روح مزيفه

حلقه ١٥

زهور.جنت كاعده بلمطبخ منتضره الجاي يهدر جان تكب العيطه بلهول الولد بينهم  ماجد متداين من صديقه وهسه اجه صديقه  يريد فلوسه وهو ماعنده وعماد وكاظم شتعلوو نار يصيحون عليه...

كاظم.انته شنيي من مللله انه شكدد احجي بعد طااحت وصله من الساني يااابشرر بطلل الدين بطلل تروح تاخذ من الوادم وتجي انطوني شكبرك تصير بعددد...

ماجد.شني اداين جا غير توازيت اكلك هيه هل مره اجيت طلبت منكم شنهي جريمه لو منيتو عليه....

زهور.همه صوتهم عالي وصار الصياح والهوسه بينهم وعمتي تفازع بينهم كمشني الرجيف وبقيت ابجي وحدي بلمطبخ خفت كلش لما اجه عمي وسكتهم بس الجو متكهرب بقه...

وره شجم يوم دبرو الفلوس وسدو الدين...

وبيوم جنه نايمين ونسمع صريخ وهوسه طفرنه من فراشنه عماد لبس دشداشته بسرعه وركض وانه اريد الحجاب اختفه من الدهشه هو كدامي وما اشوفه لبسته وطلعت عمتي تلطم وتصرخ يممه ستاااار خاايب يمه بعدك شااب واخذك الموت يبوووووي...

عرفنه ستار ابن اخوهه متوفي بحادث خطيه ولد فقير شاب وبعده ما متزوج كله لبست وطلعت وانه اركض احضر هدوم الهم حتى محد تريك طلعو جانت الساعه بسبعه الصبح...

زهور.عماد شني جا انه اضل وحدي خلي اروح وياكم...

عماد.لا وين ترحين ضلي قفلي الباب عليج وانه اوديلج وحد من البنات  من يندك الباب لا تفتحي لما انه لو واحد منه يصيح وتسمعين صوته....

كاظم.يله ياا عماد هسه وكت سوالف ...

عماد.جاي خويه جاي  ...يله طبي هاج هاذ المفتاح مو تنسينه مفتوح ...

طلعو وقفلت الباببيت وحدي بلبيت اصفن هسه انه شسوي شفت الفراش  رجعت نمت  نعسانه كلش ....

شويه وندك الباب طفرت سمعت صوت عماد فتحتله الباب لكيته جايب  بت خاله محمد   رباب عمره ١٣ سنه سلمت عليه وهوه راح دخلنه اثنينه جانت مستحيه ومتقيده كعدت اسولف وياهه واسالهه عن اهلهه شويه فكت من خجله ...

كمت سويت ريوك طكيت البيض وخدرت جاي لكيت باقي خبز من العشه حميته وكعدت يمه جانت الساعه بتسعه  ....

لضحه مشو الجنازه واجه كاظم اخذنه للفاتحه لبست اسود ورحنه بس شني النسوان هوسه والصريخ والطم وكل ما وحده تدخل ترجع تكب العيطه صوت يخوف  ..

انه بقيت بلمطبخ اساعد البنات والنسوان الكبار نعجن ونخبز وانضف بس الطبخ جايبين طباخ اجن نسوان اتلاثه يغسلن وره العشه باوعتلي وحده تطلع بعمر امي..

خاله منين انتي...؟؟

..انه زهور مرت عماد...
..يا هله بيج خاله  فدوه والله خوش عرف يختار..

..خجلت ابتسمت وبقيت ساكته..

..جا خاله انتي بعدج عروس المن جايه للفاتحه مايصلح..