روح مزيفه

حلقه ٩

رجلي صارت خيوط....
اريد  اعيط ...
ما اكدر...
ولا اكدر اطلع...
ولا اكدر اضل واكفه..
صطكيت بمكاني...
النفس وكف خفت حته اتنفس وانه احس الاضافر نبتت بضهري ......
شاغت روحي من الوجع خوف ورهبه مكدرت حته التفت سمعت صوت زينب اجت تدردم على فاطمه  طلعن الاضافر من ظهري بسرعه عطت بعلو حسي  زززززززززينب...

زينب وووجع شمالج فززتيني....
زينه. فدوه اوكفي هنااا ضلي عفيه الله يخليج لا تعوفيني زينب لااا  طلعت لابسه الدشداشه على النص
زينب.ياااا شمالج شجاج..
  الخوفه البيه خلتني ماشوف دربي  لبست طلعت بسرعه ريجي نشف من الهبطه احس روحي راحت والوجع بعده بظهري متت..

دخلت للغرفه وزينب وراي ..
شمالج  خاااب زينه شصايرلج هيج خايفه...
زينه..مابيه بس ديري وجهج شويه ابدل فدوه..
زينب راح اطلع وبدلي براحتج ..
زينه.لا لا فدوه لا تطلعين ابقي يمي وديري وجهج الله يخليج....

.يله بدلي هاا اهاا درته وجهي..
..نزعت الدشداشه والمرايه كدامي اباوع الاثار مال الاضافر يخوفن يعني ما تخيل يربي خلصني والله راح امووت من الخوف والله..
زينب يله مخلصتي بسرعه..
زينه.محجيت لبست بسرعه وسنوني يطكطكن من البرد كعدت امشط وهيه تباوعلي مستغربه تسال واني مغلسه...

ردت اغير الموضوع اخاف اذا درت  تضل اتخاف مني  وتبتعد  نضرتهه تتغير وتضل تشوفني مخبل...

زينه.ااااشبيهن ععيونج مورررمه..

زينب.ياااع وكت عيوني  ماتشوفين حالج؟؟
زينه.شمالني انه بس بردانه لا تلطشين بحالي بس كولي انتي شبيج..
زينب.ااااااوف انه شنهي المابيه كولي ابووووي رفض امجد..
زينه.جاا وذا رفضه ليش ضايجه ؟؟
خلت ايده على عيونهه وكامت تبجي والله احبه زينه انه احب امجد  ما اكدر اعيش بدونه ولا هو يعيش بدوني وابوي حرمني منه...

زينه.يااا  حقيره وانه ما ادري بيج جا ماتكولين..
زينب.اسكتي زينه وعلي انه قافله اذا ابوي مايطيني اكتل روحي وما اعوفه انه احبه وما اعيش ويه غيره لو امووت..

زينه. انجبي شبيج انتي مخبله  عمي ليش ما وافق عليه اكيد بيي سبب...

عفست وجهه لج بابه هوو وين اكوو احسن من امجد انتي حقج تحجين هيج لان ماشايفته شايفه جماله شايفته من يحجي احس روحي اتيه من اشوفه وهو اعترفلي بحبه كال اذا ابوج ما انطاج اخذج غصب يحبني ايموت عليه والله وابوي قفل مرتين خطب وهو يرفض ليش شنوو السبب شنوو الشفته بي ماندري بس رافض وكبل ...

الله شكد حلوو اتخيلت ياسين هيج يحبني ..

زينب.ما اعرف شنوو الحياة عبالي بس احلام ورديه حبيت امجد من كل كلبي وهوو حباني جنت اخابره بسكته من تلفون ابوي لما لكفتني امي دكتني دك كعدت وسكتت بعد ما عدته بس من انروح لخوالنه اشوفه جان يفرح بجيتي يطير طيور  انخلصهه سوه سوالف وضحك بلبستان مالتهم اطلع بحجت بت خالتي واروح يمه هوه اكبر مني بسبع سنين  ملتحق بجيش  ابوي بلبدايه كال خوش ولد وشاغول  فرحت طرت بس ما ادري شنو الغيره كلب فجئه .....