نرجس: اش هاد دقان هذا نتا...
خالد:وأخيرا حليتي باب...
نرجس:خويا خارج مكاينش حتى العشية وجي...معاه
خالد: وشكون قال ليك انا باغي خوك عارفو خدام..
نرجس(طلعات فيه حاجب وهبطات لاخور): وشنو باغي... إذن ماما ممساليش...
خالد(عبرها من رأسها لأخمس رجليها): صافي راك لابسة...
نرجس:كيفاش...اجي..نتا فين جارني....
خالد:باغي نخطب ....
نرجس:ومن بعد سوقك هذاك...
خالد: كيف كتعرفي انا راجل ومكنفهمش في هاد الأمور الوالدية ناعسة ونتي لبنتي ليا ...
نرجس:وشكون غتخطب...
خالد: وعلاش كتسولي...
نرجس: نتا لجايبني معاك..
خالد:جبتك تعطني رأيك ماشي تسولي...
نرجس: على الاقل خلني نعلم غير ماما تخاف عليا...
خالد: دابا نصوني ليها..
نرجس: سمع هذاك متعطلنيش...ومعنديش الوقت. خاص نرجع نحفظ...
خالد: تلاثة سوايع ولا ربعة..مالك مخنزرة..غنمشيو لشي ريسطو...
نرجس: حاليا وفي هاد حالة معنديش فلوس ريسطو والوحيد لكنخرج معاه خويا...
خالد:نذكرك منين سلتي من المدرسة مبغيتيش...دخلي
..صدقت حتى انا مغيب...وضربنا باسيطلة...
نرجس(بدهشة ): باقي عاقل ...
خالد:وعلى لتعاشر مع وحدة مشعكة ينسى...
نرجس: معامن كندوي..بعد لهيه
خالد: صافي متقلقيش..فين باغا تمشي...
نرجس: غير رجعني بحالي...
خالد:تي مالك..معقدة...فين باغا تمشي...
نرجس: معرفتش لبغيتي...مهم غير ديني عند هداك مول باسطيلة مامشيت عندو من ايام الكوليج
خالد(ابتاسم بخفاء): وأخيرا المشعكة ديالي..غنخرج انا وياك...على قبلك مشيت تغربت
رياض: مالك معبسة
غيثة:نتا بالذات مدويش معايا.....
رياض: معصبة.. من سبب تافه...
غيثة:تااافه!!تااافه
💙 FLASH BACK 💙
غيثة: رياض علاش دوك رجالك..مشراوش قراعي شكلاط...
رياض: نتي معندكش مع الحلوة...
غيثة:واخا ولكن مرة مرة مافيها عيب...
رياض( مد ليها تلاثة علب خاصين بالفوطة الصحية ): اشمن مقاس كيناسبك هادي ولا هادي وشوفي حتى هادي
غيثة(لسانها تعقد بسباب الصدمة والحشمة)
رياض: مالك ساكتة معدناش الوقت..شنو كديري...
غيثة(زحزات عينيها نحو الناس كينظروا لرياض بدهشة): ويلي سعايري داوها ناس..(غلقات رياض لفمو): واش جهلتي ولا حماقيتي مشوهني بين الناس...
رياض(حيد يدها ): علاش مشوهك... وياك..كيقولوا المرأة ولابد تجيها مرة في شهر..اذن كلشي عارف ان اي امرأة في كل شهر غتجيها ماشي عيب...واصلا علاش غتحشمي من حاجة...طبيعية...
غيثة(حسات بالبكية): سكوت سكت واش غير مزايد فيه ....
رياض: دابا متعصبنيش...ياك بفمك..
غيثة(غلقات ليه فمو): صافي. صافي غير سكت انا نختار..
رياض: خودي جوج و لا تلاثة ولا صندوق ديه معاك لكازا كاحتياط
غمضات عينيها...بعنف مبقاش عندها الوجه لتشوف ناس لكيرمقوها بغرابة هي ورياض.....هادي هي نتيجة منين كيبغيك واحد معندوش الخبرة بالنساء من غير تعذيبهم...
💙BACK TO PRESENT 💙
رياض: دابا غتبقاي ساكتة...
غيثة: عمرك تمشي معايا شي..دكان ...
رياض: دابا شكون لصدع لاخور غتهبط منك...
غيثة(بعصبية): وكون غير هبطات...مزال مجاتنيش وصدقت مشوهة...
رياض(بدون اهمية): المشكل منك.. وبعدا معارفش أنك نتوما النساء كتحمشوا من حاجة فيكم..باز..
غيثة: ونتا باش عرفتي.. النساء كتجيهم مرة في شهر... اه نسيت عاهراتك منين كتجيهم...ولكن مافيهمش الحشمة...يمكن...
رياض: رجعنا لهاد النقطة...
غيثة:غنطيب ليا شي حاجة....
تقدمات بعبوس...نحو المطبخ....كتوجد سوندويش خفيف تاكلوا في هاد ليل
رياض(حاوط يديه حول خصرها ودفن رأسو في عنقها ): مقلقة..
غيثة: بعد مني انا عمر شي حد ساق ليا الخبار...من غيرك حتى من نجلاء ومكانت كتعرف واش جاتني ولا رياض: مشغلهاش فيك...(قبل نحرها): مكانش...فراسي
هاد بلان ديالكم ولكن بصح معندك لاش تحشمي
غيثة : رياض انا...18 عام من عمري اغلبيتها عشت مشرملة..... ممولفاش على هاد المواقف. نتا الوحيد...لقدرت نقول لها ليه...ولكن متحشمنيش عفااك...
رياض(قبل خلف أذنها ): كنعتاذر...
غيثة(ابتسامت بخفوت): ماشي مشكل...وخا اوكيمدن كاملة في خبارها..ان غيثة ارذوجان فيها لغيكل..وانا مافيا والوا..
رياض: وعلاش...مصدعاني راه هبطات...
غيثة: ماشي هي غير...مهم نسى هاد موضوع...
رياض: يلاه منين تاكلي هبطي عندي لتحت..
غيثة: على كاينة غرفة لتحت...
رياض: كاين مسبح..
غيثة(نظرات ليه بخوف)
رياض: متخافيش غير بحال جاكوزي...راه ماه دافئ...
غيثة: وشنو غنلبس...
رياض: طلعي...لبيت وختاري...انا غنسبقك...نتي فيك جوع...
غيثة: مغتاكلش..
رياض: لا شبعان....
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: Ladonamanwila بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
