روح مزيفه

حلقه ٥

هيام.زهور تراه اخوي اياد معجب بيج واجد والله ...

زهور.وردت وفرحت والابتسامه شكت حلكي من الفرح
وتذكرت هيه واكفه لبست الجينكو ورديت ...

احم ااحم ااااا حبيبتي ترى اني مو من هاي البنات الماتستحي ايريدني خلي يحاجي اهلي مو يدزج الي قابل انه شسوي هسه .؟؟

هيام.اممممم غمزتلي وكالت يمه يمه منج واللابتسامه العريضه هاي شنهي معناتهه والله انج كلكجيه( لوتيه)،...

زهور هاا لا تذكرت شغله وابتسمت ردت اغير الموضوع لان استحيت....
صدك انتو وين جنتو قبل لا تجون لهنا...

هيام.احنه شردنه من سوالف الفصول بلبصره طكت رواحنه منهن يوميه لوو كاتل لو مكتول عاد شلنه واجينه لهنه...

زهور.هاا وخو ماترجعون بعد...

هيام.لا بس اياد يرد..

زهور.منو اياد؟؟

هيام.اياد المعجب فيج..
زهور.هااااا ههههه هو اسمه اياد جاا ليش يرجع مايبقه اهنا ...
هيام.امممم مكروده متعرفينه ههههه هو يدرس فيرد لديرتنه من يبدي الدوام...
زهور.هاااكلج اول ما اجيتو جان ضعيف شو فجاء سمن خاف يضرب ابر من هاي النازله جديده..

هيام.ههههه خاب يا ابر هو هذا طبيعته ضعف فترى ورد سمن...

زهور.هاااا..

هيام.والله انتي لا اخذ منج حك ولا باطل كضيتيهه عليه هاا وهاا خلي اروح اتاخرت ...يله مع السلامه انشوفكم بلخير...

زهور.بعد وكت خلينه متونسين شعدج مستعجله..

هيام.لا يختي مهرفه عجنت وهسه اكيد اختمر هم يله اخبز قبل الغروب يله مع السلامه..

زهور.الله وياج عود عيديهه..

هيام.انشالله...طلعت وسديت الباب وراهه باوعت من الفتحه شفته واكف منتجي على باب محله من شافهه وكف عدل وتقدم الهه راحت يمه حجت شويه جان يضحك ويدير وجهه يباوع على بابنه صاح اذاا تريد اجيبلهه منهن هلابر خلي اتكولي بس كون عاجبهه ...

يحححح فلك فلكج يهيام خزتني كدامه هسه يكول اشكد منتبهتلي اصخاام بوجهج اي والله...

جان اسمع عيطت محمد زززززهوور..

..يمه اسم الله شبيك ..

محمد اشعدج اتباوعين من الفتحه..

..يمه كلي هيج لووو طار كلبي بس لا حس بشي بس لا يلكفني اجه بسرعه فتح الباب وباوع الحمد الله اياد طب لبيتهم من شفته ماكو ردت روحي...

..شبيك محمد اباوع ع الشارع محبوسين بلبيت وضايجه قاابل عليمن اباوع والله يا الله هزيت ايدي ومشيت..

محمد.هزي ايدج مره ثانيه عود وشوفي شسوي بيج وحك علي اعلكهه بركبتج خوووش..

زهور.ااااا مووو قصدي والله اسفه اسفه ...مدري شجاني تخبلت شلون احاجيه هيج....