توجهوا.. نحو الحفل كل شخص ماسك برفيقة دربو ماعدا جواد لكانت سلمى واقفة مع امها كتحدث مع امال ويوسف هاد الاخيرين عجبهم تعاملها اللطيف هي ووالدتها ناهيك عن جمالها المتواضع وحب ابنهم لها
غيثة: غنمشيو عند سلمى...
جواد: متشدوهاش بالهدرة مزال باغيها
غيثة(قلبات عينيها بدراما): اصلا مناوياش نتعطل حيث فيا نعاس... ومبقاش بزاف رياض باش يسافر
ردفات جملتها الأخيرة بنبرة حزينة ربت مصطفى على رأسها...
مصطفى: حنا غنبقاو معاك رياض عندو الخدمة
غيثة: عارفة
غادرت برفقة نجلاء وأميرة لربتوا على كتفيها مساندينها على فراق شخص لغمر قلبها بشعور المودة والرأفة
اميرة: علاش مغتمشيش
غيثة:مابغيتش نزيد نضيع حصصي كثر ويمشي هاد العام باطل هاد الأشهر لغيبتها غنعوضها في صيف ومكنعرف حتى حد تما ورياض مشغول مع خدمتو...
نجلاء: غمضي عينيك حليها غتلقايه رجع من السفر ومنها تحاولي تأنثي وتلعمي الميك اب ولبس وكيفاش تمشي بطالون ماشي نبقاو شادينك
غيثة: بغيت ندفل عليك ولكن عندك الصح
سلمى :جيتوا زوينات بزااف خصوصا نتي اغيثة فاجأتني صراحة الأخبار مكذبوش منين لقبوك بسندريلا ارذوجان
غيثة: اشمن سندريلا؟؟
نجلاء: هه متقوليش ليا مفراسكش الاخبار منعت عماد يمشي شركة وصيت فارس باش يلوح الجرائد وحتى الموقع لفي تيلي بولكيتو وبديت نسي فيه...
غيثة: بلاتي فهمتي اشمن سندريلا
اميرة(مدات ليها هاتفها): هاكي شوفي
غيثة: ياك هادي في حفل زعما لانيف رياض دازت عليها سيمانة
امال(ام جواد)؛ ولكن بالنسبة لرياض ارذوجان أمر عجيب انه مبتاسم لفتاة وماسكها بهاد طريقة رومانسية(مدات ليها يدها): انا امال ام جواد
غيثة:انا غيثة .متشرفين
امال: سمعت عليك بزااف من جواد ولكن ماشي بحال سلمى هه ايوا شنو كتجي رياض واش مصطفى متبنيك؟
غيثة: لا بابا مصطفى هو صديق بابا الله يرحموا وحاليا كيعاملوني بحال والديا وفي نفس وقت والدين رياض هو خطيبي
امال: متشرفين
مرأة(بجانب امل): نتمنى مايوقعش ليك بحال سلوى امال: مسكينة الله يرحمها
المرأة(نظرات لغيثة بشماتة):كانت زوينة تبارك الله وكانت هي ورياض تخاذوا من افضل ثنائيات المشهورة في السنة لتخطبوا عندك الأمر يقلقك ولكن هادي هي الحقيقة
غيثة: لا علاش غيقلقني اصلا يكفيني أن رياض كيبغني وممعبرها لحتى وحدة وبالنسبة لثنائي مشهور فكنظن بوسامة خطيبي و لعلمك أي ثنائي مشهور مكيعنيش انه محبوب مثال جاستين بيبر وهايلي بادوين كانت خطبتهم دارت ضجة كبيرة وهاد ضجة الاغلبية الساحقة منها كانت رافضة لهاد العلاقة...
المرأة(بهمس): لسانها سليط علم الله كيف بغاها ارذوجان
غيثة: بسباب لساني سليط بغاني تقدري تسوليه هادي لاعتابرك موجودة وجاوبك.
