء:حنا أصدقاء ولا لا مرة لولة ساعدتني ودابا جا وقتي على الأقل غير نسمع قصتك خاصك ضروري تعاود لشي حد شنو ضارك هاكة كتآذي نفسك شنو سر هاد الجورب
فارس(مدو ليها باش تفحصوا ):كان ديال بنتي ....
نجلاء: بصح واش نتا مزوج
فارس(ميل ليها رأسو بالإيجاب ): كنت
نجلاء: شنو سميتها
فارس: لوليا

نجلاء: بصح بحال سميت بنت مهيرة عرفتي ديك الفنيكيشة كتحمق ....
فارس: هي لجات برفقة صديقتك العصبية
نجلاء: اه غيثة هاديك ختي ماشي غصحبتي كبرنا انا وياها في نفس الميتم تقريبا ٣ سنين وحنا فيه من بعد هربنا قصتها مسكينة خايبة ولكن الحمد لله ربي فرحها وراها عايشة مع سي رياض بخير
فارس(تذكر غيرة رياض على غيثة): شنو علاقة لجامعاهم ؟
غيثة: صراحة معرفتش مرة مصالحين مرة مخاصمين وحتى تخاصهم في شكل..واخا كتنوض حرب بيناتهم كيبقاو مع بعضياتهم هانتا دابا هما مخاصمين ومع ذلك كتوجد ليه اتاي حيث هو كيعاني من الأرق وهي فين سكرات بالغيرة هزها داها لغرفتو ومكيحملناش نعسوا حداها حنا لصحباتها
فارس(تفاجأ من كلامها خصوصا عارف رياض شحال كيكره جنس النساء بسبب هاد الموضوع تخاصم هو وعماد لكلشي كان عارف صداقة هاد جوج لا الإعلام ولا المافيا بحد ذاتها...): إذن رياض ارذوجان كيبغي صاحبتك..
نجلاء:كثر من كيبغيها...
فارس: عماد عارف؟؟
نجلاء:لا عرف راه مصيبة انا عارفة شحال عزيزة عليه غيثة كيعتابرها ختو صغيرة وهو كيكره سي ارذوجان غتعقد المسألة ولكن علاش نتا وعماد معرفتش ولكن علاقتكم معقدة
فارس: بسباب الأب ديالي...كان تزوج على ماماه وولدني كان كيعاملني مزيان مقارنة مع عماد لبزز عليه يتبع دومين لكاين داير باش يشد املاك المرجولي كان عارف ان عماد ذكي وغيزيد من نجاح الشركة...
نجلاء: شنو كان حلم عماد منين كان صغير
فارس: انا وعماد كنا مهووسين بالسيارات...كان باغي يكون متسابق. في سباق السيارات ولكن حلمو تبخر حيث أب تاعنا كان صارم مع خالتي كلثوم...كان هو عماد صحاب من ثانوي وحتى جواد معاهم..ولقا راحتو مع رياض حيث كان عندهم نفس الهدف من تم وهما صحاب واخا كان رياض مر من نظام تسريع الطلاب في الجامعة وكان سبقنا في القراية وحتى التخرج
نجلاء: فين هي مراتك وبنتك حاليا
فارس:مي...