روح مزيفه

حلقه ٣

للـه ما أحلى الطّفولة إنّها حلم الحيـاة
عهد كمعسـول الرؤى مـا بين أجنحة السّبات ترنو إلى الدّنيا وما فيها بعين باسمةٍ وتسير في عدوات واديها بعين حالمة.....

حسنه.يمه زهور صيحي اختج بسرعه تعالن اسبحن ونامن باجر ورانه كعده من الصبح...

زهور.اي يمه هسه..

حسنه.ولج اكلج كوومي صيحيهه بسرعه..

زهور.كمت نزلت اشوفهه وينه لكيته جوه يم بنات عمي حسين...

زينه.عله عنادجن راح اروح لجدادي وراح افتر بلمزارع واركض وره البط
واصعد عله الهوش..
زهور.صخيممممه امي تصيحج..

زينه.طفرت اركض رحت يمهه وكرصته نعيله مووو تشوفيني اتعيقل ليش تصيحيني صخيمه...

زهور.خااب ادري تتعيقلين وين رايحه لباريس هوه انتي حدج القريه..

زينه.خليت ايدي عله خصري وجاوبته من وره خشمي اييي وهسه شرايده..

زهور.امي تكول خلي تجي تسبح وتنام باجر ورانه طلعه من الصبح...

زينه.الله شكد حلوه راااح نروووح اباوع على ايدي واعدد هسه اروح ركض اسبح وامشط واحط ملابسي جوه فراشي حتى بس اكعد الصبح البسهن...

ثاني يوم...

حسنه.يمه زهره كومي سوي ريوك لخوانج على ما احضر هدومكم...

زهراء.اي يمه بس شويه واكعد..
حسنه.كوومي يمه مااكو وكت هم يله انروح يله بسرعه .....ياااا خااب موو احاجيج كوميي..

زهراء.كمت كمت والله كمت هااا ااهااا ....

زينه.دفيانه بفراشي واسمع امي اتكعد بزهراء فرررحانه بس نعسانه مابيه حيل اكوم لما امي ندهتنه اله كمنه جانت مسويه خبز وبيض سلك وجاي تريكنه ونزلنه لاكتنه حبوبتي..

حبوبه.هاا يمه وعيتو يله هم يله ترحون وراكم درب..

زهور.اي حبوبه كعدنه هسه بس تخلص امي نطلع..

حبوبه.ارويد وحمود وعوو لو بعدهم يتشاخرون..

زينه.لا حبوبه كعدو بعدني احجي ونزلو سلمنه عليهم وطلعنه رحنه للكراج واباوع الهوسه وريحة بانزين...

ناصريه ناصريه ناصرررريه...

نفرر كربلا طالع نفرر....

حله حله حلللللله طالع حله تفضلو عيني حله...

رائد.لالا رحم الله والديك...

زهور.صعدنه منشئه جبيره وونتضرنه لما قبطت واباوع صعد واحد يبيع جرك ندستني زينه...

زينه.شووفي شوفي هذا راح يروح ويانه هو والجرك مالته..

زهور.خاب وين يروح هذا يريد يبيع عله العبريه وينزل...