غادرت المرأة بسخط برفقة أمال
غيثة: هاد الزمرة مالها باغا تجعرني سمعتيها شنو قالت أميرة هاد سلوى ياك نتي شفتيها
أميرة: ياربي تسمح ليا حيث غندوي عليها ولكن ديك سيدة مريضة ونرجسية أنانية وكتبغي نفسها ومتكبرة عرفتي ولكنتي حسن منها في زين غير رضي بال وجهك تقدروا تضربوا ليك بالموس وخوتها مباغاهمش يتزوجوا باش ميناسوهاش باختصار باغا تكون الانثى الوحيدة في عائلة المرجولي ارذوجان ...
جميلة: الله يرحمها مبغيتش نجبدها ولكن أميرة عندها الصح وتتمثل ببراعة لسمعتي بكاها وهدرتها حنينة تجيك من ألطف خلق الله ولكن خلف داك القناع كان وجه خبيث كنت فرحت منين خطبها رياض وتوجهت عندها باش تساعدو يخرج من عقدتو وفي نفس الوقت نتقرب منو ونحس أنني مع ولدو مزال كنتذكر نبرتها ساخرة وخسرات عليا جملة انا بغيت رياض هاكة وبالعكس هي كانت كتزيد تخليه يكره النساء ويحقد عليهم
غيثة: اش هاد الإنسانة مهم الله يرحمها ويوسع عليها هي ماتت دابا معدنا علاش نجبدوا فيها
سميحة:اجي ابناتي ونتي اجميلة نتصوروا... نخليوها من ذكريات...
جواد: شتك ساكت منين دخلات غيثة ديها وتهنى راه كاينين معاهد متميزة في أمريكا..
رياض: نبرة صوتها (زفر الهواء بعنف ): لديتها معايا غتبقى بوحدها والخدم جديد عليها وخاصها وقت باش تكيف انا من ولاية لولاية غنسافر على قبل الشغل مغنبقاش معاها بزااف وغتبغي صحباتها ومصطفى و جميلة بعاد عليها وهما لرادين ليها البال وعاد عامها دقراية لغيضيع...
مصطفى: خليها معانا... غيثة راه بنتي..ونتا غتبقى مبرزط معاها ومع الخدمة. وبجوجكم مغتكونوش في راحتكم خصوصا خدمتك نتا ارياض خطيرة
عماد:واش واقعة شي حاجة
رياض: شي واحد باغي يلعب بالنار ... وبانشغالوا بها نسى أن البنزين تصب عليه ومغيجي يطفي العافية لشعلات فيه حتى يولي رماد
عماد: شنو قصتك نتا وغيثة وامتا طورات علاقتكم مزال متذكر منين استفزاتك من المؤتمر
رياض(بابتسامة شبح): عرفتي القصة بنفسك
عماد(ربت على كتفو): تستاهل وخا تشاجرت معاك ولكن منين قسمتي عرفتك مقتلتيهاش
رياض(الصمت )
عماد:كنعتاذر حيث خليتك تحلف...
مصطفى: لوقع وقع والأهم رجعتوا صحاب وخوت كيف لول
جواد(بهمس لمصطفى ):غيثة علاش موراتهمش الفيديو
مصطفى:معرفتش ولكن كنظن أن سفرها مع رياض أثر عليها وخلاها متبقاش تبرهن...
جواد: هه انا غنمشي عندها نستفسرها...
غيثة: نجلاء شنو وقع مع ام عماد كنت قلتي ليا ندمات
نجلاء: كانت جات اليوم في العشية بقات كتبكي وكطلب عماد ولكن مبغاش يتصالح معاها صراحة هي أذاتني وخا مزال مسمحت ليها ولكن الندم واكل عينيها
غيثة: مع المدة الجرح غيبرى خاص غير الوقت....
أنت تقرأ
المشرملة والمافيوزي(أسير عينيها) مكتملة
Romanceقبل من بداو ممنوع نشر الا بالاذن ديالي انا: Ladonamanwila بطلتنا عاشت سنين من الحرمان والعذاب في سن صغير وخصوصا بعد مقتل ابوها واغتصاب امها هادشي ترقباتو بعينيها الزرقاوتين وهي في عمرها 8 سنين هادشي لخلاها تعيش صدمة مؤقتة ورباها عمها وتحولات من صاح...
