روح مزيفه

حلقه ٤

جمدت بمكاني واني اسمع صوت ضحكتهه المقرفه
ززززززينه...زززززززززينه...

..هههههههههههه.زززززززينه.....

ضغطت عله نفسي اريد اجر النفس ما اكدر اريد اصرخ ارريد اهلي شكلهه سمينه وكفشتهه جبيره اضافيرهه نبتتهن بركبتي ....

انوود بمكاني مايطلع صوتي عيوني تتحرك ويه حركتهه وجسمي ما اكدر احركه احس عقلي وووكف...
ريحتهه مقززه خنكتني وهيه بس تضحك....

اخيرااا كدرت اطلع صوتي يممممممممممه  ....يمممممممه بقيت اكح اريد اتنفس غمضت عيني حييييل ما اريد اشوفهه ....

اريد اهلي اريد امي...يمممممه بقيت اصرخ احس اهلي ميسمعوني احس بقيت وحدي بهذا العالم...

انفتح الباب وشفتهم اجو كلهم يركضون امي واخواني وحبوبتي تنفت صاعده وراهم ...

زينه.يمممه الحكيلي يمممه تريد تخنكني يمممه تخووف لا تعوفوني والله تمووتني والله يممممه جنت ابجي واكح اريد افهمهم بس ما اكدراحس حراره براسي شكد ما اوصف شكلهه مينوصف مره مقرفه مقرررفه حيل..
حسنه.يممه بنيتي شجااج اسم الله اسم الله عليج حلم حلم محد يمج يمه...

ام حامد.يااا خايبه حسنه شجاج مخليه البت بضلمه نويمه لوحده صكدددد جذب....

حسنه.يا عمه جا غير هيه جلبت اله تنام وما ترضه اله بضلمه...

ام حامد.كوومي جده كومي اقره عليج كلشي ماكو لا توهسين كومي...

زينه..جنت اسمع الصوت جنت اشوف الشعر بملابسي وكلما احجي يكولولي كلشي ماكو تتخيلين اليوم شفتهه وهاي مجانت اخر مره...

نمت عله رجل حبوبتي وهيه تقره عله راسي لما غفيت...

زهور.جنه كاعدين بغرفت حبوبتي بيت عمي راحو نامو واحنه بعدنه نسولف بعمتي ابتسام زوجهه يريد يتزوج عليهه علمود الخلفه وهيه اتكله لو تزوجت مالي ضله ابيتك تطلكني اله تتزوج  ...

حسنه.اكلكم شني ذوله جيران جدد نزلو اهنا ..

محمد.يمه احنه وين نحجي شو طفرتي؟؟

حسنه.ياايمه شمالك تذكرت وكلت اسالكم..

رائد.اي جدد خوش ناس مبينين..

ام حامد.ياااع جا عمه حسنه باجر  نطبخ ونوديلهم غده فشله حك الجار عله الجار ...

حسنه.اي عمه انشالله..

رائد.خوش جا اذا طبختولهم كثرو تراهم عائله جبيره
حبوبه خوش تلكيلج صديجه عدهم حجيه مبينه طيبه ...

ام حامد.ياااع انه ما ابدل ام صبحي عبن عشرت عمر انه وياهه..

رائد.هههههه ادري ام صبحي ماخذه بيج طابو بس الهه....

ام حامد.. يعععع جااا غير هاي الاصيله يااا من فدوه رحتلهه....

زهور.تذكرت هذا الحلو خاف هو هذا جيرانه الجدد معقوله ياااا علاووا واضل دوم اشوف العافيه ....
رائد.اكلكم هذا موو صوت صريخ يو انه متوهم؟