روح مزيفه

حلقه ١

روح مزيفه،،،،،،

تأخذنا الحياة في طرق رئيسية ومتشعّبة،
منها ما يكون مفعماً بالأمل والتجارب التي تبعث فينا الحماس وتقوّي
الإرادة لنحقق أحلامنا،

ومنها ما يكون محتوياً على عوائق تحفزنا على تحدي الصعاب لنتخطاها، فتقوى بذلك شوكتنا وتتهذّب أنفسنا وتعتاد على تحمل المسؤولية، إنها الحياة، التي تحوي كلّ ما قد يُدهشنا، أو يسعدنا، أو يحزننا أحياناً ...

فيومآ لك. ويومآعليك،،،،

الزمن.1998.....

كاعده بنص الحديقه وحبوبتي تزكي بزرع والجهال تلعب يمي جان جو حار بس ﻹن كاعدين من وكت وبلحديقه ماكو حراره ...

زهور.اجتني تركض فحطانه.زينه زينه تعالي خلي نلعب ويه زينب وفاطمه بيت بيوت ادنت يمي وشاورتني جبت فراش من نضدة امي وهيه ماتدري حته نلعب بي.... زينه...يااا امداااج موو احااجيج؟؟؟

زينه .مااالعب روحي اريد اكعد اهنا..

زهور .خااب دولي ميته عليج اني اروح العب وياهن وحدي....

زينه .زهور راحت واني عيني على حبل الملابس كدامي عمه اسماء شاره تنورة زينب يربي شكد حلوه كون البسهه صارت بنفسي وادري زينب متقبل اتضل تبجي ومتخليني درت وجهي شفت البنات مسويات خيمه وملتهيات يلعبن ضحكت بمكر ..

هسه هنه شمدريهن البسهه واشبع منهه اصير اخبل كمت من مكاني وامشي واتلفت خاف يشوفوني...

وصلت يمهه جريتهه واخذت وياهه البدي خليتهن جوه ملابسي وركضت ليجوه امي تطبخ ونسوان عمي كلمن كامشتلهه شغله تخلصهه ركضت ع الدرج وصعدت فوك لبستهن واباوع الروحي شكككد حلواات يربي كون عندي مثلهن ضليت افتر كدام المرايه واسوي روحي عود من ذني المثقفات

كعدت بلغرفه خاف اطلع وتشوفني زينب وتاخذهن خلي اشبع منهن وانزل...

دخلت اختي والمكناسه بيدهه ..

زهراء.وججج زينه شمسويه انتي متبطلين من هاي السالفه وعلي هسه تجي عمه اسماء تلعب بيج فلك ملابس بتهه مال طلعه شكوو خانسه بيهن ينشكن هسه نروح نشتري....

زينه.زهراااء عفيه عفيه بس هسه من يجي ابوي يشوفني بيهن وانزعهن فدوه لا تكولين لعمه فدوه فدوه...

زهراء.خاب انجبي كومي انزعي وين ملابسج جيبي ابدلج تره وعلي اكول الامي عليج...

زينه.مثل كل مره تنزعني غصبا عني اني احب الملابس احب المكياج دوم اخنس بغرفة عمه اسماء احط حمره لو كحله ونوبات زهور وياي تراقبلي ...

نزلت جوه دخلت للمطبخ ..
.يمه شوكت يجي ابوي.

.بعد وكت مايجي هسه لما يخلص دوامه...

زينه.زين شنو غدانه انه جوعانه...

.حسنه.مركت فاصوليه وتمن...